1 Jukorinto 14:3 - The Holy Bible In Alur (Lur) Revised Orthography

³ Ento ng’atu m’ubeewo meca eyero ni dhanu gin ma teng’o jo, man ponji, man juk.

1 Jukorinto 14:3 ပူးပေါင်းရင်းမြစ်များ

Luka 3:18

Ka kumeno ku lemjuk mange de dupa eyero lembanyong’a ma juboth ko ni dhanu;

Tic Mi Jukwenda 13:15

E yo ng’ei somo cik ku jubila judongo mi kacokri gioro lembe i bang’gi, giwacu kumae, Umego, tek wubedo ku lembe moko mi juk ni dhanu, wuwaci.

Tic Mi Jukwenda 14:22

ma gicikuteng’o ko ng’eyong’ec mi julub, gicikujukogi de ya gibed asu i yioyic man nia wakowamondo be ku masendi dupa i ker pa Mungu.

Tic Mi Jukwenda 15:32

Man Yuda giku Sila, ma gin bende gi jubila, gijuko umego ku lembe dupa, giteng’o kogi.

Tic Mi Jukwenda 4:36

Man Yusuf, ma jukwenda gilwong’e Barnaba (ma, ka juloke, en e Wodjuk), e Jalawi, dhanu ma thugi ni Kupro,

Tic Mi Jukwenda 9:31

Ka kumeno kanisa m’i ng’om ceke mi Yahudi ku mi Galilaya man Samaria de gibedo ma cwinygi kwio, e giteng’ni; e ka gibewotho i lworo pa Rwoth man i jukojuk pa Tipo Maleng’, gimedri.

Jurumi 12:8

kadi ng’atu m’ujuko juk de ni jukojuk pare: ng’atu m’umio de, dong’ etime k’abamba; ng’atu m’ubimo bim de, ebim kud amora; ng’atu ma kisa nege de, enege k’anyong’a.

Jurumi 14:19

Kum kumeno dong’ walubu tok gin ma ketho kwiocwiny, man gin ma watengra ko i kume.

Jurumi 15:2

Ku ba dhanu ceke m’i kindwa dong’ ng’atuman unyai mutoro i wadi pi maeno m’e ber, mi teng’oteng’.

1 Jukorinto 10:23

Cik uyio gin ceke; ento gin ceke ber ungo ya jutim. Cik uyio gin ceke; ento gin ceke teng’o jo ngo.

1 Jukorinto 14:12

Kumeno wun bende, kum nwang’u ava giramia mi tipo negowu dit, dong’ wuyeny kara wusagi ma wuketh ko kanisa teng’ni.

1 Jukorinto 14:17

Kum andha ibemio foyofoc dre, ento ng’atu mange re teng’ni ngo.

1 Jukorinto 14:26

Ka ke ang’o, umego? Ka wucokru karacelo, kubeng’wu kubeng’wu ng’atuman ubedo ku zaburi, ubedo ku lem ponji, ubedo ku lembanyutha, ubedo ku dhok ma tung’, ubedo ku lok ma juloko ko dhokne. Dong’ jutim gin ceke mi teng’oteng’.

1 Jukorinto 14:31

Kum kewu ceke wucopo ewo acel acel, kara ceke uponj ng’eyo, man ceke de nwang’ juk;

1 Jukorinto 8:1

Nie pi gin ma julamu ni ayi gin m’acwia: wang’eyo nia kawa ceke wa weg ng’eyong’ec. Ng’eyong’ec ketho jutingri, endre mer ketho juteng’ni ateng’a.

2 Jukorinto 1:4

m’ejukowa i can mwa ceke, kara wacopo juko ju ma gini i can moko, ni kum jukojuk ma Mungu juko ko wan giwa.

2 Jukorinto 2:7

kum kumeno ma tung’ ku eni maku wuwek lembe pare woko man wujuke, kara ng’atu ma wagi maeni kud umwonjre ku yo moko ni kum can pare m’usagu.

Juefeso 4:29

Dong’ sosiwec kud uai kud i dhogwu, ento wagi wec ma calu e ber pi teng’oteng’ calu cande bedo, kara emi bero ni ju m’uwinjo.

