1 Jukorinto 3:9 - The Holy Bible In Alur (Lur) Revised Orthography

⁹ Kum wan wa jutic ma watimo karacelo waku Mungugi: wun wu girafura pa Mungu, wu giragoma pa Mungu.

1 Jukorinto 3:9 ပူးပေါင်းရင်းမြစ်များ

Zaburi 118:22

Kidi ma jugomot gikwero Edoko ni wi gui.

Zaburi 72:16

Cam bibedo dit i ng’om wi gudi; Nyinge biyengre calu Lebanon: Man lembe mi dhanu mir adhura bibedo miero calu lum mi ng’om.

Lembrieko 9:1

Rieko gomo ot pare; Epayu mbegi pare abiro:

Isaya 32:20

Wu jumugisa wu ju ma wucoyo ng’et pi ceke, ma wuoro tiend koni dhiang’ ku mi kana.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Isaya 61:5

Man juwirok bicungo man gibikwayu udul rombe mu, man juwirok bibedo ni jufur mu ku julwer kum ulok mu.

Yeremia 2:21

Ento apidhi ni ulok ma ber, ndhu kodhi ma cu: ka kumeno ilokri ni jambulok ma tung’ ma rac ira nedi?

Matayo 15:13

Ento eloko lembe ewacu kumae, Ku ba girapidha ceke ma Vwa m’i polo kupidho en ungo jubifudhe woko.

Matayo 16:18

An bende awacu iri, nia in i Petro, man ke abigomo kanisa para wi cana maeni; e dhugang’ mi Hadeya de biloye ngo.

Matayo 9:37

Elund ewacu ni julubne kumae, Mwoka bedo dit andha ere jutic gilam.

Marko 16:20

E gicidho, giyero i kaka ceke, Rwoth utimo kugi, eketho tego kum lembene ku giranyutha m’ulube. Amen.

Tic Mi Jukwenda 4:11

En e kidi ma wun wu jugomot wudwoke ni gin mananu, ma judwoke ni wie mi gui.

1 Jukorinto 3:16

Wung’eyo ngo ya wun wu hekalu pa Mungu, man Tipo Mungu de bedo i iwu?

1 Jukorinto 3:6

Apidho, Apolo ke kwoyo pi; ento nyai m’enyai ko Mungu mio en.

1 Jukorinto 6:19

Kadi wung’eyo ngo ya kumwu en e hekalu pa Tipo Maleng’ ma ni i iwu, ma wubedo ko m’uai ba Mungu? man ke wu mu giwu ngo;

2 Jukorinto 6:1

E wan ma wabetimo karacelo wakude wabethokowu bende ya kud wujol bero pa Mungu mananu

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Juefeso 2:10

Kum wan wa bodho pare, ma jucwiowa i Kristu Yesu pi tic ma ber, ma Mungu lar uyiko kara wawoth i igi.

Jukolosai 2:7

ma ulegwu nyang’ ma wugombru de i ie, ma wunyang’ i yioyic mu de, cil calu juponjowu, ma wusegru ko i foyofoc bende.

1 Timoteo 3:15

ento tek agalu hai, kara ing’ei maram maku jutim i ot pa Mungu, ma en e kanisa pa Mungu ma kwo, mbegi ku tiend ot mi lemandha.

Juebrania 3:6

ento Kristu re calu wod, wi ot pa Mungu; ma ode en e wan nini, tek wamaku tegocwiny mwa ki man kulula mi genogen mwa ku tego cil i kajikne.

1 Petro 2:5

wun bende, calu kidi ma kwo, wugombru wi ot mi tipo, kara wubed ni lamulam ma leng’, ma wuthiero ko lam mi tipo, ma yire ni Mungu ni kum Yesu Kristu.

3 Yohana 1:8

Ka kumeno maku wajol wagi ju ma kumeno, kara wabed jutic karacelo pi lemandha.