Rasi Mnitas neu naiꞌ Yohanis 6:1 - Uisneno In Kabin ma Prenat: Rais Manba'an Fe'u nok Reta' Ahun-hunut

¹ Rarit au ꞌiit ꞌBib-kaes Anaꞌ naan anfei suur manunuꞌ naan in aꞌretu ꞌfoeꞌ ahunut. Onaim au ꞌneen muiꞌt es naꞌko muiꞌ haa maꞌtain ein naan, ankoaꞌ naher-heer. In haan ee, on reꞌ ꞌrotos. In naprenat am nak, “Amnao nai!”

Rasi Mnitas neu naiꞌ Yohanis 6:1 ပူးပေါင်းရင်းမြစ်များ

Naiꞌ Yohanis 1:29

Nokaꞌ on naan ate, naiꞌ Yohanis ankius niit Naiꞌ Yesus annao neem anꞌain na. Onaim In naꞌuab am nak, “Amkius miit Atoniꞌ nee, tua! In reꞌ naan, Uisneno In Aꞌbib-kaes Anaꞌ reꞌ njair fuaꞌ-turuꞌ he nsaok nain mansian pah-pinan ia sin saant ein.

Haef ein sin Retaꞌ 4:20

Hai miit meik hai maatm ein, ma hai mneen meik hai ruikm ein areꞌ kanan rasi namfau. Nansaaꞌ am es hai bisa mimninuꞌ? Hai ro he mitoon rasin naan!”

Rasi Mnitas neu naiꞌ Yohanis 11:19

Rarit au ꞌiit aꞌbi sonaf neno tunan, Usiꞌ In Uim Onen In eonꞌ ee masoitaꞌ. Onaim au ꞌiit peit-kere reꞌ afi unuꞌ sin natunuꞌ Uisneno In preent ein reꞌ matuꞌi nbi fatu. Rimat sin nariman ma nmatarun neu-mneman, pah ii naꞌbekoꞌ, ma uran eis faut maꞌfenaꞌ nmoufun naꞌkon neon goe tnanan.

Rasi Mnitas neu naiꞌ Yohanis 13:8

Natuin rasi naan, areꞌ kanan mansian anbi pah-pinan naꞌbesan neu muiꞌ fui apisut naan. Sin reꞌ naan, es reꞌ tuaf-tuaf reꞌ sin kaank ein ka matuꞌi fa nbi ꞌBib-kaes Anaꞌ In Surat naan. Afi unuꞌ, tuaf-tuaf anroor niis ꞌBib-kaes Anaꞌ naan, mes Uisneno namonib nafainꞌ Ee. Oras Uisneno ka nmoeꞌ fa pah-pinan ia fa feꞌ, In ntui nrair areꞌ kanan apirsait ein sin kaank ein nak, sin arsin reꞌ naan, of napenin ꞌmonit reꞌ amneot ma amnonot, reꞌ ka natfeek fa.

Rasi Mnitas neu naiꞌ Yohanis 14:2

Rarit au ꞌneen hanaf es naꞌko sonaf neno tunan. In hanan naan aꞌruun ee on reꞌ oe ꞌboniꞌ, ma maꞌtaniꞌ on reꞌ ꞌrotos. Mes hanaf naan in reokn ii kah een, nahuum on reꞌ tuaf amfaun anrekun.

Rasi Mnitas neu naiꞌ Yohanis 19:6

Rarit au ꞌneen on reꞌ too mfaun naꞌuab ein. Sin haank ein on reꞌ oe ꞌboniꞌ, ma koꞌu on reꞌ ꞌrotos naꞌroot ka natfeek fa. Sin naꞌuab ein am nak, “Haleluya! Hai msii ma mboꞌis Uisneno. Haleluya! Hai mtunaꞌ miꞌrat-ratan In kanan. Natuin In kuun es reꞌ akuaas reꞌuf. Ma In kuun es reꞌ naprenat areꞌ kanan saaꞌ-saaꞌ.