Juefeso 6:22

m’aore i beng’wu pi lembe maeni nini, kara wung’ei bedo mwa, man kara ejuk adundewu.

Jukolosai 4:8

m’aoro i beng’wu pi lembe maeni nini, kara wung’ei bedo mwa ma wabedo ko, man kara ejuk adundewu bende;

1 Jutesaloniki 2:11

calu wung’ eyo maram watimo ko iwu kubeng’wu kubeng’wu, calu wego timo ni nyithindhe ma dhe, ma wabewajukowu, wabewapiko lembe i iwu, wabewatuco de,

1 Jutesaloniki 2:3

Kum juk mwa en e mi ndra ngo, kadi mi sasa de ngo, kadi i abombi de ngo:

1 Jutesaloniki 3:2

e waoro Timoteo, m’umegwa man jatic pa Mungu i lembanyong’a ma juboth ko pa Kristu, kara eketh wucungi, man kara ejukwu kum yioyic mu;

1 Jutesaloniki 4:1

Aha a, umego, wakwayuwu man wajukowu i Rwoth Yesu, nia, calu wujolo i bang’wa maram maku wuwoth ko wunyai ko mutoro i Mungu, cil calu wubewotho, kara wusegru kendo kendo.

1 Jutesaloniki 4:18

Kum kumeno dong’ wujukru ku lembe maeni.

2 Jutesaloniki 3:12

Nie wagi joni wabeng’olo man wajuko i Rwoth Yesu Kristu, nia gitim tic ling’ ling’, man gicam kwen migi ma dhe.

1 Timoteo 1:4

kadi ku giwinj lembuda man kathekdhanu ma thum ungo, ma nyayu penji mi piem re, ma sagu kuro lembe pa Mungu ma jukuro i yioyic.

1 Timoteo 4:13

Dong’ iketh weng’i kum somo lembe, man kum jukojuk, ku ponji bende, cil m’abino ko kuno.

1 Timoteo 6:2

Ju ma judongo m’i wigi de gi juyic, ku gicaigi, kum gi utumego; endre ma sagu wek gitim igi, kum gi juyic ku jumer bende ma ginwang’u kuloka ku timo ber. Ponj gin maeni man ijuk juk de.

2 Timoteo 4:2

yer lembe; tim tije i nindo ma juketho, kud i nindo ma juketho ngo bende; twiny twiny, juk juk, thok thok de, ku mwonyo lembe ceke ma jumwonyo hai man ku ponji de.

Tito 1:9

ma cwinye cungo ki kum lembe mandha ma calku lemponji, kara ecopo juko juk ku ponji m’ulil, ecopo tuco wi jupiem bende.

Tito 2:15

Yer lembe maeni, thok thok de, man juk juk ku ng’ol ceke. Ng’atu moko kud uvoni.

Tito 2:6

awobi bende kumeno jukgi y a gibed ku pidoigi ma nger;

Tito 2:9

Ponj jumiru ya gibed wor ni judongo m’i wigi ma dhe, ya ginyai mutoro i igi i gin ceke; ku gidwok lembe;

Juebrania 10:25

man ku wawek cokra giwa karacelo, ma calu kura mi jumoko, ento ajuka dong’ wajukra; man ma sagu apila, ka waneno cenguni dhingo.

Juebrania 13:22

Ento akwayuwu, umego, wutwi cwinywu kum lem ponji: kum adaru goro iwu ku lembe ma nyanok.

Juebrania 3:13

ento wujukru ceng’ ku ceng’, cil i nindo ma julwong’o Tin; kara ng’atu moko m’i kindwu cwinye kud udok nwang’ kud abombi mi dubo:

1 Petro 5:12

Agoro iwu ku lembe ma nyanok, aoro ku cing’ Siluano, m’umegwa mandha, calu akwane, abejuko man abetuco nia maeni en e bero mandha pa Mungu: wucung ki i ie.

Yuda 1:20

Ento wun, jumer, ma wugombru giwu wi yioyic mu ma leng’ kwe, ma wuberwo ko i Tipo Maleng’,