1 Jukorinto 1:2 - The Holy Bible In Alur (Lur) Revised Orthography

² ni kanisa pa Mungu ma ni i Korinto, cil ju ma judwoko gi leng’ ni kum Kristu Yesu, ma julwong’ogi ya gibed jumaleng’ ku dhanu ceke ma gilwong’o nying Rwoth mwa Yesu Kristu ku kaka ma gini i ie ceke, Rwoth migi ku mwa bende:

1 Jukorinto 1:2 ပူးပေါင်းရင်းမြစ်များ

Thangambere 12:8

Man eai ku kuca ecidho kum got ma ni yo nyangu ni Beth-el, man eguro hema pare, m’ebedo ku Beth-el yo reto, man Ai yo nyangu: man eguro pemblam keca ni Yehova, man elwong’o nying’ Yehova.

Thangambere 4:26

Man ni Seth, ire bende junyolo nyathin ma nico; man elwong’o nyinge Enoc. I kinde maeni dhanu maku lwong’o nying’ Yehova.

Zaburi 45:11

Kum kumeno ubimo bimaru leng’kumi: Kum en e rwoth peri; man ijwigri ire.

Tic Mi Jukwenda 10:36

Lembe ma yang’ eoro ni nyithindho pa Israel m’eyero lembanyong’a mi kwiocwiny kum Yesu Kristu (en e Rwoth mi ceke)

Tic Mi Jukwenda 15:9

man ekoyowa tung’ wakugi ngo, elonyo adundegi de ni kum yioyic.

Tic Mi Jukwenda 18:1

Yo ng’ei lembe maeni eai Athene, man ebino Korinto.

Tic Mi Jukwenda 22:16

Kawono igalu nedi? ai malu, mak baputisi, lwok dubo peri woko, m’ilwong’ ko nyinge bende.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 9:13

Ento Anania loko lembe kumae, Rwoth, a winjo pi ng’atuni ba dhanu dupa, maram etimo ko rac kum jumaleng’ peri ma ni i Yerusalem:

Tic Mi Jukwenda 9:14

keni de ebedo ku ng’ol m’uai ba julam ma dongo m’etwi ko dhanu ceke m’ulwong’o nyingi.

Tic Mi Jukwenda 9:21

E kagi ceke ka giwinjo igi wang’ lii, giwacu kumae, Ng’atuni en e ng’atu m’unyotho ju m’ulwong’o nying’ maeni ngo? m’ukele kuni de lembuni, kara etergi atwia wang’ julam ma dongo.

Jurumi 1:7

ni dhanu ceke ma gini i Rumi, ma jumer pa Mungu, ma julwong’ogi gibed jumaleng’: Bero iwu man kwiocwiny m’uai ba Mungu Wegwa man Rwoth Yesu Kristu.

Jurumi 10:12

Kum tung’ tung’ umbe kind Juyahudi ku Juyunani: kum Rwoth acel e ma Rwoth mi ceke man ke elony ni ceke m’ulwong’e;

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

1 Jukorinto 1:30

Ento wun re wuai i bang’e i Kristu Yesu, ma judwoke iwa ni rieko m’uai ba Mungu, man bedopwe ku dwokrileng’, man war:

1 Jukorinto 10:32

Kud wutim gin moko ma ketho jukier, kadi ni Juyahudi, kadi ni Juyunani, kadi ni kanisa pa Mungu:

1 Jukorinto 12:27

Nie wun wu kum Kristu, man wu wathkume ma tung’ tung’ kubeng’wu kubeng’wu.

1 Jukorinto 8:6

ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume.

2 Jukorinto 1:1

Paolo, jakwenda pa Yesu Kristu ni yeny ma Mungu yenyo, man Timoteo m’umegwa, ni kanisa pa Mungu ma ni i Korinto, ku jumaleng’ ceke ma ni i Akaya yu:

2 Jukorinto 4:5

Kum wayero piwa giwa ngo, ento Kristu Yesu re ya Rwoth, man wan nini ya jumiru mu ni kum Yesu.

Jugalatia 1:2

wakud umego ceke de ma wanuti wakugi, ni kanisa mi Galatia:

Juefeso 5:26

kara edwoke leng’, m’edaru lonye ku lwok mi pi ku lembe,

1 Jutesaloniki 1:1

Paolo, ku Siluano, man Timoteo, ni kanisa mi Jutesaloniki i Mungu ma Wego man Rwoth Yesu Kristu: Bero iwu man kwiocwiny.

1 Jutesaloniki 4:7

Kum Mungu lwong’owa pi sasa ngo, endre i dwokrileng’.

2 Jutesaloniki 1:1

Paolo, ku Siluano, man Timoteo, ni kanisa mi Jutesaloniki i Mungu ma Wegwa man Rwoth Yesu Kristu;

1 Timoteo 2:8

Ka kumeno ayenyo jumaco rwo ku kaka ma gini i ie ceke, giting’ ko cing’gi malu ma gi leng’, ma kwinyo ku lem piem de mbe.

1 Timoteo 3:15

ento tek agalu hai, kara ing’ei maram maku jutim i ot pa Mungu, ma en e kanisa pa Mungu ma kwo, mbegi ku tiend ot mi lemandha.

2 Timoteo 1:9

m’elaruwa, m’elwong’owa de ku lwong’o ma leng’, ni kum tic ma watimo wan ungo, ento calu ie yenyo en ku bero, m’umire iwa ni kum Kristu Yesu ku kwong’a,

2 Timoteo 2:19

Ento ther ukungu lembe pa Mungu cungo ki, m’ebedo kud ayi mae, Rwoth ung’eyo ju ma gi jupare: man, dong’ dhanu ceke kubang’gi kubang’gi ma gilwong’o nying Rwoth giwek tic ma en e tic mi bedopwe ngo.

2 Timoteo 2:22

Ento dong’ iring awanya ma rac mir ayada, man ilub tok tic ma ber, ku yioyic, ku mer, ku kwiocwiny, karacelo ku ju m’ulwong’o Rwoth ku i adundegi ma leng’.

Juebrania 10:10

Ni kum yeny maeni m’eyenyo judwokowa leng’ ni kum wodh m’ewodho ko kum Yesu Kristu wang’ acel pii.

Juebrania 13:12

Kum kumeno Yesu bende, kara edwok dhanu leng’ ni kum rimbe gire, esendre woko dhugang’.

Juebrania 2:11

Kum en m’edwoko jo leng’ man ju ma judwokogi leng’ ceke giai ba ng’atu acel: kum lembe nini lewic unege ngo nilwong’ogi umego,

Yuda 1:1

Yuda, jamiru pa Yesu Kristu, m’umin Yakobo ni ju ma julwong’ogi, ma gi jumer i Mungu ma Wego, ma jugwoko de pi Yesu Kristu:

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.