1 Jukorinto 13:4 - The Holy Bible In Alur (Lur) Revised Orthography

⁴ Mer ciro lembe hai, man ebedo ber; mer kumira nege ngo; mer yungre gire ngo, etingre ngo,

1 Jukorinto 13:4 ပူးပေါင်းရင်းမြစ်များ

Thangambere 30:1

Man ka Rahel uneno nia enyolo nyithindho ngo ni Yakobo, nyeko timo Rahel kum nyamin; man ewacu ni Yakobo kumae, Mi ira nyithindho, kadi tek kumeno ngo atho.

Thangambere 37:11

E kumira nego utumin i kume; ento won ukanu lembene i pidoic.

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Zaburi 10:5

Yo pare rac thiri thiri: Pokolembe peri ni bor ku malu ma nen ire ngo: Jusend pare ceke, ecayugi.

Lembrieko 10:12

Adegi tugo rop; Ento mer umo kier ceke.

Lembrieko 13:10

Kuhaya kelo kar kar kende; Ento rieko ni karacelo ku ju m’ubedo ku lembapora ma cu.

Lembrieko 17:14

Thekri mi dhau en e calu wodho pi: Ka kumeno wek dhau ma fodi ali kuwok ungo.

Lembrieko 17:9

Ng’atu ma umo wi kier nwang’u eyenyo mer; Ento ng’atu ma sembo lembe epoko kind jurimo ma cu.

Lembrieko 19:22

Can dhanu negojo ni bedober pare; Man jacan e ber ma sagu jandra.

Lembrieko 31:20

Erieyo cinge kum jucan; Eyo, erieyo cinge kum jucanpiny.

Lembrieko 31:26

Ealu dhoge ku rieko; Man cik mi bedober ni i lebe.

Eklizia 10:4

Tek cwiny jabim unyemo i kumi, kud iwek kakeri; kum bedoyo kwio wi dubo ma dit.

Matayo 27:18

Kum eng’eyo nia gimie kum kumira.

Tic Mi Jukwenda 7:9

Man kwaru, ma nyeko timogi kum Yusuf, ging’iewe i Misiri; e Mungu de ni i bang’e,

Jurumi 1:29

ma gipong’ ku gondri ceke, ku dubo, ku ketho cwiny hai kum piny, kud akece; gipong’ ku kumira, ku nego nek, ku dhau, kud awondi, kud adegi; juyer nying’ ma kwe kwe,

Jurumi 13:13

Dong’ wawothu calu ma maku wawothu, calu i dieceng’; i cok ma jucokri ko ku vul ungo ku mer ma jumer ko ku kong’o de ngo, i gier ma jugieri ko swa ku sasa de ngo, i dhau ku ngiri de ngo.

1 Jukorinto 3:3

kum fodi wu weg kum: kum ka kumira ku dhau ni i kindwu, meni wu weg kum ungo, man ke wubewotho ve dhanu bewotho gin ungo?

1 Jukorinto 4:18

Nie jumoko gitingri, calu ya abebino i beng’wu ngo.

1 Jukorinto 4:6

Nie gin maeni, umego, abeloko ya upore ku para ku pa Apolo bende piwu; kara wuponj ng’eyo ni kumwa ya kud wukadh ku wi lembe m’ubedo agora; kara ng’atu moko m’i kindwu kud utingre wi wadi ma ng’atuman tingre wi wadi man wi wadi.

1 Jukorinto 5:2

E wutingru ating’a, man can unegowu ngo, kara ng’atu m’utimo tic maeni ukabre woko kud i kindwu.

1 Jukorinto 8:1

Nie pi gin ma julamu ni ayi gin m’acwia: wang’eyo nia kawa ceke wa weg ng’eyong’ec. Ng’eyong’ec ketho jutingri, endre mer ketho juteng’ni ateng’a.

