Rasi Mnitas neu naiꞌ Yohanis 18:23 - Uisneno In Kabin ma Prenat: Rais Manba'an Fe'u nok Reta' Ahun-hunut

²³ Ka tiit attein fa tuaf, reꞌ nout ma napinaꞌ paku ntein anbi kota naan. Ka tiit attein fa tuaf, reꞌ antaon fesat kabin anteinꞌ ein anbin bare naan. Afi unuꞌ araakn ein anbin kota naan, anjarin atoin amuꞌit maꞌtaniꞌ nrair. Afi unuꞌ, Babel in atoin araakn ein, anmonin nok baer mamasaꞌ ma maꞌosaꞌ maꞌtaniꞌ. Mes sin npaken reꞌu ma hau, he napoi tuaf-tuaf anbi pah-pinan. Sin npaken hau maat-nipuꞌ, he nputa-kriu mansian nbin pah-pinan.

Rasi Mnitas neu naiꞌ Yohanis 18:23 ပူးပေါင်းရင်းမြစ်များ

Rasi Mnitas neu naiꞌ Yohanis 12:9

Es naan ate, sin nait inporin sin naꞌkon sonaf neno tunan neun pah-pinan. Kaun naga naan, es reꞌ niutn ee sin usin, reꞌ sin nteek ee nak, ‘Iblis’. Naꞌko un-unuꞌ in es reꞌ anputa-kriu mansian he nmoꞌen sanat ma penu.

Rasi Mnitas neu naiꞌ Yohanis 17:2

Afi unuꞌ te, uisf ein naꞌkon bare mee-mee, neman ma nmakaken nok abitan kota naan. Tuaf bian neman amsaꞌ, ma nmafun ma natun-tuin ein ahaa kota naan in fotes.”

Rasi Mnitas neu naiꞌ Yohanis 17:5

Anbi in iran, matuꞌi kanaf es, reꞌ in oetn ii, maꞌnifaꞌ feꞌ. Tuis naan nak on nai: Au reꞌ ia, Babel! Es reꞌ kota maꞌtain reꞌuf! Areꞌ kanan rais maufinu nbi pah-pinan ia, naꞌuun ma naꞌbaꞌan nbin kau. Areꞌ kanan amakaket anbin pah-pinan ia, sin amneemk ein naꞌkon kau.

Rasi Mnitas neu naiꞌ Yohanis 18:22

Ka tiit attein fa tuaf, reꞌ anreuk ma nsii nbi kota naan. Ka tiit attein fa tuaf, reꞌ anneen niit aꞌreuk sasando, aꞌrekuꞌ, bobe, ma toꞌis sin haank ein anbi kota naan. Ka tiit attein fa atoin ahiin mepu, reꞌ anmepun nteinꞌ ein meseꞌ-meseꞌ anbin sin mepun. Ka tiit attein fa tuaf, reꞌ napau ma nmoor makaꞌ ntein anbi kota naan.

Rasi Mnitas neu naiꞌ Yohanis 18:3

In ntaikobi nrair, natuin areꞌ kanan uuf ma pah anbi pah-pinan, neu-mneman piut-piut ma ninun tua min-kaes amafun. In nmoufu nrair, natuin areꞌ kanan uuf ma pah anbi pah-pinan, neu-mneman piut-piut ma nmakaken nok abitan kota naan. Uisf ein naꞌkon areꞌ kanan aꞌpen-pene, neman ma nmakaken nbin bare naan. Atoin arakan naꞌkon areꞌ kota-kota, neman ma nraakn ein, tar antea sin njarin amuꞌit. Natuin kota naan, on reꞌ bifee reꞌ anmariin he nsosan areꞌ kanan baer mamasaꞌ ma maꞌosaꞌ. Natuin kota naan, on reꞌ bifee aꞌhakeꞌ reꞌ anmariin neu areꞌ kanan rais aminat.”

Rasi Mnitas neu naiꞌ Yohanis 18:9

Uisf ein reꞌ afi unuꞌ te, neman, ma nmakaken nok abitan kota naan, ma nmonin nok baer mamasaꞌ ma maꞌosaꞌ nbin naan. Sin of nkius nitan masuꞌ reꞌ ansae naꞌko ai naan, sin of nahinin nak kota naan nputu nmaet jen. Rarit sin nkaen npin-piuns ein neu ne.

Rasi Mnitas neu naiꞌ Yohanis 21:8

Mes anmuiꞌ tuaf bian reꞌ of anporin napoitan sin, neun tais ai bariri, reꞌ npiin ka nasnaas niit fa. Nahuum on reꞌ atoin amtaus, tuaf reꞌ nkoit Naiꞌ Yesus, tuaf reꞌ anꞌoemeet, tuaf reꞌ anmakaken ma nmakonin nok tuaf reꞌ sin ka moen ja fa, aiꞌ ka fee ja fa, aroor mansian, afuat neu nitu, araut, ma aputa-kriut. Sin ar-arsin naan of nait inporin sin neu tais ai, reꞌ anteek ee nak, ‘bareꞌ ꞌmaten no nuan ii.’ ”

Rasi Mnitas neu naiꞌ Yohanis 22:15

Mes tua sonaꞌ ma ꞌtetaꞌ, ka bole fa he ntaman neun bare naan. Reꞌ ka Uisneno Iin na fa, ka bole fa he natuan nbin bare naan. Sin esan reꞌ tuaf-tuaf reꞌ ka npirsain fa neun Uisneno, amakaket, afuat, amarorot, araut, ma aputa-kriut. Sin arsin reꞌ naan, ka bole fa he ntaman. Sin arsin reꞌ naan, maut he sin nbin moneꞌ.

Rasi Mnitas neu naiꞌ Yohanis 22:5

Anbi bare naan, ka tiit tain fa oras fai. Onaim Uisneno Iin na, sin ka nperluun fa manas, aiꞌ paku, natuin Uisneno kuun es antanaꞌ kota naan. Sin of annaaꞌ nokan aprenat anbi bare naan tar antea nabar-baar.

Rasi Mnitas neu naiꞌ Yohanis 6:15

Ankius on naan ate, mansian pah-pinan, nmurai naꞌko uisf ein, anaaꞌ apreent ein, aꞌnaak sorarus, atoin amuꞌit, tar antea ate, sin ar-arsin namtaun. Rarit sin naenan ma naꞌkoor ein nbin nuat ein, fatu ꞌtoeꞌf ein peihaipk ein.

Rasi Mnitas neu naiꞌ Yohanis 9:21

Sin ka nromin fa msaꞌ he nasnasab sin sanat-penu bian sin, nahuum on reꞌ naꞌmaet atoniꞌ, npaek reꞌu, nabaak, ma nmakaken nok tuaf reꞌ sin ka moenk ein fa, aiꞌ sin ka feek ein fa.