1 Jukorinto 2:12 - The Holy Bible In Alur (Lur) Revised Orthography

¹² Ento wajolo, tipo m’i ng’om ungo, ento tipo m’uai ba Mungu; kara wang’ei gin ma Mungu mio iwa k’abamba.

1 Jukorinto 2:12 ပူးပေါင်းရင်းမြစ်များ

Jurumi 8:1

Kum kumeno kawono dong’ pokolembe ma rac umbe wi ju ma gini i Kristu Yesu.

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

1 Jukorinto 1:27

ento Mungu foyo gin ma kitgi mbe i ng’om, kara eketh lewic umak ju ma gi riek; man Mungu foyo gin ma ng’ic m’i ng’om, kara eketh lewic umak weg tego;

1 Jukorinto 2:6

Wayero rieko, ento, i kind ju ma wang’gi teng’ni kum lembe: ere rieko m’i ng’om maeni ngo, kadi mi jubim m’i ng’om maeni ngo, ma kakare bibekadhu:

1 Jukorinto 3:22

kadok Paolo, kadi Apolo, kadi Kefa, kadi ng’om, kadi kwo, kadi tho, kadi gin ma kawono, kadi gin ma bibino; ceke en e mu;

2 Jukorinto 4:4

i joca mungu mi ng’om maeni yutho wang’ pidoic mi ju ma juyic ungo, kara der mi lembanyong’a ma juboth ko mi dwong’ pa Kristu, ma en e ayi Mungu kud uler igi.

Juefeso 2:2

ma naka wuwotho i ie calku kura mi ng’om maeni, calku jadit mi tego mi lietho, mi tipo ma kawono ubetimo i wot juco;

Yakobo 4:5

Kadi iwu pido ya nyo lembagora pa Mungu yero mananu? Cwiny maeno m’eketho ubed i iwa ava ubenege cil ku kumira?

1 Yohana 2:20

Man wubedo ku wir m’uai ba Ng’atu Maleng’, e wung’eyo gin ceke.

1 Yohana 2:27

Ento wun re, wir ma wujolo i bang’e bedo i iwu, man can ponji ma nia ng’atu moko ponj kowu negowu ngo; ento calu wir pare ponjowu pi gin ceke, man en e andha, en e ndra de ngo, man cil calu eponjowu, wubed i ie.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 22:6

Man ewacu ira kumae, Lembe maeni gi mandha gin andha de: man Rwoth, Mungu mi tipo mi jubila, eoro malaika pare unyuth ni jumiru pare gin ma fodi nyanok bikotimbre be.