1 Jukorinto 10:16 - The Holy Bible In Alur (Lur) Revised Orthography

¹⁶ Kikombe mi ngisi ma wamio mugisa i wie, eribowa karacelo i rimo pa Kristu ngo? Kwen de ma wang’weko, eribowa karacelo i kum Kristu ngo?

1 Jukorinto 10:16 ပူးပေါင်းရင်းမြစ်များ

Luka 22:17

Man egamu kikombe, kan emio foc, ewacu kumae, Wugam maeni, wupok i kindwu:

Tic Mi Jukwenda 2:42

Man gibedo asu ku ponji mi jukwenda ku ripocwiny de, ku kwen m’angweka man ku rwo de.

Tic Mi Jukwenda 2:46

Man ku ba rupiny ku ba rupiny, ma gibedo asu ku cwinygi m’uripo acel i hekalu, ku kwen m’ang’weka de i udigi, gijolo cemo migi ku mutoro kwa kud adunde m’ucungo acel,

Tic Mi Jukwenda 20:11

E kan eidho malu, eng’weko i kwen de, man ecamu, giweco gikugi hai de, maram piny uru ko, e eai woko.

Tic Mi Jukwenda 20:7

I ceng’ ma kwong’ane ma yenga, ka wacokra karacelo ning’weko i kwen, Paolo giweco gikugi, nwang’u ie pido ya urwone ebicidho; man eyero hai maram piny udoko ko diewor ma ling’.

1 Jukorinto 1:9

Mungu en e mandha, ma julwong’owu ni kume i ripocwiny pa Wode ma Yesu Kristu Rwoth mwa.

1 Jukorinto 10:15

Ayero calu ni jurieko; wung’i gin m’ayero.

1 Jukorinto 12:13

Kum i Tipo acel jumio baputisi iwa kawa ceke i kum acel, kadok Juyahudi kadi Juyunani, kadok jumiru kadi paker; man juketho ceke umadh kum Tipo acel.

Juebrania 3:14

kum wan wadoko jugam waku Kristugi, tek wamaku thek ma genogen mwa thekre ko ki cil i kajikne:

1 Yohana 1:3

maeno ma waneno ma wawinjo de wayero iwu bende, kara wun bende wubed ku ripocwiny wakudu; eyo, man ripocwiny mwa ni karacelo ku Wego, man ku Wode Yesu Kristu;

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.