Rasi Mnitas neu naiꞌ Yohanis 13:6 - Uisneno In Kabin ma Prenat: Rais Manba'an Fe'u nok Reta' Ahun-hunut

⁶ Es naan ate, in nkanaꞌpaar Uisneno. Ma in nkanaꞌpaar Uisneno Iin na msaꞌ, reꞌ etan sonaf neno tunan.

Rasi Mnitas neu naiꞌ Yohanis 13:6 ပူးပေါင်းရင်းမြစ်များ

Naiꞌ Mateos 12:34

Mes hi on reꞌ kaun aputa-kriut! Hi ka bisa miꞌuab fa rais reko. Natuin saaꞌ reꞌ et atoniꞌ in nekan, naan es reꞌ of anpoi npeoꞌ in fefan.

Naiꞌ Mateos 15:19

Fin rais maufinu mfaun npoin naꞌkon atoniꞌ in nekan! Nahuum on reꞌ: tenab maufinu, marorot, makaket, nbeon on nok tuaf reꞌ in ka fee je fa, aiꞌ in ka moen ja fa, bakan, saksii puta-kriut, naꞌuab naꞌreꞌuf es in kanan.

Naiꞌ Yohanis 1:14

Rarit ‘Uisneno In Kabin ma Prenat’ naan, nmoni njair mansian. In nmoin et hit sonak ma hit atnaank ii. Hit tkius ma tiit In pinan ma krahan. In npiin ma nakraah on reꞌ naan, natuin In reꞌ naan, Uisneno In Anah fuaꞌ meseꞌ. In nroim he naruruꞌ ma nakriraꞌ In nekan arekot neu kit, natuin In amneikn ee, on reꞌ naan. Ma areꞌ saaꞌ ii ok-okeꞌ reꞌ In natoon sin anmatoom nok Uisneno, ro batuur.

Roma 3:13

Sin uabk ein, ro foo punuꞌ, on reꞌ noup nitu reꞌ atoniꞌ nhain nafaniꞌ. Sin feefk ein suma napoitan puta-kriu goah. Sin uabk ein reꞌ npoin naꞌkon sin feefk ein, on reꞌ kaun aan in raso.

Kolose 1:19

Areꞌ kanan saaꞌ-saaꞌ reꞌ anbi Uisneno In tuan, anmuꞌi msaꞌ et Kristus In tuan, ma naan amsaꞌ anharineb Uisneno.

Kolose 2:9

Areꞌ kanan saaꞌ-saaꞌ reꞌ anbi Uisneno In tuan, anmuꞌi et Kristus In tuan amsaꞌ. Ma Kristus anjair mansian on reꞌ hit amsaꞌ.

Atoin Ibranis 9:2

Anbi baer onen naan, anmuiꞌ kintal ma tenar kouꞌ goes. Anbi tenar naan in keꞌen aꞌsiꞌu, anmuiꞌ baer paku, ma mei jes reꞌ aꞌnaak rais pirsait ein anpaek je he ntaon uu-tunuꞌ reꞌ he nafuat ee neu Uisneno. Keꞌen aꞌsiꞌu naan, sin nteek ee te nak, Uisneno In Keꞌen Akninuꞌ.

Atoin Ibranis 9:24

Keꞌen Akninuꞌ nneis-neis reꞌ Kristus antaam naan, ka keꞌen et Tenar Onen reꞌ mansian ii nmoeꞌ je fa. Fin Tenar anbi pah-pinan naan, suma ꞌtopeꞌ naꞌko Tenar reꞌ batuur. Mes Kristus antaam langsung neu sonaf neno tunan he npeis kit anbi Uisneno In human ma In matan.

Rasi Mnitas neu naiꞌ Yohanis 11:12

Rarit mafefa kniun nuaꞌ ein naan of annenan hanaf maꞌtain es naꞌko neon goe, reꞌ anreek sin am nak, “Hae! Hi nua ki msae iim nai!” Onaim sin nua sin naꞌait ok ansaen on neno ma noep je anꞌaum naan sin. Ankius nitan on naan ate, sin muusn ein antakaꞌnaan ein.

Rasi Mnitas neu naiꞌ Yohanis 12:12

Onaim areꞌ kanan amonit et sonaf neno tunan, ro he nmarinan! Mes areꞌ kanan amonit et pah-pinan ro he mpanat, natuin siraak ii he nsaen ki jen. Nitu ꞌnaakf ee, nsaun neitin ki. In natooꞌ koꞌu, natuin in nahiin nak, in oras he nmoeꞌ rais maufinu naan, he namsoup goen!”

