1 Jukorinto 15:57 - The Holy Bible In Alur (Lur) Revised Orthography

⁵⁷ ento foyofoc ni Mungu, m’umio iwa aloci ni kum Rwoth mwa Yesu Kristu.

1 Jukorinto 15:57 ပူးပေါင်းရင်းမြစ်များ

2 Ubimo 5:1

Nie Naman, ma jego mir udul p’ubimo mi Cami, en e ng’atu ma dit i wang’ rwoth pare, man mi yung, kum Yehova mio aloci ni Cami ni kume: en e ng’atu ma tek ma jarukara bende, ento en e won joi.

I Lemkei 22:11

Kawono, woda, Yehova bed kudi; man lembe bed iri miero, man igom ot pa Yehova Mungu peri, calu eyero piri.

Zaburi 98:1

A wuwer wer ma nyen ni Yehova; O Kum etimo gin ma wang’u ijo: Cinge ma yor acwic, man bote ma leng’, utimo both ire,

Lembrieko 21:31

Ri uni bedo ayika mi ceng ali; Ento aloci en e pa Yehova.

Yohana 16:33

Ayero giki maeni iwu, kara wubed ku kwiocwiny ni kuma. Masendi ni i beng’wu i ng’om: ento dong’ cwinywu bed tek; avoyo ng’om.

Tic Mi Jukwenda 27:35

E kan ewacu maeni, eting’o kwen de, egam efoyo Mungu i wang’gi ceke; man eng’weko ie, emaku camu de.

Jurumi 7:25

Afoyo Mungu ni kum Yesu Kristu Rwoth mwa. Kum kumeni an gira ku pidoia, atimo cik pa Mungu andha; endre ku kum atimo ni cik mi dubo.

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

1 Jukorinto 15:51

Nen, ayero iwu giramung’a: Kawa ceke wabinindo ngo, ento jubilokowa kawa ceke,

2 Jukorinto 1:11

ma wubekonyo karacelo bende piwa ku kwac ma wukwayu; kara, kum giramia ma jumio iwa ni kum dhanu dupa, foyofoc umire ku dhanu dupa ni kumwa.

2 Jukorinto 2:14

Ento foyofoc ni Mungu, m’etelo wiwa thiri thiri i sag ma jusagu ko ni kum Kristu, man eketho mido mi ng’eyong’ec pare nyuthre i kaka ceke ni kumwa.

2 Jukorinto 9:15

Foyofoc ubed ni Mungu kum giramia pare ma sagu ma aweca.

Juefeso 5:20

ma wubemio ko foyofoc thiri thiri pi gin ceke i nying Rwoth mwa Yesu Kristu ni Mungu ma Wego.

Juebrania 2:14

Kum nwang’u nyithindho gr jurib ring’o ku rimo, en gire bende egamu maeno nino kumeca; kara ni kum tho ethir ng’atu ma jatego mi tho, ma en e wonabali;

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.

Lembanyutha 21:4

man ebiyweyo piwang’ pet kud i wang’gi; man tho bibedo nuti i kendo ngo; kadok can, kadi ywak, kadok remokum de bibedo nuti kendo ngo: gin i ma kwong’a daru kadhu.