Rasi Mnitas neu naiꞌ Yohanis 2:8 - Uisneno In Kabin ma Prenat: Rais Manba'an Fe'u nok Reta' Ahun-hunut

⁸ Rarit Mansian Batuur-Batuur naan antuut antein In uaban naan am nak, “Yohanis, oras ia ho ro he mtui surat es anteniꞌ. In haan ee, on nai: ‘Neu jemaꞌat abitan kota Smirna: Surat reꞌ ia, naꞌko Au, Naiꞌ Yesus Kau. Areꞌ saaꞌ-saaꞌ ii sin naꞌuun ma naꞌbaꞌan nbin Kau, anmurai naꞌko ahunut tar antea amunit. Unuꞌ te, Au ꞌmaet, mes oras ia, Au ꞌmoni ꞌfain. Onaim amneen Au uabak reꞌ ia.

Rasi Mnitas neu naiꞌ Yohanis 2:8 ပူးပေါင်းရင်းမြစ်များ

Roma 14:9

Es naan ate Kristus anmaet, rarit anmoni nfain. In nmoeꞌ on naan he In bisa njair Usif neu amaets ein, ma neu tuaf-tuaf reꞌ anmonin feꞌe msaꞌ.

Rasi Mnitas neu naiꞌ Yohanis 1:11

Hanaf naan anreek kau mnak, “Yohanis! Au he ukriraꞌ ko rais jes. Saaꞌ-saaꞌ reꞌ ho miit sin, ho ro he mtui sin. Rarit ho msonuꞌ sin meu jemaꞌat hiut, esan reꞌ jemaaꞌt ein abitan kota Efesus, kota Smirna, kota Pergamus, kota Tiatira, kota Sardis, kota Filadelfia, ma kota Laodikia.”

Rasi Mnitas neu naiꞌ Yohanis 1:8

Uisneno nak, “Au reꞌ ia, Alfa ntea Omega. Au reꞌ ia, A ntea Z. Areꞌ saaꞌ-saaꞌ ii, sin naꞌuun ma naꞌbaꞌan naꞌko Kau, anmurai naꞌko ahunut tar antea amunit. Au es reꞌ ꞌbi ꞌain ia naꞌko unuꞌ. Au es reꞌ oras ia. Au es reꞌ ꞌbi oras amnemat tar antea nabar-baar. Fin Au kuuk es reꞌ akuaas reꞌuf!”

Rasi Mnitas neu naiꞌ Yohanis 2:1

Rarit Mansian Batuur-Batuur naan naprenat kau mnak, “Yohanis, ho ro he mtui surat noo goes. In haan ee, on nai: ‘Neu jemaꞌat abitan kota Efesus: Surat reꞌ ia, naꞌko Au, Naiꞌ Yesus Kau. Au es aꞌnaaꞌ kfuun hiut etan Au ꞌnimak aꞌneꞌu. Au es aꞌnao ꞌfuun utef-tefan ma ꞌnoon pauk noni fuaꞌ hiut ein naan meseꞌ-meseꞌ. Amneen Au uabak reꞌ ia.

Rasi Mnitas neu naiꞌ Yohanis 22:13

Au reꞌ ia, Alfa ntea Omega. Au reꞌ ia, A ntea Z. Areꞌ kanan saaꞌ-saaꞌ ii naꞌuun ma naꞌbaꞌan nbin Kau, anmurai naꞌko ahunut tar amunit.