1 Jukorinto 1:30 - The Holy Bible In Alur (Lur) Revised Orthography

³⁰ Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

1 Jukorinto 1:30 ပူးပေါင်းရင်းမြစ်များ

Lembrieko 1:20

Rieko kok ma tek i gengi; Eting’o dwande ka ma lac;

Lembrieko 2:6

Kum Yehova mio rieko; Ng’eyong’ec ku ng’eyothelembe ai kud i dhoge:

Lembrieko 8:5

E wu ju ma cobo, wung’ei rieko; Man, wu jukusegu, wubed kud adunde mi ng’eyothelembe.

Isaya 11:2

Man Tipo pa Yehova bibedo i wie, tipo mi rieko man ng’eyong’ec, tipo mi lembapora ku tego, tipo mi ng’eyong’ec man mi lworo pa Yehova.

Isaya 45:17

Ento Israel biboth ni kum Yehova ku both mi nja: lewic bimakuwu ngo kadi cwinywu de bing’abre ngo mi nja.

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Yeremia 33:16

I nindo maeca Yuda biboth, man Yerusalem bibedo museme; man maeni nying’ m’ebilwongre ko: Yehova, ma bedopwe mwa.

Daniel 2:20

Daniel ulund uloko lembe man ewacu kumae, Mugisa ni nying’ Mungu rondo ku rondo; kum rieko ku tego en e pare.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Hoseya 13:14

Abiwarugi kud i tego mi liel: abiwarugi kud i tho: E tho, masendi peri ni kani? E liel, nyoth peri ni kani? lokocwiny bibedo apana ni wang’a.

Matayo 1:21

Man ebinyolo nyathin ma nico; e ibilwong’o nyinge Yesu; kum en e ng’atu ma bilaru dhanu pare kud i dubo migi.

Luka 11:49

Ka kumeno bende rieko pa Mungu wacu kumae, Abioro jubila ku jukwenda i bang’gi; gibinego kindgi moko gibinyayu ragedo i kumgi de;

Luka 21:15

kum abimio iwu dhok man rieko, ma judegi mu ceke bicopo piemo ngo kadi ajaya de.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Yohana 17:26

man aketho ging’ei nyingi, man abiketho eng’eire: kara mer m’imara ko bed i igi, an de i igi.

Yohana 17:8

kum amio igi lembe m’imio ira; man gijologi, man ging’eyo andha nia aai i beng’i, giyio de nia iora.

Yohana 8:12

Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Jurumi 1:17

Kum bedopwe pa Mungu nyuthre i ie uai ba yioyic utundo kum yioyic; calu egore kumae, Ento weg bedopwe bikwo ni kum yioyic.

Jurumi 11:36

Kum gin ceke ai i bang’e, man ni kume, man ire. Dwong’ ma rondo ku rondo ubed ire. Amen.

Jurumi 12:5

kumeni wan, ma wa dupa, wa kum acel i Kristu, man wan ceke wa wathkum ng’atuman pa wadi man pa wadi.

Jurumi 16:11

Wumoth Herodioni ma wada. Wumoth ju ma gi juot pa Narkiso, ma gini i Rwoth.

Jurumi 16:7

Wumoth Androniko ku Yunia, ma gi wedina, gi jukol wakugi de, ma pigi yik de kind jukwenda, ma gilar gibedo i Kristu ira.

Jurumi 4:25

ma juwodhe pi kier mwa, man juting’e pi gony mi lembe m’i wiwa.

Jurumi 4:6

Cil calu Daudi bende yero pi mugisa wi ng’atu ma Mungu kwanu bedopwe ire nge ku tic,

Jurumi 5:19

Kum ni kum camuco pa ng’atu acel judwoko dhanu dupa ni judubo, cil kumeno ni kum woro pa ng’atu acel jubidwoko dhanu dupa pwe.

Jurumi 5:21

kara, calu dubo bimo bim i tho, cil kumeno bero ubim bim ni kum bedopwe ni kwo ma rondo ku rondo ni kum Yesu Kristu Rwoth mwa.

Jurumi 8:1

Kum kumeno kawono dong’ pokolembe ma rac umbe wi ju ma gini i Kristu Yesu.

Jurumi 8:23

Man kumeno kende ngo, ento wan giwa bende, ma wabedo ku landu mwoka mi Tipo, cil wan giwa wacur acura i iwa giwa, ma wakuro ko dwok ma judwoko kowa ni nyithindho, lembene kumae, war mi kumwa.

Jurumi 8:9

Ento wun wuni i kum ungo ento wuni i Tipo, tek Tipo pa Mungu bedo i iwu. Ento tek ng’atu moko Tipo Kristu mbe kude, meca en e pare ngo.

