1 Jukorinto 3:10 - The Holy Bible In Alur (Lur) Revised Orthography

¹⁰ Calku bero pa Mungu ma jumio ira, acaku there ve jabodho ma riek m’ugomo ot; ng’atu mange de begomo yor i wie. Ento wek ng’atuman unen cu ram ebegomo ko yor i wie.

1 Jukorinto 3:10 ပူးပေါင်းရင်းမြစ်များ

2 Lemkei 2:12

Huram uwacu kendo kumae, Mugisa bed ni Yehova, Mungu mir Israel, m’ucwio polo ku ng’om, m’emio nyathin ma nico ma riek ni Daudi m’ubimo, m’e riu man won ng’eyong’ec, ma bigomo ot ni Yehova, man ot mi ker pare.

Ai 36:4

E dhanu ceke ma riek, m’utimo tic ceke mi kamaleng’, ku ba dhanu ceke ng’atuman uai i tic pare m’etimo;

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Lembrieko 9:1

Rieko gomo ot pare; Epayu mbegi pare abiro:

Eklizia 12:9

Man kendo, kum Jayerlembe riek, eponjo dhanu asu ku ng’eyong’ec; eyo, ie pido, man eyenyo, man ethelo lembrieko dupa.

Daniel 12:3

Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo.

Zekaria 4:9

Cing’ Zerubabel uketho thepiny mi ot maeni; cinge bende bidare; man ibing’eyo nia Yehova mir udul uora i beng’wu.

Matayo 24:45

Ka kumeno ng’a ma jamiru mandha ma riek de, ma rwoth pare kethe wi juode, ya emi igi cemo migi i nindone?

Matayo 7:24

Ka kumeno ku ba dhanu ceke m’uwinjo lem para maeni, etimogi de, jubipore ku jarieko, m’ugomo ot pare wi cana:

Luka 11:35

Ka kumeno nen tek der ma ni ii kud ubed ni mudho.

Luka 21:8

Man ewacu igi kumae, Wubed ku weng’wu kara ku juwingwu: kum dhanu dupa bibino ku nyinga, ku wacu kumae, An a en; man, Nindo dhingo ceng’ni: kud wulub ng’eigi.

Tic Mi Jukwenda 18:27

E ka ie pido nik ekadh i Akaya, umego gicwake, gigoro lembe de ni julub ya gijole: e kan ewok, ekonyogi dit gi ju ma giyio ni kum bero;

Jurumi 1:5

ma ni kume wanwang’u bero man kwenda, ni woro mi yioyic i kind thek ceke, pi nyinge;

Jurumi 12:3

Kum ayero, ni kum bero m’umire ira, ni dhanu ceke ma ni i kindwu kubang’gi kubang’gi, ng’atuman ie kud upid pire gire ma sagu ma maku ie pidi; ento ie pid kumeni calu pidoie bedo nger, calu mukero mi yioyic ma Mungu daru mio ni dhanu ceke kubang’gi kubang’gi.

Jurumi 15:15

Endre agoro iwu ku tegocwiny ma sagu i ng’ete moko, calu abeketho wupoi kendo, kum bero m’uai ba Mungu m’umire ira,

Jurumi 15:20

eyo, m’akeco nik ayer lembanyong’a ma juboth ko, i ka ma nying’ Kristu lwongre i ie ngo, kara kud agom wi kathere pa ng’atu mange;

1 Jukorinto 3:11

Kum there mange ng’atu moko copo caku ngo ma tung’ ku eni ma jucaku, ma en e Yesu Kristu.

1 Jukorinto 9:2

Tek an a jakwenda ngo ni jumange, ento iwu re an a jakwenda; kum wun nini e ma wun ayi kwenda para i Rwoth.

2 Jukorinto 10:15

ma wakulula ko ngo ma sagu kapor mwa, i tic ma jumange gimuli ko; endre ma wabedo ku genogen nia, calu yioyic mu bedongo, e wabidoko dit ni kumwu calku jampor mwa ni sag ma jusagri ko,

Juefeso 2:20

ma wugombru wi kathere mi jukwenda ku jubila, Yesu Kristu en e m’e kidi ma dwong’ mi gui;

Jukolosai 1:29

e amula ku tic bende pi eni, m’abeii ko aiia calku tim m’ebetimo, m’ubetimo i ia ma tek.

Jukolosai 4:17

Wuwac ni Arkipo kumae, Dong’ iketh weng’i kum tic m’ijolo i Rwoth, kara itime kakare.

1 Jutesaloniki 3:2

e waoro Timoteo, m’umegwa man jatic pa Mungu i lembanyong’a ma juboth ko pa Kristu, kara eketh wucungi, man kara ejukwu kum yioyic mu;

1 Timoteo 4:16

Dong’ ibed ku weng’i i kumi giri, man kum ponji peri. Bed asu i gin maeni; kum tek itimo kumeni ibibodhri giri ku dhanu m’ubeduwinji bende.

2 Timoteo 2:15

Dong’ itim kud amora m’inyuthri ko ni Mungu, ya in i ng’atu m’efoyo, jatic ma lewic umbe i wie, m’upoko lembe mandha cu.

Yakobo 3:1

Kindwu dupa kud ubed juponji, juwada, ma wung’eyo ko nia wabinwang’u lembapoka tek ma sagu.

1 Petro 4:11

tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

2 Petro 3:15

Man wukwan nia mwonyolembe ma Rwoth mwa mwonyo hai en e both; cil calu umegwa ma jamer Paolo bende, calku rieko m’umire ire, ugoro iwu;

Lembanyutha 21:14

Man the gang’ mir adhurane apar wi ario, man i wigi nying’ apar wi ario mi jukwenda apar wi ario pa Nyathi Rombo.

Lembanyutha 21:19

The gang’ mir adhurane bedo aruka ku kidi ma pire tek ma kwonde ceke tung’ tung’. There ma kwong’ane en e kidi ma jukite ma pii pii; mir arionde, kidi ma tek ma ie nen uluga: mir adege, kidi ma tar ma kume thumo; mir ang’wende, kidi ma calu lum;