Rasi Mnitas neu naiꞌ Yohanis 21:4 - Uisneno In Kabin ma Prenat: Rais Manba'an Fe'u nok Reta' Ahun-hunut

⁴ In of annoes nain sin maat nuu ngguin, he sin kais ankae npin-piuns ein antein. Natuin anbi bare naan, ka tiit tain fa amenat antein. Ma nbi bare naan, ka tiit tain fa amates antein. Areꞌ kanan rais susat nanaꞌrenat reꞌ un-unuꞌ te, nasusab ma nnanaꞌrenab, ka tiit attein sin fa goen. Areꞌ kanan haꞌmuꞌit ma maꞌneꞌat reꞌ un-unuꞌ te nhaꞌmuiꞌ, namnekun nrarin.”

Rasi Mnitas neu naiꞌ Yohanis 21:4 ပူးပေါင်းရင်းမြစ်များ

Naiꞌ Mateos 24:35

Maski neon goe ma pah-pinan ia namnekun, mes Au aꞌat ma kabin sin nabar-baran kuuk.”

1 Korintus 15:26

Anmuiꞌ rais jes anteniꞌ reꞌ anmamuus nok kit mansian. Es reꞌ hit ro he tmaet. Mes namuni te, Uisneno he niis naan rasi ꞌmaten in kuasan amsaꞌ. In nmoꞌe nrair on naan ate, ka tiit fa tuaf reꞌ nmate ntein.

1 Korintus 7:31

Karu anmuiꞌ tuaf anpaek bareꞌ naꞌko pah-pinan ia, reko nneis in nmoeꞌ in tuan ee nahuum on reꞌ tuaf reꞌ ka nakfiirt on fa neu pah-pinan ia in baerꞌ ein, maut he in natenab ma nakeo nahiin Uisneno. Natuin pah-pinan ia in ranan of namneuk nain.

2 Korintus 5:17

Es naan ate, tuaf reꞌ anmafuut nok Kristus anjair mansian feꞌu nrair, reꞌ nmuꞌi ꞌmoin feꞌu. In ka on fa reꞌ unuꞌ naan, fin in aꞌmonin amnaaꞌ ee namneuk goen. Ka tiit ee fa goen! Fin oras ia, reꞌ feuꞌ goe nmuꞌi nrair.

2 Korintus 6:17

Es naan ate Uisneno ntui on nai msaꞌ am nak, “Hi ro he mpoi miꞌko sin atnaank ein, ma mbaits om miꞌko sin, he hi kais amjair on reꞌ sin. Hi neekm ein ro he nakniunꞌ ein. Rarit hi ro he miꞌroo miꞌko areꞌ saaꞌ-saaꞌ reꞌ nmoeꞌ hi neekm ein anꞌoemetan, nok ranan naan, Au ꞌtoup ki nok rek-reko.

Atoin Ibranis 12:27

Oras Uisneno naꞌuab nak, In he nmoeꞌ areꞌ saaꞌ-saaꞌ ii naꞌbekoꞌ “no goes antein”, in oetn ii nak, Uisneno nroim he naꞌbekoꞌ saaꞌ-saaꞌ ein reꞌ In nmoeꞌ sin, et neon goe tnanan ma pah-pinan, tar antea reꞌ ka bisa ntahan fa, namnekun nfinin. Reꞌ mee bisa ntahan ate, naan natua nabaar.

2 Naiꞌ Petrus 3:10

Mes oras hit Usiꞌ ankoen On anfain neem naan, ka tiit fa tuaf reꞌ nahiin nain. Fin In amneman naan, nok askeekn aah, on reꞌ abakat reꞌ he ntaam neu uim jes in nanan. Oras naan, areꞌ kanan baerꞌ ein nbin neon goe tnanan anputun nmaten, on reꞌ manas, funan ma kfuun ein ok-okeꞌ. On naan amsaꞌ, pah-pinan ma in afan-nesan ok-okeꞌ.

1 Naiꞌ Yohanis 2:17

Te kaah pah-pinan ia of namneuk, nabu-bua nok rasin reꞌ atoniꞌ nroim he naim sin. Mes tuaf reꞌ nroim he nmoeꞌ natuin Uisneno In romin, in ka namneuk fa, fin in nmoin nabar-baar.

Rasi Mnitas neu naiꞌ Yohanis 20:13

Rarit areꞌ amaets ein ok-okeꞌ, sin arsin neman ma nbaiseun ꞌtoko prenat naan. Sin arsin reꞌ naan, reꞌ anmaten nbin auf metoꞌ, aiꞌ nbin tasi. Rarit Uisneno nafeek sin rasin meseꞌ-meseꞌ, natuin saaꞌ-saaꞌ reꞌ sin nmoeꞌ sin.

Rasi Mnitas neu naiꞌ Yohanis 20:14

Rarit Uisneno nporin nain ‘ꞌMaten’ neu tais ai reꞌ npiin nabar-baar naan. In nporin nain ‘Bare neu Amates’ amsaꞌ, nꞌain tais ai naan amsaꞌ. Tais ai abar-barat naan, es reꞌ bareꞌ ꞌmaten no nuan ii.

Rasi Mnitas neu naiꞌ Yohanis 21:1

Rarit au ꞌkius ꞌiit neno tunan ma pah-pinan huum maas feꞌu, fin neno tunan ma pah-pinan huum maas amnaaꞌ namnekun nrarin. Tais je msaꞌ, ka mamnitaꞌ fa goen.

Rasi Mnitas neu naiꞌ Yohanis 22:3

Mes areꞌ saaꞌ-saaꞌ reꞌ Uisneno antitar napoitan sin ma nfee kasat neu sin, ka tiit sin fa nbin kota naan. Abitan kota naan, suma es reꞌ Uisneno ma ꞌBib-kaes Anaꞌ reꞌ antuun Ok ma napreent Ein anbin Sin aꞌtoko prenat, ma Sin aan renuꞌ-aan rekaꞌ sin reꞌ naꞌbesan ma naꞌruir ein neu Sin.

Rasi Mnitas neu naiꞌ Yohanis 7:17

ꞌBib-kaes Anaꞌ reꞌ anpaumaak nok aꞌtoko prenat naan, In of es reꞌ njair sin atukus. In of es reꞌ napooꞌ neik sin, ma naꞌinuꞌ sin anbin oe mataꞌ reꞌ neiki ꞌhonis. Uisneno of es annoes nain sin susat, henatiꞌ sin kais ankaen ntenin.”