1 Jukorinto 13:2 - The Holy Bible In Alur (Lur) Revised Orthography

² Man ke tek a won giramia mi lembila, man ang’eyo giramung’a ceke ku girang’eya de ceke; man tek a won yioyic ceke, m’acopo ketho ko gudi ai cen, ento mer umbe kuda, meca an a mananu.

1 Jukorinto 13:2 ပူးပေါင်းရင်းမြစ်များ

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Matayo 17:20

Man ewacu igi kumae, Kum yioyic mu bedo nok: kum awacu iwu andha kumae, Tek wubedo ku yioyic ma ro ku nying atingli, wubiwacu ni got maeni kumae, Ai kakeni ci kuca; e ebiai: gin moko mbe de ma bicopre iwu ngo.

Matayo 21:19

E kan eneno ulam dhu yo, ebino i bang’e, enwang’u gin moko de mbe i wie, ento ithe kende; man ewacu ire kumae, Dong’ nyingi kud ucek i kumi ki cil nja ku nja. E ulam uner ndhu ndhu nica.

Matayo 21:21

E Yesu loko lembe ewacu igi kumae, Andha awacu iwu kumae, Tek wubedo ku yioyic, cwinywu de bedo jiji ngo, wubitimo gin m’utimbre ni ulam kende ngo, ento tek wubiwacu cil ni got maeni, Dong’ juting’i jubei de i nam, e ebitimbre.

Tic Mi Jukwenda 13:1

Nwang’u i kanisa ma Antiokia, jubila pa Mungu ku juponji de ginuti, Barnaba, man Simeon ma julwong’o Niger, man Lukio ma Kurene, ku Manaen m’umin m’apidha pa Herode ma jabim, man Saul.

Jurumi 11:25

Kum ayenyo ngo, umego, ya wubed cobo ni giramung’a maeni, kara kud wubed riek i weng’wu giwu, nia ng’et nwang’cwiny upodho wi Israel, cil ma pong’ mi Thekdhanumange wok ko;

Jurumi 15:14

Man an gira bende ang’eyo piwu andhandha, juwada, ya wun giwu wupong’ ku bero, wupong’ ku ng’eyong’ec ceke, ma wucopo jukru ko bende.

Jurumi 16:25

Nie ire m’ecopo ketho wunyang’ calku lembanyong’a para ma juboth ko ku lembayera pa Yesu Kristu, calku lembanyutha mi lembamung’a m’ukandre ling’ i nindo ma rondo ku rondo,

1 Jukorinto 11:4

Co ceke kubang’gi tek eberwo kadi ebeewo, ma wie bedo arieba, meca enyayu lewic i wie.

1 Jukorinto 12:28

E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’.

1 Jukorinto 13:1

Man ke anyutho iwu yo ma kadhu wi maeni ceke. Tek ayero ku dhok mi dhanu man mi malaika, ma mer ke mbe kuda, meca adoko ni mola m’ubeywak, kadi ngara m’ubeyengre ayenga.

1 Jukorinto 13:3

Man tek awodho piny para ceke ya atung ko jucan, man tek amio kuma juwang’ awang’a, ento mer umbe kuda, meca eloko ira gin moko ngo.

1 Jukorinto 13:8

Mer jik i yo ki ngo: ento kadok lembila nuti, jubikabugi woko; kadok dhok ma tung’ nuti, gibiling’; kadok ng’eyong’ec nuti, jubikabe woko.

1 Jukorinto 14:29

Man wek jubila ario kadi adek giyer, man wek juwagi ging’i ie.

1 Jukorinto 14:39

Kum kumeno, juwada, wuyeny k’amora ya wueu, man kud wukwer ya juyer ku dhok ma tung’.

1 Jukorinto 14:4

Ng’atu m’uyero ku dhok ma tung’ eteng’o cwinye gire; ento ng’atu m’uewo eteng’o kanisa.

1 Jukorinto 15:51

Nen, ayero iwu giramung’a: Kawa ceke wabinindo ngo, ento jubilokowa kawa ceke,

1 Jukorinto 16:22

Tek ng’atu moko maru Rwoth ungo, wek ebed anathema. Maranatha.

1 Jukorinto 4:1

Wek jukwanwa, calu wa jutim pa Kristu, man ke jukurpiny mi giramung’a pa Mungu.

1 Jukorinto 7:19

Yaa en e gin moko ngo, yaango de en e gin moko ngo; ento woro lembang’ola pa Mungu re.

1 Jukorinto 8:4

Kumeno de pi camu gin ma julamu ni ayi gin m’acwia, wang’eyo nia ayi gin m’acwia en e gin moko ngo i ng’om, man ke Mungu acel kende mange mbe.

2 Jukorinto 12:11

Adoko jakasegu: wucwala; kum emaku ya wufoya: kum adong’ cen ki ngo i gin moko mi jukwenda ma sagu juwagi ceke, kadok an a gin moko ngo.

Jugalatia 5:16

Ento awacu kumae, Wuwoth ku Tipo, e wubiketho awanya ma rac mi kum timbre kakare ngo.

Jugalatia 5:22

Ento nying’ Tipo en e mer, ku mutoro, ku kwiocwiny, ku mwonyolembe hai, ku bedo ber ku dhanu, ku berocwiny, ku bedo mandha,

Jugalatia 6:3

Kum tek ng’atu moko ie wacu ya en e m’e en, ma en ke k’e gin moko ngo, meca ewondre gire.

Juefeso 3:4

ku maeni, ka wusomo, wucopo ng’eyo ng’eyong’ec para i giramung’a pa Kristu;

Juefeso 6:19

man pira, kara wec umire ira i yabu dhoga, kara aketh jung’ei giramung’a mi lembanyong’a ma juboth ko ku tegocwiny,

Jukolosai 1:26

cil giramung’a m’ugamu pandre por con ku ba dhanu m’ucikutuk de: ento kawono dong’ junyuthe ni jumaleng’ pare,

1 Timoteo 3:16

Ebedo mi piem ungo nia giramung’a mi bedo ma ayi Mungu ni kume e dit; Ng’atu m’unyuthre ku kum, Tipo nwang’u lembe pare ber, Malaika de gineno, Juyero pire de i kind thek, Juyic de i ng’om, Jujole de malu i dwong’.

1 Yohana 4:8

Ng’atu ma mer ungo nwang’u eng’eyo Mungu ngo; kum Mungu en e mer.