1 Jukorinto 12:3 - The Holy Bible In Alur (Lur) Revised Orthography

³ Kum kumeno aketho wung’ei, nia ng’atu moko mbe m’ebeyero ku Tipo pa Mungu ma wacu kumae, Yesu en e Anathema; (thelembene kumae, Kwong’ ni i wi Yesu); man ke ng’atu moko mbe ma copo wacu kumae, Yesu en e Rwoth, ndhu ku Tipo Maleng’ re.

1 Jukorinto 12:3 ပူးပေါင်းရင်းမြစ်များ

Zaburi 109:20

Maeni sukulia m’uai ba Yehova ni ju send para, Man ni ju ma weco lem ma rac kum ng’eyong’ec para.

Matayo 22:43

Ewacu igi kumae, Ka kumeno nedi Daudi lwong’e Rwoth i Tipo, m’ewacu kumae,

Marko 9:39

Ento Yesu wacu kumae, Kud wukwere: kum ng’atu moko mbe ma bitimo tic ma dit ku nyinga, ma bicopo yero pira rac pio pio.

Yohana 13:13

Wulwong’a Japonji, man Rwoth: e wuyero dre; kum an a kumeno.

Yohana 13:14

Kumeno tek an, m’a Rwoth man Japonji, alwoko tiendwu, maku wun bende wulwok tiendwu man pa wadi man pa wadi.

Yohana 15:26

Ento ka Jajuk ubino, m’abioro i beng’wu m’uai ba Wego, en e Tipo mi lemandha, m’uai ba Wego, ebinyutho lembe pira:

Tic Mi Jukwenda 8:37

E Filipo wacu kumae, Tek iyio kud adundeni ceke icopo. Man eloko lembe ewacu kumae, Ayio, nia Yesu Kristu en e Wod Mungu.

Jurumi 10:9

kum tek ibituco ku dhogi ya Yesu en e Rwoth, man ibiyio kud adundeni nia Mungu ting’e ku kind ju m’utho, e ibiboth:

Jurumi 9:3

Kum acopo yenyo ya an gira abed ma kwong’ ni i wia m’ukoya ku Kristu kum utumira, ma gi wedina calku kum:

1 Jukorinto 16:22

Tek ng’atu moko maru Rwoth ungo, wek ebed anathema. Maranatha.

1 Jukorinto 8:6

ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume.

2 Jukorinto 11:4

Kum tek ng’atu m’ubino eyero Yesu mange, ma wayero pire ngo, kadi tek wujolo tipo ma tung’, ma fodi wukujolo ngo, kadi lembanyong’a ma juboth ko ma tung’, ma wujolo ngo, meca wutimo dre kum wutwio cwinywu i kume.

2 Jukorinto 3:5

ya wan waromo giwa wan ungo, ma nia wapor gin moko calu eai i bang’wa wan: endre rom mwa ma waromo kudo ai ba Mungu;

Jugalatia 3:13

Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogikoryen:

Poi Mi Cik 21:23

kume kud ubed kum yen ku diewor soro; ento iyike andha ceng’ nica; kum ng’atu ma juliero bedo akwong’a ni Mungu; kara kud icid ng’om peri ma Yehova Mungu peri mio iri ni aba.

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,