1 Jukorinto 4:12 - The Holy Bible In Alur (Lur) Revised Orthography

¹² man wamula ku tic, ma wabetimo ku cingwa giwa: ka jubecayuwa, e wamio mugisa; ka jubenyayu ragedo i kumwa, e waciro;

1 Jukorinto 4:12 ပူးပေါင်းရင်းမြစ်များ

Matayo 5:11

Mugisa iwu ka dhanu bicayuwu, man gibinyayu ragedo i kumwu, man gibiyero gin ma rac ma kwonde tung’ tung’ i kumwu ma en e ndra, ni kuma.

Matayo 5:44

endre awacu iwu kumae, Wumar judegiwu, wurwo de pi ju m’unyayu ragedo i kumwu;

Luka 23:34

E Yesu wacu kumae, Vwa, wek lem migi rwiny; kum ging’eyo ngo gin ma gitimo. Man gipoko kendi pare i kindgi, gigoyo ku jara.

Luka 6:28

wumi mugisa ni ju m’ulamuwu, wurwo pi ju m’uyenyowu ku rop.

Yohana 15:20

Wupoi kum lembe m’ayero iwu kumae, Jamiru sagu rwodhe ngo. Tek ginyayu ragedo i kuma, gibinyayu ragedo i kumwu bende; tek giworo lembe para, gibiworo mu bende.

Tic Mi Jukwenda 18:3

man kum gi weg bodho acel, gibedo gikugi, gitimo de: kum bodho migi kwoyo hema.

Tic Mi Jukwenda 20:34

Wung’eyo giwu nia cing’ maeni timo ni canpiny m’unega, ni ju ma wanuti wakugi de.

Tic Mi Jukwenda 7:60

E erum piny, man ekok ku dwande ma tek kumae, Rwoth, kud iketh dubo maeni i kumgi. E kinde m’eyero maeni, enindo.

Jurumi 12:14

Mi mugisa ni ju m’unyayu ragedo i kumwu; mi mugisa, man kud wukwong’ kwrong’.

Jurumi 12:20

Ento tek jadegini kec ubenege, mi ire cam; tek rieu unege, mi emadhi: kum i tim m’itimo ko kumeni ibicoko cukmac i wie.

Jurumi 8:35

Ng’a ma bikoyowa ku mer pa Kristu? masendi, kadi ndiba, kadi ragedo, kadi ndru, kadi muneru, kadi both abotha ku tho, kadi palamularu?

1 Jukorinto 9:6

Kadi an a kenda waku Barnaba, tego mwa mbe ma wawek ko tici?

2 Jukorinto 11:8

Ayaku kanisa mange m’agamu ko sukulia i bang’gi kara atim ko iwu;

Juefeso 4:28

Dong’ ng’atu ma kwalu kud ekwai kendo: ento ma sagu dong’ etim tic, m’etimo ku cinge gin maeno ma dre, kara ebed ku gin m’emi ni ng’atu ma canpiny ni i kume.

1 Jutesaloniki 2:9

Kum wupoi, umego, pi tic ma wamula ko ku sendri: ma wabewatimo diewor ku dieceng’, kara ku wanur kindwu moko, wayero iwu lembanyong’a ma juboth ko pa Mungu.

2 Jutesaloniki 3:8

kadi wacamu kwen mananu de ngo i cing’ ng’atu moko, ento i muli mi tic man i sendri, watimo diewor ku dieceng’, kara ku wanur ng’atu moko m’i kindwu:

1 Timoteo 4:10

Kum lembe nini wabemula ku tic man wabeii aiia, kum genogen mwa ndhu ni yo ba Mungu ma kwo, m’e Jalar mi dhanu yu, ndhu mi ju m’uyie.

1 Petro 2:23

ma, ka jucaye edwoko wang’ cac de ngo; kan esendre, ecimo cim ungo; ento emire gire ni ng’atu m’upoko lembe pwe:

1 Petro 3:14

Ento tek wusendru kum bedopwe, mugisa kwanyuwu: man lworo migi kud unegwu, kadok ang’aba de cwinywu kud ung’abre;

1 Petro 3:9

ma culo wang’ dubo ngo pi dubo, kadi ayany de pir ayany; ento ma tung’ wucul mugisa; kum julwong’owu ni maeni, kara wugam mugisa ni mucumbi.

1 Petro 4:19

Kum kumeno dong’ ju m’usendri bende calku yeny ma Mungu yenyo giketh ng’eyong’ec migi i timober ni Jacwic mandha.

Yuda 1:9

Ento Mikael ma en e malaika ma jadit, kinde ma gi-ii giku wonabau epiemo pi kum Musa, cwinye tek ungo m’ekelo ko lembapoka mi cac i wie, ento ewacu kumae, Dong’ Rwoth ujuki.