1 Jukorinto 10:7 - The Holy Bible In Alur (Lur) Revised Orthography

⁷ Kadi kud wubed ju ma rwo ni ayi gin m’acwia, calu jumoko m’i kindgi; calu egore kumae, Dhanu gibedo piny nicamu nimadhu de, man giai malu nituko.

1 Jukorinto 10:7 ပူးပေါင်းရင်းမြစ်များ

Ai 32:17

E kinde ma Yocuwa winjo dwand dhanu ka gibewoi, ewacu ni Musa kumae, Ba woi mi lwiny ni i kagonjo.

Ai 32:19

Man etimbre, kinde m’ewok ceng’ni kagonjo, nia eneno ayi nyathi dhiang’ ku miel: e ng’ecwiny pa Musa bogre, man ebayu bankidi kud i cinge, e gitur the got.

Ai 32:4

Man egamugi kud i cing’gi, man ethiedhe ku jambuka, man etime ni ayi nyathi dhiang’ m’atwaga; e giwacu kumae, Maeni mungu peri, E Israel, m’uwodhi kud i ng’om Misiri.

Tic Mi Jukwenda 15:20

ento dong’ wagoru igi, ya giceri ni acidi mir ayi gin m’acwia, ku tarwang’, ku gin ma judeyo adeya de, man ku rimo.

1 Jukorinto 10:14

Kum kumeno, jumerna, wuring rwo ma jurwo ko ni ayi gin m’acwia.

1 Jukorinto 5:11

ento calu lembe bedo kumeni, agoro iwu ya kud wuribru, tek ng’atu moko ma julwong’e umego e won tarwang’, kadi ng’atu ma ketho cwinye hai kum piny, kadi ng’atu ma rwo ni ayi gin m’acwia, kadi jacai cac, kadi andrej kong’o, kadi javugdhanu; ku wagi ng’atu ma kumeni, kud wucam kude.

1 Jukorinto 6:9

Kadi wung’eyo ngo ya ju ma gi weg gondri gibicamu ker pa Mungu ngo? ku juwondwu: kadok weg tarwang’, kadi ju ma rwo ni ayi m’acwia, kadok ju ma gigieri swa, kadi ju ma gi calu mon, kadi ju ma timo sasa ku co wagi,

1 Jukorinto 8:7

Ento ng’eyong’ec maeno ni i dhanu ceke ngo: ento jumoko, ma ging’io kud ayi gin m’acwia cu ku kawono nini, gicamu calu y a gicamu gin ma julamu ni ayi gin m’acwia; e pidocwinygi ma ng’ic ca cido.

Poi Mi Cik 9:12

E Yehova wacu ira kumae, Ai, lor piny ku keni pio; kum dhanu peri m’iwodho woko kud i Misiri ginyothri gigi; gilokri cen pio kud i yo m’ang’olo igi; gitimo ayi m’acwia m’atwaga igi.

1 Yohana 5:21

Nyithindho para ma thindho, wugwokru giwu ni ayi gin m’acwia.