1 Jukorinto 2:10 - The Holy Bible In Alur (Lur) Revised Orthography

¹⁰ Ento Mungu nyuthogi iwa ku Tipo: kum Tipo beyenyo i gin ceke, eyo, cil lembe pa Mungu ma ng’eyo tek.

1 Jukorinto 2:10 ပူးပေါင်းရင်းမြစ်များ

Kitabu Pa Yob 12:22

Eyabu gin ma thuth kud i mudho Man ewodho tipo mi tho i der.

Isaya 48:16

Wubin ceng’ni an, wuwinj maeni; ugambre i thangambere ayero mung’ mung’ ungo; ugambre i nindo m’enuti, ani keca: man kawono Rwoth Yehova ora, man Tipo pare.

Isaya 59:21

Man pira, maeni lembariba para ma wakugi, Yehova wacu: Tipo para ma ni i wii, man lembe para m’aketho i dhogi, biai kud i dhogi ngo, kadi kud i dhu kodhini de ngo, kadi kud i dhu kodhi mi kodhini de ngo, Yehova wacu, ugambre kawono cil nja.

Daniel 2:22

enyutho gin ma thuth ku gin m’amung’a; eng’eyo gin ma ni i mudho, man der ubedo kude.

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Matayo 16:17

E Yesu loko lembe ewacu ire kumae, Mugisa iri, Simon Bar-Yona: kum kum ku rimo nyuthe iri en ungo, ento Vwa ma ni i polo re.

Luka 10:21

I saa maeni anyong’a nege i Tipo Maleng’, ewacu kumae, Afoii, E Vwa, Rwoth m’i polo ku ng’om, kum imung’o gin maeni ni jurieko ku weg ng’eyong’ec, man inyuthogi ni mukere: eyo, Vwa; kum ebedo ni mutoro i weng’i kumeno.

Luka 2:26

Man Tipo Maleng’ unyutho ire nia ebineno tho ngo, ma fokeneno Kristu pa Rwoth ungo.

Yohana 14:26

Ento Jajuk, ma Tipo Maleng’, ma Wego bioro ku nyinga, ebiponjowu ku gin ceke, man ebipoyowu kum lembe ceke m’ayero iwu.

Yohana 16:13

Ento kan ebibino, en e Tipo mi lemandha, ebitelo wiwu i lemandha ceke: kum ebiyero gire ngo; ento gin ma tek ewinjo, e ebiyero ginde: man ebiyero iwu pi gin ma bibino.

1 Jukorinto 14:30

Ento tek lembanyutha unyuthre ni wadi m’ubedo i vute, wek ng’atu ma kwong’a bed ling’.

1 Jukorinto 2:11

Kum ng’a m’i kind dhanu m’ung’eyo lembe m’i ng’atu moko, ndhu cwiny ng’atuca gire, ma ni i ie ngo? gin pa Mungu de kumeno ng’atu moko mbe m’ung’eyo, ndhu Tipo Mungu kende.

Jugalatia 1:12

Kum agame ba dhanu ngo, kadi juponja kude aponja de ngo, ento ewok i bang’a ni kum nyuth pa Yesu Kristu.

Juefeso 3:3

maram juketho ang’eyo ko giramung’a ni kum nyuthonyuth calu alar agoro ku lembe ma nyanok,

Juefeso 3:5

ma kum dhanum’utuk mange juketho eng’eire ngo ni wot dhanu, calu ma kawono enyuthre ni jukwenda pare ma leng’ man jubila i Tipo;

1 Timoteo 4:1

Ento Tipo wacu gbe, ya i nindo macen jumoko bibadhri kum yioyic, gibiciko ithgi ba tipo mir abidhe ku ponji mi pajogi,

1 Petro 1:12

M’unyuthre igi, nia igi gigi ngo, ento iwu, gitimo gin maeni, ma kawono uyere iwu ni kum ju ma giyero iwu lembanyong’a ma juboth ko ku Tipo Maleng’ ma juore kud i polo; ma malaika giyenyo ging’i i ginde.

1 Yohana 2:20

Man wubedo ku wir m’uai ba Ng’atu Maleng’, e wung’eyo gin ceke.

1 Yohana 2:27

Ento wun re, wir ma wujolo i bang’e bedo i iwu, man can ponji ma nia ng’atu moko ponj kowu negowu ngo; ento calu wir pare ponjowu pi gin ceke, man en e andha, en e ndra de ngo, man cil calu eponjowu, wubed i ie.

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;

Lembanyutha 2:24

Ento ayero iwu, ni dongwu m’udong’ i Thuatera, ma fodi wumbe ku ponji maeni, ma wung’eyo gin ma thuth pa Jok ungo, calu giwacu; abolo ter mange ngo i wiwu.