1 Jukorinto 1:2

ni kanisa pa Mungu ma ni i Korinto, cil ju ma judwoko gi leng’ ni kum Kristu Yesu, ma julwong’ogi ya gibed jumaleng’ ku dhanu ceke ma gilwong’o nying Rwoth mwa Yesu Kristu ku kaka ma gini i ie ceke, Rwoth migi ku mwa bende:

1 Jukorinto 1:24

ento ni ju ma julwong’ogi re, Juyahudi giku Juyunani de, en e Kristu ma ego pa Mungu, ku rieko pa Mungu de.

1 Jukorinto 12:18

Ento kawono Mungu ketho wathkum kubang’gi i kum, cil calu ie yenyo.

1 Jukorinto 12:27

Nie wun wu kum Kristu, man wu wathkume ma tung’ tung’ kubeng’wu kubeng’wu.

1 Jukorinto 12:8

Kum ni ng’atu acel jumio lembe mi rieko ni kum Tipo; ni mange ke lembe mi ng’eyo gitang’eya, calku Tipo maeni nini:

1 Jukorinto 4:15

Kum kadok juponji mu ma i Kristu gi rubanga apar ngi, ento wegwu re gi dupa ngo; kum anyolowu i Kristu Yesu ni kum lembanyong’a,

1 Jukorinto 6:11

Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa.

2 Jukorinto 12:2

Ang’eyo ng’atu moko i Kristu, rundi apar wi ang’wen m’ukadhu (tek eni i kum, ang’eyo ngo; kadi tek embe i kum, ang’eyo ngo; Mungu ng’eyo), ng’atu ma kumeca juting’e malu cil i polo mir adege.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

Jugalatia 1:4

m’umire gire kum dubo mwa, kara elarwa kud i rundi maeni ma rac ma kawono, calu i Mungu mwa ma Wegwa yenyo:

Jugalatia 3:13

Kristu waruwa kud i kwong’ mi cik, en e m’edong’ ecopo dhu kwong’ kakawa; kum egore kumae, Kwong’ ni i wi dhanu kubang’gi kubang’gi ma julierogikoryen:

Juefeso 1:10

kara i nindo mi pong’ mi rundi, ecok kwai giki ceke i Kristu, giki m’i polo, ku giki ma wi ng’om bende; i ie, awacu,

Juefeso 1:14

ma en e mukwatu mi camupacu mwa, ni war mi piny pare gire, ni pak mi dwong’ pare.

Juefeso 1:7

ma wanwang’u war i ie ni kum rimbe, ni wek mi kier mwa, calku lonyo mi berone,

Juefeso 2:10

Kum wan wa bodho pare, ma jucwiowa i Kristu Yesu pi tic ma ber, ma Mungu lar uyiko kara wawoth i igi.

Juefeso 4:30

Man kud wunyai can i Tipo Maleng’ pa Mungu, ma juketho ayi i kumwu i ie cil i ceng mi war.

Juefeso 5:26

kara edwoke leng’, m’edaru lonye ku lwok mi pi ku lembe,

Jufilipi 3:9

man junwang’a i ie, m’abedo ku bedopwe para an ungo, cil maeno ma mi cik, ento maeno ma en e mi yioyic pa Kristu re, bedopwe m’uai ba Mungu ni kum yioyic:

Jukolosai 1:14

ma wanwang’u war ma juwaru kowa ni kume, ni wek mi dubo mwa:

Jukolosai 3:16

Wek lembe pa Kristu sagre i iwu; i rieko ceke ma wubeponjru man wubejukru ku lembwer man wer ku wer mi tipo, ma wubewero ku bero i adundewu ni Mungu.

1 Jutesaloniki 5:23

Man Mungu mi kwiocwiny en edwokwu leng’ njwa; man dong’ cwinywu ku kwo mu ku kumwu gibed kubang’gi: ma adote mbe i bino pa Rwoth mwa Yesu Kristu.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 9:12

kadi ni kum rimb diegi ku nyithi dhiang’ de ngo, endre ni kum rimbe gire, m’emondo wang’ acel pii i kamaleng’, m’edaru nwang’u war ma rondo ku rondo.

Yakobo 1:5

Ento tek ng’atu moko m’i kindwu rieko mbe kude, wek ekwai Mungu, ma mio ni dhanu ceke ku berocwinye, egamugi ku dhau de ngo; man ebimire ire.

1 Petro 1:2

calku ng’eyong’ec ma Mungu ma Wego lar ung’eyo, i dwokrileng’ mi Tipo, ni woro ku kir mi rimo pa Yesu Kristu: Bero ku kwiocwiny umedre iwu.

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

1 Yohana 5:6

Maeni ng’atu m’ubino ku pi man rimo, ndhu Yesu Kristu; ku pi kende ngo, ento ku pi ku rimo de.

Lembanyutha 14:4

Joni gi ju ma gicido ngo ku mon; kum gi ju ma sumba. Joni gi ju ma gilubo Nyathi Rombo ku ba ka m’ecidho i ie ceke. Joni jung’iewogi kud i kind dhanu, ya gibed ni landu mwoka ni Mungu man ni Nyathi Rombo.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,