Rasi Mnitas neu naiꞌ Yohanis 18:14 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁴ Atoin araakn ein naan of anmeꞌ-meiꞌ jok am nak, ‘Koi, Babel! Koi, kota maꞌtaniꞌ! Ho baer mamasaꞌ ma maꞌosaꞌ reꞌ atoniꞌ nroim nanes-nesib sin naan, ka tiit attein sin fa goen. Sin ar-arsin namnekun nrarin, tar antea sin nmaꞌmuꞌin nmaten, tar antea ho mnobaꞌ maan afu tteri.’

Rasi Mnitas neu naiꞌ Yohanis 18:14 ပူးပေါင်းရင်းမြစ်များ

Naiꞌ Mateos 11:8

Ma ka neu fa he hi mnao mkius atoniꞌ reꞌ anpaek paek maꞌosaꞌ, fin tuaf on reꞌ naan, suma natua et sonaf!

Naiꞌ Lukas 12:20

Mes Uisneno natoon ee mnak, ‘Hae! Amonot! Mabeꞌ ia, ho mmaet. Rarit sekau es npaar kuun poꞌof naan in aafn ee ok-okeꞌ?’

Naiꞌ Lukas 16:25

Mes kaꞌo Abraham nataah am nak, ‘Airoo, anah! Mumnau murek-rekoꞌ neno uun aan feꞌ! Neno naan, oras ho mmoin feꞌ mbi pah-pinan, ho mupein main areꞌ kanan reko. Mes naiꞌ Lasarus suma napeni haa susat. Onaim oras ia, Uisneno anseuꞌsaab ee nbi ia. Mes ho mupein suust am nanaꞌrenat.

1 Korintus 10:6

Areꞌ rasin naan anjarin aꞌtopeꞌ neu kit, he hit kais atroim he tmoeꞌ maufinu on reꞌ sin.

Naiꞌ Yakobus 4:2

Hi mikoman baer es, mes hi ꞌniim ein ka ntean fa he nreoꞌ naan ee. Rarit hi neekm ein namenan, ammatoe ma ammabaan, tar antea hi mroim he miꞌmaet es ate, ka mimtau fa. Natuin hi ka mꞌonen fa, ma ka mtoit fa naꞌko Uisneno, etun hi ka mipein je fa.

Rasi Mnitas neu naiꞌ Yohanis 18:13

Ka tiit fa tuaf he nsoos sin hau aminat, aiꞌ hau ꞌpooh aminat humaꞌ-humaꞌ. Ka tiit fa tuaf he nsoos sin hau oef foo meniꞌ, aiꞌ miin foo bonaꞌ humaꞌ-humaꞌ. Ka tiit fa tuaf he nsoos sin tua min-kase, minaꞌ naꞌko hau saitun, uu-tariku, aiꞌ maak-gandum. Ka tiit fa tuaf he nsoos sin bijae ngguin, ꞌbib-kasen, aiꞌ bikaes ein. Ka tiit fa tuaf he nsoos sin akreet ein, aiꞌ sin aten.

Rasi Mnitas neu naiꞌ Yohanis 18:15

Afi unuꞌ, atoin araakn ein naan njarin atoin amuꞌit natuin kota naan on reꞌ bifee aꞌhakeꞌ. Mes oras ia, sin nmeꞌ-meiꞌ jok ka natfeek niit fa. Sin namtaun nmaten, ankius tuaf anbi kota naan sin haꞌmuꞌit ma maꞌneꞌat naan. Sin aok ein napipin maꞌtaniꞌ, nkius sin napenin hukun naan. Mes sin suma nkisu nbi nggoah aꞌroo. Sin suma nabranin ma nhaken nbin nggoah aa bare naan.