1 Jukorinto 3:23 - The Holy Bible In Alur (Lur) Revised Orthography

²³ wun ke wu pa Kristu; Kristu ke en e pa Mungu.

1 Jukorinto 3:23 ပူးပေါင်းရင်းမြစ်များ

Matayo 17:5

Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Yohana 17:18

Cil calu iora i ng’om, e kumeno an bende aorogi i ng’om.

Yohana 17:21

kara gin ceke gibed acel; cil calu in, Vwa, ini i ia, an de ani ii, kara gin de gibed i iwa: kara ng’om uyi nia iora.

Jurumi 14:8

Kum kadok wabedo, wabedo ni Rwoth; kadi kadok watho de, watho ni Rwoth: ka kumeno kadok wabedo, kadi watho, wan wa pa Rwoth.

1 Jukorinto 11:3

Ento ayenyo wung’ei, nia wi co ceke kubang’gi kubang’gi en e Kristu; man wi dhaku en e ng’atu ma nico; wi Kristu ke en e Mungu.

1 Jukorinto 15:23

Ento dhanu acel acel ku kakagi kendgi: Kristu landu wi mwoka; macen ju ma gi pa Kristu, i bino pare.

1 Jukorinto 15:28

Man ka judwoko gin ceke bed wor ire, e Wod nini bende bilund doko wor ire en e ng’atu m’edwoko gin ceke bed wor ire, kara Mungu bed ceke i ceke.

1 Jukorinto 7:22

Kum ng’atu ma julwong’e i Rwoth ma nwang’u en e jamiru, en e ng’atu m’agonya pa Rwoth: kumeno de ng’atu ma julwong’e ma nwang’u ebedo agonya de, en e jamiru pa Kristu.

1 Jukorinto 8:6

ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume.

2 Jukorinto 10:7

Wuneno gin ma ni i weng’wu. Tek ng’atu moko begendre gire ya en e pa Kristu, dong’ ie pid maeni kendo gire, nia, cil calu en e pa Kristu, wan bende wabedo kumeno.

Jugalatia 3:29

Man tek wu pa Kristu, meca wu nyikwai Ibrahim, wu jucampacu calku lembang’ola.

Jugalatia 5:24

Man ju ma gi pa Kristu Yesu giguro kum kud avane man awanya ma racne de kor yen m’athara.

Juefeso 1:10

kara i nindo mi pong’ mi rundi, ecok kwai giki ceke i Kristu, giki m’i polo, ku giki ma wi ng’om bende; i ie, awacu,