1 Jukorinto 1:10 - The Holy Bible In Alur (Lur) Revised Orthography

¹⁰ Nie abekwayuwu ma tek, umego, ku nying Rwoth mwa Yesu Kristu, ya kewu ceke wuwec lembe ma calacel, man ke pokri kud ubed i kindwu; endre wubed ma wuribru karacelo ku pidoic ma calacel man ku lembapoka ma calacel.

1 Jukorinto 1:10 ပူးပေါင်းရင်းမြစ်များ

Zaburi 133:1

Nen, maram e ber e mit de Ni umego ya gibed karacelo i ribri!

Yeremia 32:39

man abimio igi adunde acel ku yo acel, kara gilwora mi nja, ni bero igi, man ni nyithindhgi yo ng’eigi:

Matayo 9:16

Ng’atu moko mbe de ma ketho kurembo bongu ma nyen wang’ kendi m’uti; kum maeno ma juketho ya eum wang’e, eyeco kendi, wang’e de doko rac ma sagu.

Marko 2:21

Ng’atu moko mbe ma kwoyo wang’ kendi m’uti ku kurembo ma nyen: kara kurembo bongu ma nyen nica ma juthube ko kud elund eyec m’uti, edwoke rac ma sagu.

Marko 3:24

Man tek ker upokre i kume gire, kerne copo cungo ngo.

Yohana 10:19

Ka kumeno pokri nyai kendo kind Juyahudi kum lembe maeni.

Yohana 17:23

ani i igi, in de ini i ia, kara giteng’ni i acel; kara ng’om ung’ei nia iora, man imarugi de, cil calu imaru an.

Yohana 7:43

Kum kumeno pokri wok i kind udul dhanu pire.

Yohana 9:16

Ka kumeno jumoko ma kind Jufarisayo giwacu kumae, Ng’atuni ai ba Mungu ngo, kum ekwiro ceng’ sabatu ngo. Ento jumoko wacu kumae, Ng’atu ma jadubo copo timo giranyutha ma kumeni nenedi? E pokri ni i kindgi.

Tic Mi Jukwenda 4:32

Man udul mi ju m’uyio adundegi ripo acel ku ng’eyong’ec de: ng’atu acel de mbe m’uwacu ya ng’et kum gin m’ebedo ko ya pare gire; ento giribo gin ceke karacelo.

Jurumi 1:13

Man ayenyo ngo nik wubed cobo, umego, nia wang’ udul akeco ya abin i beng’wu (man cil ku kawono de ecere ira), kara abed ku nying’ moko m’acego i kindwu bende, cil calu ma i dong Thekdhanumange.

Jurumi 12:1

Ka kumeno, umego, akwayuwu ku kisa pa Mungu, ya wuthier kumwu ubed ni lam ma kwo, ma leng’, ma yire ni Mungu, ma en e rwo mu mi tipo.

Jurumi 12:16

Wubed ma pidoiwu ripo acel man kum wadi man kum wadi. Kud wuketh pidoiwu kum gin ma dit, endre iwu pid pi gin ma nweng’. Kud wubed riek i weng’wu giwu.

Jurumi 15:30

Nie akwayuwu, umego, ni kum Rwoth mwa Yesu Kristu, man ni kum mer mi Tipo, ya wuii karacelo wakudu i rwo mu ni Mungu pira;

Jurumi 16:17

Nie akwayuwu, umego, wunen ju ma giketho pokri man kaka ma ketho dhanu kier, ma tung’ ku ponji ma wugamu ng’eyo: man wulokru woko kud i bang’gi.

1 Jukorinto 1:11

Kum jugolo beng’wu ira, juwada, ku yo ba juot pa Kloe, ya piem ni i kindwu.

1 Jukorinto 11:18

Kum ma kwong’a, ma nwang’u wucokru i kanisa, awinjo nia pokri ni i kindwu; nyakanok ci ayenyo yie de.

1 Jukorinto 12:25

kara pokri kud uwok i kum; ento kara wathkum gikungri calacel man ukung wadi man ukung wadi.

1 Jukorinto 3:3

kum fodi wu weg kum: kum ka kumira ku dhau ni i kindwu, meni wu weg kum ungo, man ke wubewotho ve dhanu bewotho gin ungo?

1 Jukorinto 4:16

Ka kumeno akwayuwu ma tek, wukwany kotha.

2 Jukorinto 10:1

Nie an a Paolo ku kita abekwayuwu ku molcwiny ku bedoyo de pa Kristu, an ma kan ani i vutwu abedo ming’ i kindwu endre kan ambe abedo ku tegocwiny yor i beng’wu:

2 Jukorinto 13:11

Aha a, umego, dong’ wubedi. Wudok ndhu cu; wujulau; wubed ku pidoic acel; wubed i kwiocwiny: man Mungu mi mer ku kwiocwiny de bibedo kudu.

2 Jukorinto 13:9

Kum anyong’a negowa, kinde ma wa ng’ic e wun wu tek: maeni bende wakwayu pire, cil dokocu mu.

2 Jukorinto 5:20

Ka kumeno wa judhulembe ka Kristu, calu ma tek Mungu bekwayu kudwa: wabekwayuwu ma tek ni kum Kristu, wuketh kindwu pot ku Mungugi.

2 Jukorinto 6:1

E wan ma wabetimo karacelo wakude wabethokowu bende ya kud wujol bero pa Mungu mananu

Jugalatia 4:12

Abekwayuwu, umego, ya wubed calu an, kum an bende adoko calu wun. Wutima rac ungo i gin moko:

Jufilipi 1:27

Mae kende wuwek bedo mu urom lembanyong’a ma juboth ko pa Kristu: kara, kadok abino man anenowu kadi ambe de, awinj piwu, ya wucungo ki ku cwinywu acel, ku pidoic de acel ma wubeii ko aiia kum yioyic mi lembanyong’a ma juboth ko;

Jufilipi 3:16

mae kende, i maeni ma wadaru wok i ie, dong’ wawothu ku lembe ma calacel.

1 Jutesaloniki 5:13

man wufoigi dit apila i mer kum tic migi. Wubed ku kwiocwiny i kindwu giwu.

2 Jutesaloniki 2:1

Nie w akwayuwu, umego, pi bino pa Rwoth mwa Yesu Kristu, man cokri mwa ma karacelo i bang’e;

1 Timoteo 5:21

Ang’olo iri i wang’ Mungu, ku Kristu Yesu, ku malaika ma jugoyo nying’gi, ya iwor gin maeni ma fodi ikung’olo pire ngo, ma k’itimo gin moko ngo ni kum mer m’imaru ko jumoko.

2 Timoteo 4:1

Ang’olo iri i wang’ Mungu, giku Kristu Yesu, m’ebipoko lembe mi ju ma kwo ku mi ju m’utho bende, man ku kanyuth pare m’ebinyuthre ko ku ker pare bende:

Yocuwa 22:15

E gibino ba nyithindho pa Ruben, man ba nyithindho pa Gad, man ba ng’et suru pa Manase, i ng’om Gilead, e giyero igi, giwacu kumae,

1 Petro 2:11

Jumer, akwayuwu calu jubedo man juwoth, ya wuceru ni awanya ma rac mi kum, ma kiedo kum ng’eyong’ec;

1 Petro 5:10

Man Mungu mi bero ceke, m’elwong’owu ni dwong’ pare ma nja i Kristu, ka wudaru sendru nyanok, en ku kite ebidwokowu cu ma ndhu, ebiketho wunyang’ de, ebiketho wudoko tek.