1 Jukorinto 3:7 - The Holy Bible In Alur (Lur) Revised Orthography

⁷ Ka kumeno ng’atu m’upidho en e gin moko ngo, kadok en m’ekwoyo pi de; ndhu Mungu re m’umio nyai m’enyai ko.

1 Jukorinto 3:7 ပူးပေါင်းရင်းမြစ်များ

Zaburi 115:1

Iwa ngo, E Yehova, iwa ngo, Ento mi dwong’ ni nyingi, Kum mer mi bero peri, man kum lemandha peri.

Zaburi 90:17

Man wek bero pa Rwoth Mungu mwa bed i wiwa; Man keth tic m’i cingwa cung i kumwa; Eyo, keth tic m’i cingwa cungi.

Isaya 40:17

Thek ceke gi calu gin moko ngo i wang’e; ekwanugi calu gin moko ngo, man ma ie nanu.

Isaya 41:29

Nen, kagi ceke, tic migi gin ma ie nanu man mananu; ayi gin m’acwia migi m’atwaga gi yamu man ang’abacwiny.

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Yohana 15:5

An a tiend ulok, wun wu jange: Ng’atu m’ubedo i ia, an de i ie, ng’atuno cego nyinge dupa: kum wucopo timo gin moko ngo nge kuda.

1 Jukorinto 13:2

Man ke tek a won giramia mi lembila, man ang’eyo giramung’a ceke ku girang’eya de ceke; man tek a won yioyic ceke, m’acopo ketho ko gudi ai cen, ento mer umbe kuda, meca an a mananu.

1 Jukorinto 3:6

Apidho, Apolo ke kwoyo pi; ento nyai m’enyai ko Mungu mio en.

1 Jukorinto 3:8

Nie ng’atu m’upidho ku ng’atu m’ukwoyo pi de gin acel: ento ng’atuman binwang’u sukulia pare gire rom ku tic pare gire.

2 Jukorinto 12:11

Adoko jakasegu: wucwala; kum emaku ya wufoya: kum adong’ cen ki ngo i gin moko mi jukwenda ma sagu juwagi ceke, kadok an a gin moko ngo.

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Jugalatia 6:3

Kum tek ng’atu moko ie wacu ya en e m’e en, ma en ke k’e gin moko ngo, meca ewondre gire.