1 Jukorinto 15:52 - The Holy Bible In Alur (Lur) Revised Orthography

⁵² nyapil calu goyo wang’, kinde ma agwara ywak macen: kum agwara biywak, man ju m’utho bicer m’umbe nyothri, e wan de jubilokowa.

1 Jukorinto 15:52 ပူးပေါင်းရင်းမြစ်များ

Zaburi 73:19

Gidoko ni uvuru nyagwil mire ma! Githum pet ku ndiri.

Ai 19:16

Man etimbre i ceng’ mir adege, nwang’u piny uru, nia morpolo nuti ku lukoth, man afuru ma yer yer wi got, ku dwal mir agwara ma tek apila: man dhanu ceke ma ni i kagonjo kumgi miel.

Ai 20:18

Man dhanu ceke neno morpolo, ku lukoth, ku dwand agwara, man got m’uthwugo yiro: e ka dhanu neno maeni, kumgi miel, man gicungo ku bor.

Ai 33:5

Man Yehova wacu ni Musa kumae, Wac ni nyithindho mir Israel kumae, Wu dhanu ma ng’utwu tek; tek aidho malu i kindi i kinde ma nyathigi, abijigo wii: ka kumeno kawono wodh ruko peri cen, kara ang’ei gin m’atim i beng’i.

Isaya 18:3

Wu dhanu ceke ma wubedo i ng’om, man wun umondo ma wi ng’om, kinde ma juting’o abera malu wi gudi, wunen; man kinde ma jukudho agwara, wuwinji.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Ezekiel 33:3

tek, kinde m’eneno palamularu wok wi ng’ombe, ekudho agwara, man epoyo dhanu;

Ezekiel 33:6

Ento tek jakur uneno palamularu bino, man ekudho agwara ngo, e jupoyo dhanu ngo, man palamularu bino, man ekabu ng’atu moko kud i kindgi; jukabe cen i kier pare, ento rimo pare abilwong’o i cing jakur.

Zekaria 9:14

Man Yehova binen i wigi; man athero pare biringo pami lukoth; man Rwoth Yehova bikudho agwara, man ebicidho ku wavuvu ma yor ariwa ma piny.

Kitabu Mir Ang’wende Pa Musa Wel 10:4

Man tek gikudho acel kende, judongomawijo, ma wi rubanga mir Israel, gibilund cokri i beng’i.

Kitabu Mir Ang’wende Pa Musa Wel 16:21

Wukoiru giwu ku kind udul maeni, kara anyothgi pio.

Kitabu Mir Ang’wende Pa Musa Wel 16:45

Wuai cen ku kind udul maeni, kara anyothgi pio. E gipodho arieba wang’gi.

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Yohana 5:25

Andhandha awacu iwu kumae, Saa bebino, man enuti kawono, ma ju m’utho biwinjo ie dwand Wod Mungu; man ju m’uwinjo gibibedo kwo.

Yohana 5:28

Iwu kucj uwang’ kum lembe maeni: kum saa bebino, ma ju m’i liel ceke biwinjo ie dwande,

1 Jukorinto 15:23

Ento dhanu acel acel ku kakagi kendgi: Kristu landu wi mwoka; macen ju ma gi pa Kristu, i bino pare.

1 Jukorinto 15:42

E cer mi ju m’utho bende bedo kumeno. Jucoye i nyoth; ecer umbe nyoth:

1 Jukorinto 15:50

Nie ayero maeni, umego, nia ring’kum ku rimo copo camu pacu mi ker pa Mungu ngo: kadok nyothri de copo camu pacu m’umbe nyothri ngo.

1 Jutesaloniki 4:15

Kum wawacu maeni iwu ku lembe pa Rwoth, nia wan ma wabedo kwo, ma wadong’ ni bino pa Rwoth, wabitelo yo ki ngo ni ju ma ginindo.

2 Petro 3:10

Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.

Lembanyutha 8:13

E aneno, man awinjo acur acel, m’eberingo i kor polo, m’ebewacu ku dwal ma dit kumae, Can, can, can, ni ju m’ubedo wi ng’om, kum dwal mange mir agwara mi malaika adek, ma gibikudho agwara macen.

Lembanyutha 8:2

Man aneno malaika abiro m’ucungo wang’ Mungu; man jumio igi agwara abiro.