1 Jukorinto 14:2 - The Holy Bible In Alur (Lur) Revised Orthography

² Kum ng’atu m’ubeyero ku dhok ma tung’ eyero ni dhanu ngo, endre ni Mungu; kum ng’atu moko mbe m’ung’eyo there; ento kud i cwinye ebeyero giramung’a.

1 Jukorinto 14:2 ပူးပေါင်းရင်းမြစ်များ

Thangambere 11:7

Wubin, dong’ waloru piny, man waloku dhoggi, kara ku ging’ei wec ng’atuman pa wadi ng’atuman pa wadi.

Thangambere 42:23

Man ging’eyo ngo nia Yusuf uwinjogi; kum jaloklembe ni i kindgi.

2 Ubimo 18:26

Eliakim ma wod Hilkia, man Cebna, ku Yoa, gilund giwacu ni Rabcake kumae, Wakwei, yer ni jutic peri ku dhu Cami; kum wawinjo: man kud wuwec i bang’wa ku dhu Juebrania, i ith dhanu ma gini wi gang’kidi.

Zaburi 78:2

Abialu dhoga ku lembabola; Abiyero lembe ma there tek ma con,

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Marko 16:17

Giranyutha maeni bilubo ju m’uyio: ku nyinga gibiwodho pajogi; gibiweco ku dhok ma nyen;

Marko 4:11

Man ewacu igi kumae, Giramung’a mi ker pa Mungu jumio iwu: ento ni ju ma gini woko, gin ceke timbre ku lembabola:

Tic Mi Jukwenda 10:46

Kum giwinjo gibeweco ku dhok mange, giyungo ko Mungu. E Petro lund uloko lembe kumae,

Tic Mi Jukwenda 19:6

Nie ka Paolo ketho cinge i kumgi, Tipo Maleng’ uwok i wigi; e gimaku weco ku dhok mange, man giewo.

Tic Mi Jukwenda 22:9

Man ju ma wawotho wakugi gineno der andha, ento giwinjo dwal ungo m’uweco i bang’a.

Jurumi 16:25

Nie ire m’ecopo ketho wunyang’ calku lembanyong’a para ma juboth ko ku lembayera pa Yesu Kristu, calku lembanyutha mi lembamung’a m’ukandre ling’ i nindo ma rondo ku rondo,

1 Jukorinto 12:10

man ni ng’atu mange tego mi musana; man ni ng’atu mange lembila; man ni ng’atu mange ng’ic ma jung’io ko tipo: ni ng’atu mange dhok ma tung’ tung’; man ni ng’atu mange rieko mi loko dhok ma tung’ tung’:

1 Jukorinto 12:28

E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’.

1 Jukorinto 13:1

Man ke anyutho iwu yo ma kadhu wi maeni ceke. Tek ayero ku dhok mi dhanu man mi malaika, ma mer ke mbe kuda, meca adoko ni mola m’ubeywak, kadi ngara m’ubeyengre ayenga.

1 Jukorinto 13:2

Man ke tek a won giramia mi lembila, man ang’eyo giramung’a ceke ku girang’eya de ceke; man tek a won yioyic ceke, m’acopo ketho ko gudi ai cen, ento mer umbe kuda, meca an a mananu.

1 Jukorinto 14:16

Tek e kumeno ngo tek ibemio mugisa ku cwiny, ng’atu ma sang’na bidong’ wacu Amen nenedi kum foc m’ibefoyo, m’eng’eyo gin m’ibeweco ngo e?

1 Jukorinto 14:26

Ka ke ang’o, umego? Ka wucokru karacelo, kubeng’wu kubeng’wu ng’atuman ubedo ku zaburi, ubedo ku lem ponji, ubedo ku lembanyutha, ubedo ku dhok ma tung’, ubedo ku lok ma juloko ko dhokne. Dong’ jutim gin ceke mi teng’oteng’.

1 Jukorinto 15:51

Nen, ayero iwu giramung’a: Kawa ceke wabinindo ngo, ento jubilokowa kawa ceke,

1 Jukorinto 2:10

Ento Mungu nyuthogi iwa ku Tipo: kum Tipo beyenyo i gin ceke, eyo, cil lembe pa Mungu ma ng’eyo tek.

1 Jukorinto 2:7

ento wayero rieko pa Mungu i lembamung’a, cil rieko m’ubedo apana, ma Mungu lar uketho ku kwong’a ma fodi ng’om umbe ni dwong’ mwa:

Juefeso 6:19

man pira, kara wec umire ira i yabu dhoga, kara aketh jung’ei giramung’a mi lembanyong’a ma juboth ko ku tegocwiny,

Poi Mi Cik 28:49

Yehova bikelo thek i kumi ku bor, kud i tung’ ng’om, calu acur m’uberingo; thek m’ibiwinjo dhoggi ngo;

Jukolosai 2:2

kara adundegi jukre, gi ju ma juribogi karacelo i mer, man ni lonyo ceke mi kwiocwiny ma pong’ mi ng’eyong’ec, kara ging’ei giramung’a pa Mungu, ma Kristu,

1 Timoteo 3:16

Ebedo mi piem ungo nia giramung’a mi bedo ma ayi Mungu ni kume e dit; Ng’atu m’unyuthre ku kum, Tipo nwang’u lembe pare ber, Malaika de gineno, Juyero pire de i kind thek, Juyic de i ng’om, Jujole de malu i dwong’.

1 Timoteo 3:9

m’egwoko giramung’a mi yioyic ku pidocwiny ma leng’.

Lembanyutha 10:7

ento i ceng’ mi dwand malaika mir abirone, kinde m’eyenyo ekudh agwara, e giramung’a pa Mungu lund uthum, calku lembanyong’a m’eyero ni jumiru pare ma jubila.