Rasi Mnitas neu naiꞌ Yohanis 12:10 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁰ Rarit au ꞌneen aꞌteniꞌ hanaf maꞌtain es naꞌko sonaf neno tunan nak, “Afi unuꞌ, kaun naga naan anhaek piut anbi Uisneno In human ma In matan. In reꞌ naan, atuꞌiran sanat neu hit aok-bian apirsait ein. In nakuu sin fai-manas. Mes oras ia, anporin nasaitn ee naꞌko sonaf neno tunan. Onaim oras ia, areꞌ saaꞌ-saaꞌ ii namtiis jen. Fin oras ia, in oors aa goen he Uisneno nsoi nafetin mansian. Oras ia Uisneno annaaꞌ aprenat neik In kuasat maꞌtaniꞌ. Ma In nasaeb anrair Kristus, es reꞌ Tuaf reꞌ In npiir ma nbeit Je njair Usif neu areꞌ kanan uuf ma pah.

Rasi Mnitas neu naiꞌ Yohanis 12:10 ပူးပေါင်းရင်းမြစ်များ

Naiꞌ Mateos 26:64

Rarit Naiꞌ Yesus nataah am nak, “Batuur, on reꞌ ho muꞌuab naan. Mes, mimnau! Hi ar-arki of miit Kau, Mansian Batuur-Batuur reꞌ ia. Au of aꞌtoko ꞌbi sonaf neno tunan ꞌbi Uisneno In abnapan aꞌneꞌu, he ꞌnaaꞌ aprenat ꞌok Ne reꞌ akuaas reꞌuf. Rarit Au ꞌsanu ꞌfain ꞌuum aꞌbi nope.”

Naiꞌ Mateos 28:18

Rarit In neem anpaumak-maak sin, ma naꞌuab am nak, “Uisneno nfee Kau kuasat he Au uprenat saaꞌ-saaꞌ ii ok-okeꞌ nbi sonaf neno tunan ma nbi pah-pinan ia.

Naiꞌ Mateos 6:10

Maut he Ho mjair Usif meu mansian ein okeꞌ, tua! Maut he bifee-atoniꞌ sin arsin anmoꞌen natuin Ho preent ein anbin pah-pinan ia, nahuum on reꞌ Ho ameupt ein anmoeꞌ natuin Ho preent ein etan sonaf neno tunan, tua.

Naiꞌ Lukas 11:2

Rarit Naiꞌ Yesus nak, “Reko! Amꞌonen ampaek onen on reꞌ ia: Aam. Ho kanam naan nakninuꞌ teeb. Maut he mansian ein ok-okeꞌ, nanaib ma ntunaꞌ naꞌratan Ho kanam naan! Maut he Ho mjair Usif meu mansian ein ok-okeꞌ!

Naiꞌ Lukas 22:31

Rarit Naiꞌ Yesus natoon neu naiꞌ Petrus am nak, “Petrus! Nitu ꞌnaakf ee nsobaꞌ he nbatis ki naꞌko Kau, on reꞌ takrai mneas.

1 Korintus 5:4

Au ꞌmuiꞌ hak he ufeek on naan, natuin Naiꞌ Yesus hit Usiꞌ, ma au reꞌ ia, In haef. Rarit hi ro he mtook mibua he mifeek rasi naan, meik Usiꞌ In kanan. Ma au neek ii nabua nok ki msaꞌ.

2 Korintus 12:9

Mes In nataah kau mnak, “Au ururuꞌ ma ukriraꞌ Au nekak arekot ꞌeu ko. Naan nanokab neu ko. Fin oras ho mukeo ma msadaar mak, natuin ho ꞌbeꞌim kuum ka nanokab fa, anbi naan Au kuasa naꞌbaab on piut.” Es naan ate, au he ufeef aꞌtein, oras au ka ꞌmoeꞌ ubeiꞌ fa rais jes. Fin nok ranan naan, au uhiin ꞌak, Kristus In kuasa nmoin et au nekak.

Naiꞌ Titus 2:3

On naan amsaꞌ, neu bifee mnais ein. Mutoon meu sin he sin npanat sin aꞌhakek ma sin aꞌnaok, ma sin ro he nmonin natuin ahaa Uisneno In romin. Kais naꞌmunuꞌ tuaf bian sin kaank ein. Kais anmonin nbin mafu. Mes sin ro he nanoniꞌ tuaf bian he sin nmonin nok reko.

1 Naiꞌ Petrus 5:8

Ampaant om, oo! Mitenab mirek-rekoꞌ! Ampao rek-reko, natuin hit musu, es reꞌ nitu ꞌnakaf he nareuꞌ nain ki. In he nꞌoor naan ki, on reꞌ muiꞌ fui apisut reꞌ natooꞌ, ma naim muꞌit reꞌ anjair in amnahat.

Rasi Mnitas neu naiꞌ Yohanis 11:15

Rarit Uisneno In ameput naꞌko sonaf neno tunan no hiutn ii nfuu in toꞌis. Nok askeken ate, au ꞌneen aꞌroots ii neman naꞌkon sonaf neno tunan am nak, “Oras ia, anaaꞌ aprenat anbi pah-pinan, suma arahaa Uisneno ma Yesus Kristus, es reꞌ Tuaf reꞌ Uisneno npiir ma mbetis nain Je naꞌko afi unuꞌ. Uisneno of annaaꞌ aprenat piut-piut on reꞌ Usif, tar antea nabar-baar.”

Rasi Mnitas neu naiꞌ Yohanis 2:26

Sekau reꞌ naran ma natuin Kau tar antea nmaet, Au of aꞌfee ne kuasa. Kuasa naan maꞌtaniꞌ, on reꞌ Au upein je naꞌko Au Amaꞌ, he uprenat uuf-uuf anbi pah-pinan nok aꞌniim maputuꞌ. Karu anmuiꞌ tuaf anraabn ee, in of antuut nakratiꞌ sin, on reꞌ tapeeꞌ aꞌnai afu. Au of aꞌfee ki kfuu faif nome amsaꞌ.

Rasi Mnitas neu naiꞌ Yohanis 7:10

Rarit sin npures ma nboꞌis buꞌ-buaꞌ am nak, “Hai mpures ma mboꞌis hai Uisneno, reꞌ antuun On anbi ꞌtoko prenat ia. Hai maikas miꞌratan naꞌrat-raat ꞌBib-kaes Anaꞌ ia msaꞌ! Sin reꞌ ia, esan reꞌ ansoi nafetin kit, ma nfee kit saok sanat ma ꞌhonis. Sin reꞌ ia, esan reꞌ anrapin ma nfein raan aꞌhonis neu kit.”