1 Jukorinto 1:8 - The Holy Bible In Alur (Lur) Revised Orthography

⁸ m’ebiketho wunyang’ bende cil i kajikne, kara lembe bed umbe i wiwu i ceng’ pa Rwoth mwa Yesu Kristu.

1 Jukorinto 1:8 ပူးပေါင်းရင်းမြစ်များ

Zaburi 37:17

Kum bot judubo bitur; Ento Yehova jengo weg bedopwe.

Zaburi 37:28

Kum Yehova maru bedopwe, Man ekuno jumaleng’ pare ngo; Gibedo agwoka mi nja: Ento jubikabu kodhi mi judubo woko.

Luka 17:24

kum calu lukoth, kan emil yo the polo kurucel, eriedo de yo the polo ma kurucel; e Wod dhanu de bibedo kumeno i ceng’ pare.

Luka 17:30

ebibedo kumeno i ceng’ ma Wod dhanu nyuthre i ie.

Jurumi 14:4

In i ng’a m’ipoko lembe wi jatic pa ng’atu mange e? ni Rwoth pare gire ecungo kadi epodho. Eyo, jubiketho ecungo: kum Rwoth tego pare nuti m’eketho ecungo ko.

Jurumi 16:25

Nie ire m’ecopo ketho wunyang’ calku lembanyong’a para ma juboth ko ku lembayera pa Yesu Kristu, calku lembanyutha mi lembamung’a m’ukandre ling’ i nindo ma rondo ku rondo,

Jurumi 8:19

Kum genogen mi giracwia pa Mungu ma kud avane ubekuro nyuthonyuth mi wot Mungu.

1 Jukorinto 3:13

ku ba dhanu ceke ng’atuman tic pare binyuthre: kum cing’ nino biwodhe ka ma leng’, kum enyuthre i mac; man ke mac e ma biponjo tic mi dhanu en kubang’gi kubang’gi ram ebedo ko.

1 Jukorinto 5:5

kara jumi ng’atu ma kumeno ni Jok pi nyoth ma junyotho ko kum, kara cwiny uboth i ceng’ pa Rwoth Yesu.

2 Jukorinto 1:13

Kum wagoro iwu giki mange ngo, ndhu ma wusomo kadi ma wutuco, man ageno de ya wubituco cil i kajikne:

2 Jukorinto 1:14

calu jumoko m’i kindwu bende gituco piwa, ya wan wa kulula mu, cil calu wun bende wu mwa, i ceng’ pa Rwoth mwa Yesu.

2 Jukorinto 1:21

Nie ng’atu m’uketho wanyang’ wakudu i Kristu, en m’ewirowa de, en e Mungu;

Juefeso 5:27

kara ethier ire gire kanisa ma en e dwong’, ma poyo de mbe kadi bel de mbe kadok wagi gin ma kumeno de; ento kara ebed leng’ ma mulima de mbe.

Jufilipi 1:10

kara wung’i gin ma ber ku gin ma rac de; kara wubed ma awondi mbe kudu ma kier de mbe kudu cil i ceng’ pa Kristu;

Jufilipi 1:6

m’ageno ko gin maeni nini, nia ng’atu m’utheko tic ma ber i iwu ebidare cu cil i ceng’ pa Yesu Kristu:

Jukolosai 1:22

ento kawono re dong’ ekwiowu i kum mi ring’kume ni kum tho, kara ethierwu i wang’e gire ma wu leng’ ma poyo de mbe adote de mbe:

Jukolosai 2:7

ma ulegwu nyang’ ma wugombru de i ie, ma wunyang’ i yioyic mu de, cil calu juponjowu, ma wusegru ko i foyofoc bende.

1 Jutesaloniki 3:13

kara eketh adundewu cung ma adote mbe i leng’cwiny wang’ Mungu mwa man Wegwa, i bino pa Rwoth Yesu mwa ku jupare maleng’ ceke.

1 Jutesaloniki 5:2

Kum wung’eyo giwu cu nia ceng’ pa Rwoth ubino kumeno calu jakwo ku diewor.

2 Jutesaloniki 2:2

kara pidoiwu kud uring rr pio pio, kadok ang’aba de kud eng’abre, kadi ni kum tipo, kadi ni kum lembe, kadi ni kum waraga ma juwacu nyo ai i bang’wa, nia ceng’ pa Rwoth udhingo;

2 Jutesaloniki 3:3

Ento Rwoth en e mandha, m’ebiketho wunyang’, m’ebigwokowu de ni ng’atu ma rac.

2 Timoteo 1:12

Kum lembe nini abemula ku can kum giki maeni bende: endre lewic ubenega ngo; kum ang’eyo ng’atu m’ayio, man ang’eyo andhandha nia ecopo gwoko lembe m’aketho i kore cil i ceng’ maeca.

2 Timoteo 1:18

(dong’ Rwoth ubin uketh enwang’ kisa i bang’e i ceng’ maeca); man kwai gin dupa m’ebedetimo ira i Efeso, in ing’eyo cu.

1 Petro 5:10

Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek.

2 Petro 3:10

Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.

2 Petro 3:14

Kum kumeno, jumer, kum wukio gin maeni, tim kud amora kara jubin junwang’wu ma cwinywu kwio, ma poyo mbe lembe de mbe i wiwu i wang’e.