Rasi Mnitas neu naiꞌ Yohanis 21:14 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁴ Rameꞌ naan nahaek ee nbi faut fanderen kouꞌ-koꞌun fuaꞌ boꞌes am nua. Anbi fatun naan meseꞌ-meseꞌ matuꞌi kanaf tuaf meseꞌ-meseꞌ naꞌko haef tuaf boꞌes am nua. Haef ein naan esan reꞌ antuthae ꞌBib-kaes Anaꞌ oras In nbi pah-pinan.

Rasi Mnitas neu naiꞌ Yohanis 21:14 ပူးပေါင်းရင်းမြစ်များ

Naiꞌ Mateos 16:18

Amneen! Oras ia, Au he ukanab ko ‘Petrus’. Fin kanaf naan in aꞌmoufn ii es reꞌ ‘fatu’. Natuin ho pirsait aan nahuum on reꞌ fatu, ho of amjair fanderen meu Au ngguin reꞌ npirsai Kau. Maski sin napenin haꞌmuꞌit tar antea nmaten amsaꞌ, sin naarn ein ma ntaah ein piut-piut.

Haef ein sin Retaꞌ 1:26

Rarit sin nheran suur anaꞌ neu tua nuaꞌ ein naan. Ma sin nheer antoom naiꞌ Matias in kanan. Es naan ate, sin nait je njair Usif Yesus In haef nabua nok tuaf boꞌes am mees ein naan.

Galatia 2:9

Oras naan, atoniꞌ nak naiꞌ Yakobus, naiꞌ Petrus, ma naiꞌ Yohanis anjarin aꞌnaak akrei. Oras sin teun sin nahinin nak, Uisneno naruruꞌ ma nakriraꞌ In nekan arekot neu kau on naan ate, sin nfenan ma neman ntaeb kau ma naiꞌ Barnabas, he njair tanar nak, hai arkai nekaf meseꞌ. Sin nroim natuin ein he hai meik Rais Reko meu atoniꞌ ka Yahudis fa, ma sin es reꞌ neik Rais Reko neun atoin Yahudis.

Efesus 2:20

Naan on reꞌ Uisneno he nahakeꞌ uim jes. In ntao fatu ꞌsuik susuf, es reꞌ Yesus Kristus. Rarit In nahakeꞌ fanderen, es reꞌ In mafefa kniunꞌ ein ma In haef ein. Rarit In nsusun ma nbakin fatu anbi faofk ein ok-okeꞌ. Fatun naan es reꞌ hit arkit reꞌ attaam atjair In nonot-asar.

Efesus 3:5

Fin un-unuꞌ feꞌ, mansian ii ka nahiin In sairt ee batuur-batuur fa feꞌ. Mes oras ia, In npaek In Asmaan ee he natoon sarit naan neu In mafefa kniunꞌ ein ma In haef ein.

Efesus 4:11

Kristus reꞌ naan, es reꞌ annonaꞌ ma nfee kuasa, mahinif ma manoef neu Iin na, he sin bisa nanaob mepu reꞌ In nbati nrair neu sin. Bian In nfeen sin kuasa, mahinif ma manoef, he njarin In haef, bian anjarin In mafefa kniunꞌ ein, bian anjarin atukus neu Iin na, bian anjarin tuaf reꞌ nanoniꞌ nahiin Iin na, ma bian anteniꞌ anjarin amneik Rais Reko neu baer feꞌu.

Atoin Ibranis 11:10

In nafnekan ma nharap he in of anmoni nbi kota maꞌtain es. Fin Uisneno kuun es reꞌ anmoeꞌ gambaran he nafenaꞌ kota naan.

Naiꞌ Judas 1:17

Aok-bian manekat arki! Kais amnikan rais manbaꞌan reꞌ hit Usiꞌ Yesus Kristus In haef ein natoon nain sin neu ki nak, karu pah-pinan ia he namsoup goen ate, aratin ma asebuten sin of anboran. Sin nromin he naꞌreꞌuf ma nkanaꞌpaar Uisneno In romin, natuin sin roimk ein kuuk reꞌ ansaan ma nbeon.

Rasi Mnitas neu naiꞌ Yohanis 18:20

Rarit hanaf naan naꞌuab anteniꞌ mnak, ‘Hae, hi abit sonaf neno tunan! Hi neekm ein naan, kais namenan nteinꞌ ein nai. Hae, Uisneno In tuaf ein! Hi neekm ein naan kais ansusan nteinꞌ ein nai. Hae, Uisneno In haef ein! Maut he hi mkumain nai. Hae, Uisneno In mafefa kniunꞌ ein! Maut he hi neekm ein anmarinan nai. Afi unuꞌ te, Babel nasusab ki. Afi unuꞌ te, kota naan anhaꞌmuiꞌ ki. Mes oras ia, Uisneno anbaras anrair hi haꞌmuꞌit naan. Fin oras ia, In nbaras anrair kota naan in maufinun.’ ”

Rasi Mnitas neu naiꞌ Yohanis 21:13

Eon koꞌu teun nbain ein neu pasaꞌ neon-saet. Teun anbain ein neu pasaꞌ neon-teas. Teun anbain ein neu pasaꞌ ponain. Ma tenu ntenin nbain ein neu pasaꞌ haaꞌ-nua.