1 Jukorinto 10:6 - The Holy Bible In Alur (Lur) Revised Orthography

⁶ Nie gin maeni bedo iwa ni por, kara awanya ma rac kud unegwa kum gin ma rac, calu awanya ma rac yang’ unegogi bende.

1 Jukorinto 10:6 ပူးပေါင်းရင်းမြစ်များ

Kitabu Mir Ang’wende Pa Musa Wel 11:4

Man udul dhanu m’ujebre ma ni i kindgi awanya negogi apila: e nyithindho mir Israel bende giywak kendo, giwacu kumae, Ng’a ma bimio iwa ring’o wacami?

Jurumi 5:14

Ento tho bimo ugambre kum Adamu cil kum Musa, cil wi ju ma kudubo ngo ku wagi dubo p’Adamu ma en e ayi pa ng’atu ma bibino.

1 Jukorinto 10:11

Nie gin maeni timbre igi ni por; man ke jugoro ni juk mwa, wan ma kajik rundi ni i wiwa.

Juebrania 4:11

Ka kumeno dong’ waketh cwinywa kum mondo i yom maeno, kara ng’atu moko kud ukier kum camuco m’upore ku maeni.

Juebrania 9:24

Kum Kristu kumondo i kamaleng’ ma jutimo ku cing’ ungo, ma calu ayi mi mandha; endre i polo gire, kara ewok kawono i wang’ Mungu piwa:

1 Petro 3:21

m’ubodho wun kawono calkud ayi mandha, en e baputisi, m’iketho cilo m’i kum cen re ngo, ento en e penji mi pidocwiny ma ber yo ba Mungu, ni kum cer pa Yesu Kristu;

2 Petro 2:6

man ku loko adhura Sodom ku Gomora ni vu ru, epoko lembe rac i wigi ku nyoth m’enyotho kogi, m’edwoko kogi ni por ni ju ma gibedo ma ayi Mungu mbe i kumgi;

Yuda 1:7

Cil calu Sodom ku Gomora, man adhura m’i vutgi, ma gimiri gigi ni tarwang’ calu joca bende timo ma gilubo tok kum ma tung’ de, e jukethogi ngbeng’ calu por, ma gibesendri ku masendi mi mac ma rondo ku rondo.