2 Jukorinto 12:20

Kum alworo, kara ku yo moko, kinde m’awok, abinwang’uwu calu wagi m’amaru ngo, an bende jubinwang’a calu wagi ma wumaru ngo; kara dhau kud ubed nuti ku yo moko, ku ngiri, ku kwinyo, ku pokri, ku yero nying’, ku yero nying’ ma kwe kwe, ku yakni;

2 Jukorinto 6:6

kud i bedo ma ijo bedo ko leng’, i ng’eyong’ec, i mwonyolenlbe ma jumwonyo hai, ku bedo ber ku dhanu, i Tipo Maleng’, i mer ma abombi mbe i ie,

Jugalatia 5:26

Ku wayeny yung ma juyung kowa mananu, ma wasend ko juwadwa ma nia ng’atm man usend wadi man usend wadi, ma kumira de negwa kum juwadwa man kum wadi man kum wadi.

Juefeso 4:2

ku ming’o ceke ku molcwiny, ku mwonyo lembe hai, ku reyo lembe the tielo i mer ma ng’atuman reyo lembe ma kum wadi man kum wadi;

Juefeso 4:32

man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

Jufilipi 1:15

Andha jumoko giyero pi Kristu cil ku kumira ku por bende; jumoko ke ku berocwinygi bende:

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

Jukolosai 2:18

Ng’atu moko kud umai giragama mi kwaya mu ku yeny ma ie yenyo mi molcwiny ku rwo ma ni malaika de, m’ebedo ndhu i gin m’eneno, m’etingre mananu kum pidoic mi kum,

Jukolosai 3:12

Ka kumeno wurony, calu dhanu ma Mungu goyo wigi, ma leng’ man jumer de, adunde mi ngisi, ku bedo ber ku dhanu, ku ming’o, ku molcwiny, ku mwonyo lembe hai;

1 Jutesaloniki 5:14

Man w akwayuwu, umego, wujuk ju ma gitimbri rac, wudwok cwiny ju ma cwinygi tek ungo, wujeng ju m’ubedo ng’ic, wubed ku mwonyolembe ma jumwonyo hai yo ba dhanu ceke.

1 Timoteo 6:4

meca etingre, m’eng’eyo gin moko de ngo, endre ebedo kud awanya va ng’atu ma kume lith kum penji ku piem mi lembe, kumira ai i maeni, ku por, ku cayucac, ku cwiny ma dieng’ kum lembe ma jukung’eyo there ngo,

2 Timoteo 2:25

ku ponjo ju ma piwu nge kugi ku molcwiny; kuno nyo Mungu bimio igi lokocwiny cil ku ng’eyong’ec mi lemandha,

2 Timoteo 3:10

Ento in re ilub tok ponji para, ku pira bende, ku yeny ma ia yenyo, ku yic m’ayio de, ku mwonyo lembe de ma jumwonyo hai, ku mer m’amaru, ku twiocwiny de,

2 Timoteo 4:2

yer lembe; tim tije i nindo ma juketho, kud i nindo ma juketho ngo bende; twiny twiny, juk juk, thok thok de, ku mwonyo lembe ceke ma jumwonyo hai man ku ponji de.

Tito 3:3

Kum wan bende naka wa jukusegu, wa juco, juwondowa de, ma watimo ni awanya ma rac ku mutoro ma kwonde tung’ tung’, wabedo de kud akece ku kumira, wabedo kud adegi, man wadagra.

Yakobo 4:5

Kadi iwu pido ya nyo lembagora pa Mungu yero mananu? Cwiny maeno m’eketho ubed i iwa ava ubenege cil ku kumira?

1 Petro 2:1

Ka kumeno ka wubeketho akece ceke, kud abombi ceke, kud ambili, ku kumira, ku yeronying’ de ceke cen,

1 Petro 3:8

Aha a, kewu ceke pidoiwu bed calacel, ju ma ngisi nego, ju ma mari calu umego, weg ngisi ma yo i adunde, ju ma pidoigi mol:

1 Petro 4:8

ma sagu gin ceke wumeru i kindwu kud amora; kum mer umo udul dubo:

2 Petro 1:7

i bedo ma ayi Mungu ni kume mu ke mer mi juwadijo; man i mer mu mi juwadijo ke mer.

1 Yohana 4:11

Jumer, tek Mungu maruwa kumeno, maku wan bende wamara.