Rasi Mnitas neu naiꞌ Yohanis 4:8

Muiꞌ haaꞌ ein naan, es-es ate, maninif nee. Anbi niinf ein naan koti-mnaan, naheun nok mataf. Fai-manas sin nsiin piut-piut am nak, “Hai mboꞌis miꞌnaeb Uisneno! Hai maikas ma miꞌratan Uisneno In kanan! Uisneno naan, akniun ii kah een! Uisneno naan, In kuasan maꞌtain besi. Uisneno nbi nain naa, naꞌko un-unuꞌ. Uisneno nbi ia, oras ma eti ia. Ma Uisneno reꞌ tar antea nabar-baar.”

Rasi Mnitas neu naiꞌ Yohanis 5:1

Rarit au ꞌkisu ꞌteniꞌ ꞌeu Atoniꞌ reꞌ antoko nbi ꞌtoko prenat naan. In nnaaꞌ suur manunuꞌ es anbi In aꞌniman aꞌneꞌu. Surat naan, matuꞌi koti-mmaat. Sin naꞌretuꞌ niis surat naan, nbi bare hiut.

Rasi Mnitas neu naiꞌ Yohanis 5:12

Sin arsin ansiin nok hana ꞌnaek am nak, “Hai maikas miꞌratan ꞌBib-kaes Anaꞌ reꞌ maroroꞌ ꞌmaten naan, Natuin In ro es ansium ma ntoup hai pures ma boꞌis sin! In kuasan kuun, ro kouꞌ besi. In aꞌmuꞌin kuun, ro mfau reꞌuf. In ronen ma tenab, ro ka nsaan niit fa. In maꞌtanin kuun, ro maꞌtain besi. Hai maikas miꞌratan In kanan. Hai miꞌruriꞌ ma mhormaat Ee. Hai mpures ma mboiꞌs Ee.”

Rasi Mnitas neu naiꞌ Yohanis 5:8

Oras ꞌBib-kaes Anaꞌ naan nait je te, muiꞌ haaꞌ ein reꞌ maꞌtain besin naan, nok amnasit boꞌ nua mhaa, nriꞌtuun ma naꞌbesan anbi In human ma In matan. Sin arsin meseꞌ-meseꞌ annaꞌan baer musiik on reꞌ aꞌreuk sasando, ma aꞌpika-kbuub noin moroꞌ es, reꞌ matuaꞌ nok kemenyaan reꞌ sin nout goe he nfoo menin. Kemenyaan foo meniꞌ naan, es reꞌ areꞌ oen ein naꞌkon Uisneno Iin na.

Rasi Mnitas neu naiꞌ Yohanis 6:3

Rarit ꞌBib-kaes Anaꞌ naan anfei ꞌretuꞌ-ꞌfoꞌe no nuan. Onaim au ꞌneen muiꞌ maꞌtain no nuan ii, naprenat am nak, “Amnao nai!”

Rasi Mnitas neu naiꞌ Yohanis 6:5

Rarit ꞌBib-kaes Anaꞌ naan nfei ꞌretuꞌ-ꞌfoꞌe no teun ii. Onaim au ꞌneen muiꞌ maꞌtain no teun ii, naprenat am nak, “Amnao nai!” Nok askeken ate, au ꞌiit bikaes metan es. Tuaf reꞌ ansae nbi bikaseꞌ naan, annaaꞌ aꞌtaꞌi nbi in aꞌniman, he ntai mnahat reꞌ nmurai nabatin.

Rasi Mnitas neu naiꞌ Yohanis 6:7

Rarit ꞌBib-kaes Anaꞌ naan anfei ꞌretuꞌ-ꞌfoꞌe no haan ii. Onaim au ꞌneen muiꞌ maꞌtaniꞌ no haan ii naprenat am nak, “Amnao nai!”

Rasi Mnitas neu naiꞌ Yohanis 8:1

Rarit ꞌBib-kaes Anaꞌ naan nfei ꞌretuꞌ-ꞌfoꞌe no hiutn ii. Nok askeken ate, abitan sonaf neno tunan mninuꞌ-mninuꞌ. Ka tiit tain fa es he naꞌuab, tar antea oniꞌ menit boꞌ teun