1 Jukorinto 2:9 - The Holy Bible In Alur (Lur) Revised Orthography

⁹ ento calu egore kumae, Gin ma wang’ fokuneno ngo, ku ma ith de fokuwinjo ngo, Ma fokumondo de i adunde dhanu ngo, Gin ceke ma Mungu yiko ni ju m’umare.

1 Jukorinto 2:9 ပူးပေါင်းရင်းမြစ်များ

Zaburi 31:19

A bero peri dit mire ma, M’ikanu ni ju m’ulwori, M’itimo ni ju m’upondo i beng’i. I wang’ wot dhanu!

Isaya 64:4

Kum ugambre con dhanu winjo ngo, kadi ging’eyo ku ith de ngo, kadok wang’ de neno Mungu mange ngo m’umedi, ma timo ni ng’atu m’ukure.

Isaya 65:17

Kum, nen, acwio polo ma nyen ku ng’om ma nyen; e jubipoi pi gin ma kwong’a ngo, kadi ebiwok i pidoic de ngo.

Matayo 20:23

Ewacu igi kumae, Kikombe para wubimadhu andha: ento bedo yo ku cinga ma yor acwic, yo ku cinga ma yor acam de, en e para ngo ya ami; ento en e ni ju ma Vwa yiko igi.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

1 Petro 1:12

M’unyuthre igi, nia igi gigi ngo, ento iwu, gitimo gin maeni, ma kawono uyere iwu ni kum ju ma giyero iwu lembanyong’a ma juboth ko ku Tipo Maleng’ ma juore kud i polo; ma malaika giyenyo ging’i i ginde.

1 Yohana 4:19

Wamaru, kum elar emaruwa.