Rasi Mnitas neu naiꞌ Yohanis 14:5 - Uisneno In Kabin ma Prenat: Rais Manba'an Fe'u nok Reta' Ahun-hunut

⁵ Sin ka naꞌuab ein fa nputa-kriun amsaꞌ, natuin sin neek ein kniunꞌ ein.

Rasi Mnitas neu naiꞌ Yohanis 14:5 ပူးပေါင်းရင်းမြစ်များ

Naiꞌ Mateos 12:34

Mes hi on reꞌ kaun aputa-kriut! Hi ka bisa miꞌuab fa rais reko. Natuin saaꞌ reꞌ et atoniꞌ in nekan, naan es reꞌ of anpoi npeoꞌ in fefan.

Naiꞌ Lukas 23:4

Anparikas anrair Je on naan ate, gubernur ee nait matan ma naꞌuab neu aꞌnaak rais pirsait Yahudi sin aꞌnaakt ein ma too mfaun ein. Rarit naꞌuab am nak, “On nai! Au ka ꞌtae ꞌiit fa Atoniꞌ ia In sanat kreꞌ-reꞌo msaꞌ!”

Naiꞌ Yohanis 1:47

Oras naiꞌ Nitanel neem, Naiꞌ Yesus niit nain je, onaim In nak, “In reꞌ ia, atoin neek amneot ma amnonot! Fin anbi in nekan ka nmuiꞌ fa puta-kriut. In reꞌ ia, atoin Israelas batuur-batuur!”

Efesus 5:27

Yesus Kristus Iin na msaꞌ on reꞌ baroit bifee reꞌ anbarias anrair nahuum ma namaas, natuin baroit atoin ee he neem anseun nggoe. On naan amsaꞌ Kristus he nkoen On neem anseun Iin na. Onaim sin ro he nmonin nok reko ma kninuꞌ, tar antea sin ka nmuꞌin fa sanat meseꞌ msaꞌ.

Kolose 1:22

Maski on naan amsaꞌ, mes oras ia In es reꞌ anfei ranan he hit bisa tmarameꞌ tok Ne. Natuin In es reꞌ ansonuꞌ In Anah he njair mansian. Ma In es reꞌ anfee In Anah naan, he njair fuaꞌ-turuꞌ, nok ranan anmaet anbi hau nehe, he hit bisa tmarameꞌ tfain tok Ne. Yesus Kristus anmoeꞌ on naan, he In bisa neik kit atfain, he thake tbi Uisneno In human ma In matan, he tjair tuaf-tuaf akninuꞌ, neek amneot, ma ka tmuiꞌ fa sanat attein.

Atoin Ibranis 9:14

Onaim karu naa muiꞌt ii nakninuꞌ nain hit aok aꞌpohon in ꞌoemetan, anneis-neis Kristus In naaꞌ. Natuin In naaꞌ naan, nsoi nafetin anrair hit saant ein, ma nakninuꞌ nrair hit nekak nanan. Hit sanat reꞌ naan naꞌbataꞌ ma nbatis kit naꞌko Uisneno. Oras Kristus anmaet on naan ate, Uisneno In Asmanan reꞌ anmoin nabar-baar anturun ma nbaab Ee he In nnonaꞌ ma nfee In tuan ee neu Uisneno, nahuum on reꞌ muꞌit reꞌ njair fuaꞌ-turuꞌ reꞌ ka nmuiꞌ fa paap aanꞌ-aanꞌ es amsaꞌ. Onaim oras ia, hit bisa taꞌruriꞌ ma taꞌbees rek-reko teu Uisneno Amonit Abar-barat naan.

1 Naiꞌ Petrus 1:19

Mes In nsoi ki npaek In naaꞌ ee kuun. Naan, ro maꞌosaꞌ batuur! In nmaet on reꞌ ꞌbib-kaes aan es, reꞌ ka nmoeꞌ niit fa sanat, reꞌ sin nroor goe he njair fuaꞌ-turuꞌ.

1 Naiꞌ Petrus 2:22

Uisneno In Suur Akninuꞌ antui mnak, “In ka nmoeꞌ niit fa sanat. Ka tiit fa puta-kriut reꞌ npoi naꞌko In fefan.”

1 Naiꞌ Petrus 3:10

Fin matuꞌi et Suur Akninuꞌ Uisneno mnak, “Tuaf reꞌ nami ꞌmoin reko, ma reꞌ nami ꞌmonit tar namnais, tuaf naan ro he npanat in fefan he kais anmahaat, ma kais naꞌuab puta-kriut.

Naiꞌ Judas 1:24

Oras ia, hit tait pures-boꞌis ma mnaikas teu Uisneno! Natuin In kuun es reꞌ bisa npafaꞌ ma npanat ki, he hi kais mispae, mistuun ma mtaikoib. Ma In kuun es reꞌ neik ki, he hi mhake mbi Uisneno In human ma In matan, fin In kuun es reꞌ nakninuꞌ ki, es naꞌ hi ka mꞌoemeet fa goen. Hi mkoen om iim meik huum kumani ma huum akmoe, fin In mapinaꞌ-makrahaꞌ!