1 Jukorinto 1:9 - The Holy Bible In Alur (Lur) Revised Orthography

⁹ Mungu en e mandha, ma julwong’owu ni kume i ripocwiny pa Wode ma Yesu Kristu Rwoth mwa.

1 Jukorinto 1:9 ပူးပေါင်းရင်းမြစ်များ

Zaburi 100:5

Kum Yehova e ber; mer mi bero pare bedo mi nja, Man bedo mandha pare cil kum dhanum’utuk ceke.

Isaya 11:5

Man bedopwe bibedo ni jamtwic mi ie, bedo mandha ke bibedo ni thondh piere.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Isaya 49:7

Yehova, Jawar mir Israel man Ng’atu Maleng’ pare uwacu kumeni ni ng’atu ma dhanu cayu, ni ng’atu ma thek udagu, ni jatic mi jubim: Ju m’ubimo bineno man gibiai; judongomawijo, e gibirwo; ni kum Yehova ma en e mandha, en e Ng’atu Maleng’ mir Israel, m’ugoyo wii.

Kitabu Mir Ang’wende Pa Musa Wel 23:19

Mungu en e dhanu ngo, ma nia ecwayu ndra, Kadok wod dhanu de, ma nia eloko cwinye: Ewacu, man ebitime ngo? Kadi eyero, man ebiketho etundo kakare ngo?

Matayo 24:35

Polo ku ng’om bikadhu woko, ento lembe para bikadhu woko ngo.

Yohana 17:21

kara gin ceke gibed acel; cil calu in, Vwa, ini i ia, an de ani ii, kara gin de gibed i iwa: kara ng’om uyi nia iora.

Jurumi 11:17

Ento tek jange moko juturo woko, man in, ma in ulemo m’i thim, juroi i kindgi, man macen wudoko jurib wukugi mir ulag mi mio mir ulemo;

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

Jurumi 8:30

man ju m’elar ekethogi, elwong’ogi bende: man ju m’elwong’o egonyo lembe m’i Wigi bende: man ju m’egonyo lembe m’i wigi, joca e m’eyungogi bende.

Jurumi 9:24

cil wan, ma julwong’owa bende, m’uai ba Juyahudi kendgi ngo, ento ba Thekdhanumange bende?

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

1 Jukorinto 10:13

Abidhe moko mbe m’uwok i kumwu ma jukucop bedo ko ngo; ento Mungu en e mandha, m’ebiyio ngo y a jubidhwu ma sagu ma wucopo bedo ko: ento karacelo kud abidhe nica ebiketho yojboth bende, kara wucopo cire.

1 Jukorinto 10:16

Kikombe mi ngisi ma wamio mugisa i wie, eribowa karacelo i rimo pa Kristu ngo? Kwen de ma wang’weko, eribowa karacelo i kum Kristu ngo?

2 Jukorinto 1:18

Ento calu Mungu en e mandha, lembe mwa ma yor i beng’wu de en e eyo kud ungo de ngo.

Jugalatia 1:15

Ento kan ebedo ber ni Mungu, m’ukoya, cil kud i ma, man elwong’a ku berone,

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

Juefeso 3:6

ya, Thekdhanumange gi juwagi jucampacu, man gi juwagi wathkum mi kum acel, man juwagi jugam kum lembang’ola i Kristu Yesu ni kum lembanyong’a ma juboth ko,

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 7:9

Ka kumeno ng’ei nia Yehova Mungu peri, en e Mungu, Mungu mandha, ma gwoko lembariba ku mer mi bero ni ju m’umare man ma gwoko lembang’ola pare cil kum dhanum’ utuk rubanga,

Jukolosai 1:24

Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

1 Jutesaloniki 2:12

kara nia wuwoth calu uromo ku Mungu, m’elwong’owu i ker pare gire man i dwong’.

2 Jutesaloniki 2:14

elwong’owu ni maeni ni kum lembanyong’a mwa ma juboth ko, kara wunwang’ dwong’ pa Rwoth mwa Yesu Kristu.

2 Jutesaloniki 3:3

Ento Rwoth en e mandha, m’ebiketho wunyang’, m’ebigwokowu de ni ng’atu ma rac.

2 Timoteo 1:9

m’elaruwa, m’elwong’owa de ku lwong’o ma leng’, ni kum tic ma watimo wan ungo, ento calu ie yenyo en ku bero, m’umire iwa ni kum Kristu Yesu ku kwong’a,

2 Timoteo 2:13

tek wan wa jumandha ngo, en re en e mandha; kum ecopo kwere gire ngo.

Tito 1:2

i genogen mi kwo ma rondo ku rondo, ma Mungu, ma kucop cwayu ndra ngo, ung’olo por yang’ con;

Juebrania 10:23

dong’ wamak lembatuca mi genogen mwa ki kara kud elokre; kum ng’atu m’ung’olo en e mandha:

Juebrania 11:11

Ni kum yioyic cil Sara bende enwang’u tego m’enyolo ko nyodo ma nwang’u tego mi rundi pare kadhu, kum ekwanu ng’atu m’ung’olo lembe ya en e mandha:

Juebrania 2:17

Kum kumeno emake ya juketh ebed calu utumin i gin ceke, kara edok ni jalam ma dit, ma won kisa mandha de i gin pa Mungu, kara eduny pi dubo mi dhanu.

Juebrania 3:1

Kum kumeno, umego ma leng’, ma jurib mi Lwong’o m’i polo, iwu pid pi Jakw’enda man Jalam Madit mi lembatuca mwa, en e Yesu:

Juebrania 3:14

kum wan wadoko jugam waku Kristugi, tek wamaku thek ma genogen mwa thekre ko ki cil i kajikne:

Juebrania 6:18

kara ni kum gin ario ma lokre ngo, ma i maeni cwayu ndra copre ngo ni Mungu, wabed ku juk ma tek, wan ma waringo wayenyo ko kaboth kara wamak genogen ma juketho i wang’wa;

1 Petro 5:10

Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek.

1 Yohana 1:3

maeno ma waneno ma wawinjo de wayero iwu bende, kara wun bende wubed ku ripocwiny wakudu; eyo, man ripocwiny mwa ni karacelo ku Wego, man ku Wode Yesu Kristu;

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.

1 Yohana 4:13

ku maeni wang’eyo nia wabedo i ie en ke i iwa, kum emio iwa kum Tipo pare.

Lembanyutha 19:11

Man aneno polo yabre; man nen, riuni ma tar, ku ng’atu m’ubedo i wie ma julwong’e Mandha man Andha; man i bedopwe epoko lembe man etimo lwiny.