1 Jukorinto 1:18 - The Holy Bible In Alur (Lur) Revised Orthography

¹⁸ Kum lembe mi yen m’athara bedo calu lemkasegu ni ju ma girwinyo; ento iwa wa ju ma waboth re en e tego pa Mungu.

1 Jukorinto 1:18 ပူးပေါင်းရင်းမြစ်များ

Tic Mi Jukwenda 13:41

Nen, wu jucac, iwu wang’ lii de, man wurwiny; Kum atimo tic i nindo mu, Tijuno ma wubiyio ki ngo, tek ng’atu moko yero iwu.

Tic Mi Jukwenda 17:18

Jurieko moko ma gi Juepikurio ku Justoiki girombo kugi. Man jumoko wacu kumae, Jakemo maeno yenyo yero nik ang’o? jumange wacu kumae, Kuno nyo e jayer pi mungu ma welo: kum eyero pi Yesu ku pi cer bende.

Tic Mi Jukwenda 17:32

Nie ka giwinjo pi cer mi ju m’utho, jumoko gicayu acaya; ento jumoko giwacu kumae, Wabiwinjo pi maeni kendo i beng’i.

Tic Mi Jukwenda 2:47

ma gipaku ko Mungu, ma gibedo ku bero de ku ba dhanu ceke. E Rwoth ueikumedo igi ju m’uboth ku ba rupiny ku ba rupiny.

Jurumi 1:16

Kum lewic unega ngo kum lembanyong’a ma juboth ko: kum en e tego pa Mungu mi both ni dhanu ceke kubang’gi kubang’gi m’uyio; ku kwong’a ni Jayahudi, man ni Jayunani bende.

1 Jukorinto 1:21

Kum ni rieko pa Mungu ng’om ku rieko pare ng’eyo Mungu ngo, ebedo ber ni Mungu ya ebodh ju m’uyio ku kasegu mi lembayera.

1 Jukorinto 15:2

ma wuboth de ni kume, tek wutwiru ndhu wi lembe m’ayero iwu, tek wukuyio mananu ngo.

1 Jukorinto 2:14

Nie ng’atu ma mi kum ejolo gin mi Tipo Mungu ngo: kum gibedo ni lemkasegu ire; man ecopo ng’eyogi ngo, kum jung’iogi ku tipo.

1 Jukorinto 2:2

Kum akeco ya kud ang’ei gin moko m’i kindwu, ndhu Yesu Kristu, en ma jugure.

1 Jukorinto 3:19

Kum rieko m’i ng’om maeni en e lemkasegu ku ba Mungu. Kum egore kumae, En m’emaku jurieko i riu migi:

1 Jukorinto 4:10

Wan wa jukusegu ni kum Kristu, wun re ma wu riek i Kristu; wan wa ng’ic, ento wun re wu tek; wun wu weg yung, ento wan re wabedo umbe yung.

2 Jukorinto 10:4

kum jamtho mwa mi lwiny gi mi kum ungo, endre gi tek apila i wang’ Mungu ma giredho ko gin ma tek piny;

2 Jukorinto 4:3

Man tek lembanyong’a mwa ma juboth ko uumbre ku bongu, meca eumbre ni ju ma girwinyo:

1 Jutesaloniki 1:5

maram lembanyong’a mwa ma juboth ko bino ko i beng’wu i lembe kende ngo, ento i tego bende, man i Tipo Maleng’, man i kwiocwiny ma dit; cil calu wung’eyo maram piwa ma wanyuthra ko iwu ni kumwu bedo ko.

2 Jutesaloniki 2:10

man i abombi ceke mi gondri ni ju m’urwinyo; kum gijolo mer mi lemandha ngo, kara gibothi.

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.

Juebrania 4:12

Kum lembe pa Mungu e kwo, man etimo, man e bith ma sagu palamularu moko ma lake kun ku kun, m’ecobo ko cil ku poko ng’eyong’ec ku tipo, man ujonj ku mio ma yor i ie bende, man e yot kum ng’io pidoic ku lembapora mir adunde.