Rasi Mnitas neu naiꞌ Yohanis 15:5

Oras asiit ein ansiin nrarin, au ꞌiit Keꞌen Akninuꞌ nneis-neis anbi Uisneno In Uim Onen et sonaf neno tunan, ma in tai-eonꞌ ee masoitan.

Rasi Mnitas neu naiꞌ Yohanis 18:20

Rarit hanaf naan naꞌuab anteniꞌ mnak, ‘Hae, hi abit sonaf neno tunan! Hi neekm ein naan, kais namenan nteinꞌ ein nai. Hae, Uisneno In tuaf ein! Hi neekm ein naan kais ansusan nteinꞌ ein nai. Hae, Uisneno In haef ein! Maut he hi mkumain nai. Hae, Uisneno In mafefa kniunꞌ ein! Maut he hi neekm ein anmarinan nai. Afi unuꞌ te, Babel nasusab ki. Afi unuꞌ te, kota naan anhaꞌmuiꞌ ki. Mes oras ia, Uisneno anbaras anrair hi haꞌmuꞌit naan. Fin oras ia, In nbaras anrair kota naan in maufinun.’ ”

Rasi Mnitas neu naiꞌ Yohanis 21:3

Rarit au ꞌneen hanaf maꞌtain es, anpoi naꞌko ꞌtoko prenat naan am nak, “Amkius mirek-rekoꞌ! Anmurai oras ia, Uisneno In Umi et mansian ii sin sonak ma sin atnaank ein. Anmurai neno ia, Uisneno anmoin nabu-bua nok Iin na. Fin In njair sin Uisneno. Ma sin anjarin In aanh ein. In of nok sin piut-piut. Ma In nabu-bua nok sin nabar-baar.

Rasi Mnitas neu naiꞌ Yohanis 4:1

Mansian Batuur-Batuur naan naꞌuab anrair In haan manbasan neun jemaꞌat hiut ein on naan ate, Uisneno nakriraꞌ kau rasi bian anteniꞌ. Nok askeken ate, au ꞌiit eon es masoit et sonaf neno tunan. Rarit au ꞌneen tuaf naan reꞌ in haan ee on reꞌ toꞌis, naꞌuab am nak, “Amsae uum meu ia, he au uꞌitab ko, areꞌ saaꞌ-saaꞌ reꞌ of he njair.”

Rasi Mnitas neu naiꞌ Yohanis 4:4

Anbi bare naan, anmuꞌi ꞌtoko prenat manaꞌ boꞌ nua mhaa reꞌ aanꞌ-aanꞌ ein, sin nfuun naan aꞌtokoꞌ naan. Anmuiꞌ naan amnasit tuaf boꞌ nua mhaa ntokon nbin aꞌtook ein naan. Sin arsin anpaken paek mutiꞌ, ma naꞌsoeb ein aꞌsobe prenat reꞌ anmoeꞌ je naꞌko noin-moroꞌ.

Rasi Mnitas neu naiꞌ Yohanis 5:13

Rarit au ꞌneen siit es antein. Naꞌko areꞌ kanan amonit, et sonaf neno tunan, et neno, et pah-pinan, ma tais je nanan, sin arsin nsiin buꞌ-buaꞌ. Naꞌko bare neu amaets ein amsaꞌ, sin arsin ansiin nokan. Sin arsin ansiin buꞌ-buaꞌ am nak, “Hai mpures ma mboꞌis Uisneno reꞌ antook ma ntuun On es aꞌtoko prenat ia. Hai maikas ma mait miꞌratan ꞌBib-kaes Anaꞌ ia msaꞌ. Hai misaeb rais hormaat meu Sin. Hai miꞌruriꞌ ma miꞌbees meu Sin. Natuin Sin esan reꞌ annaꞌan aprenat nabar-baar! Ma Sin kuasan sin ka natfeek nitan fa!”

Rasi Mnitas neu naiꞌ Yohanis 7:15

Natuin rasi naan, sin nhaken anbin Uisneno In aꞌtoko prenat. Sin ntuthae Je fai-manas anbi In Uim Onen. Uisneno nok sin piut-piut. Uisneno npafaꞌ ma npanat sin piut-piut.

Rasi Mnitas neu naiꞌ Yohanis 7:9

Rarit au ꞌiit mansian ein amfau-rutun, tar antea ka bisa ꞌsoiꞌ ꞌain sin fa barisi. Sin neman naꞌkon areꞌ pah-pah, uuf-uuf, kanaf-kanaf, ma uab-uab anbin pah-pinan. Sin arsin nabuan ma nbaisenun neun aꞌtoko prenat ma ꞌBib-kaes Anaꞌ naan. Sin npaken baur muti mnanuꞌ ma annaꞌan hau noo peta.