1 Jukorinto 4:7 - The Holy Bible In Alur (Lur) Revised Orthography

⁷ Kum ng’a m’uketho idok tung’i? man ke girang’o m’ibedo ko ma k’igamu agama iri ngo? ento tek igamu agama, idong’ iheri nedi calu k’igamu agama ngo e?

1 Jukorinto 4:7 ပူးပေါင်းရင်းမြစ်များ

Lembrieko 2:6

Kum Yehova mio rieko; Ng’eyong’ec ku ng’eyothelembe ai kud i dhoge:

Ezekiel 29:3

yer, man iwac kumae, Rwoth Yehova wacu kumae: Nen, an a jadhogi, Farao m’ubimo mi Misiri, thwol ma dit m’uvuto i die kulo pare, m’uwacu kumae, Kulo para en e para gira, man atime ira gira.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Luka 19:13

E elwong’o jumiru pare apar, emio igi nyol mola apar, man ewacu igi kumae, Wulok maeni cil m’abino.

Yohana 1:16

kum wan ceke wagamu kum gin m’epong’ ko, man bero wi bero.

Yohana 3:27

Yohana loko lembe ewacu kumae, Ng’atu moko copo jolo gin moko ngo, tek emire ire kud i polo ngo.

Jurumi 1:5

ma ni kume wanwang’u bero man kwenda, ni woro mi yioyic i kind thek ceke, pi nyinge;

Jurumi 12:3

Kum ayero, ni kum bero m’umire ira, ni dhanu ceke ma ni i kindwu kubang’gi kubang’gi, ng’atuman ie kud upid pire gire ma sagu ma maku ie pidi; ento ie pid kumeni calu pidoie bedo nger, calu mukero mi yioyic ma Mungu daru mio ni dhanu ceke kubang’gi kubang’gi.

Jurumi 12:6

Man ma wabedo ku giramia ma tung’ tung’ calku bero maeni m’umire iwa, tek en e lembila, dong’ wacu calku yioyic maka mwa;

1 Jukorinto 15:10

Ento ni kum bero pa Mungu abedo ku ramba nini: man ke berone m’emia junwangu ebedo mananu ngo: ento amula ku tic ma sagugi ceke: endre an ungo, ento bero pa Mungu m’ubedo kuda re.

1 Jukorinto 3:5

Ka kumeno Apolo en e girang’o? man ke Paolo de en e girang’o? Gi jutim ma wuyio ni kumgi; man dhanu ceke kubang’gi kubang’gi ng’atuman bedo ko calu Rwoth umio ire.

1 Jukorinto 5:6

Kulula mu e ber ungo. Wung’eyo ngo nia thobi ma nyanok thumo i kwen ceke?

1 Jukorinto 7:7

Endre ayenyo ya dhanu ceke bed calu an. Ento ku ba dhanu ceke ng’atuman ubedo ku giramia pare m’uai ba Mungu, acel kumae, mange ke kumae.

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

1 Petro 4:10

calu ku ba dhanu ng’atuman ujolo giramia, ma wutim ko i kindwu giwu, calu jukurpiny ma ber mi bero pa Mungu ma kwonde tung’ tung’;