Rasi Mnitas neu naiꞌ Yohanis 12:2 - Uisneno In Kabin ma Prenat: Rais Manba'an Fe'u nok Reta' Ahun-hunut

² In naꞌapuꞌ, ankae, fin in he nahoin een.

Rasi Mnitas neu naiꞌ Yohanis 12:2 ပူးပေါင်းရင်းမြစ်များ

Naiꞌ Mateos 24:8

Mes naan ok-okeꞌ, feꞌ tanar ahunut reꞌ natoon am nak, oras neon amsoupt ii he neem een. Naan nahuum on reꞌ bifee reꞌ he feꞌ nmurai nnaben menas, natuin in oras he nahoniꞌ anpaumaak een.

Naiꞌ Yohanis 16:21

Naan on reꞌ bifee jes reꞌ nameen he nahoniꞌ. In neekn ee nsuus feꞌ, natuin in susat neem anrair. Mes rarit karu in nahoniꞌ naan riꞌanaꞌ naan, in susat namneuk nain. Fin in nekan anfani nmariin, natuin anmuiꞌ mansian feꞌu reꞌ nmoni nrari nbi pah-pinan ia.

Galatia 4:19

Anah amanekat arki! Oras ia au ꞌmeup mataniꞌ ꞌtein ꞌeu ki, tar au on reꞌ bifee maꞌapuꞌ reꞌ he noi nahoin een. Au ka usnasab fa mepu, tar antea hi neekm ein on reꞌ Kristus In nekan.

Galatia 4:27

Matuꞌi et Suur Akninuꞌ Uisneno nak: “Hoe, bifee akiut! Amharineb ho nekam nai! Hoe, bifee reꞌ ka nnaben niit fa meen mahoniꞌ! Amsii ma mmariin nai! Bifee neek akratiꞌ natuin in moen je ka nfairoir je fa ntein, in of napein anah mfaun anneis-neis naꞌko bifee mamoneꞌ.”

Rasi Mnitas neu naiꞌ Yohanis 12:4

In npaek in iukn ee ma nsaup nain kfuu baits es anbi neon goe tnanan. Anneis suma batis nua goah. Rarit in nporin nain kfuun ein naan nꞌain pah-pinan. Rarit in nbaniꞌ neu bifee naan, he npa-pao oras bifee naan nahoniꞌ. Fin in he nꞌoor naan riꞌanaꞌ naan.