Rasi Mnitas neu naiꞌ Yohanis 11:13 - Uisneno In Kabin ma Prenat: Rais Manba'an Fe'u nok Reta' Ahun-hunut

¹³ Nok askeken ate, auf gui naꞌbekoꞌ maꞌtaniꞌ. Karu hit tsoiꞌ umin anbin kota naan, naꞌko umi boꞌes, uim jes antaikoib. Ma anmuiꞌ tuaf nifu hiut anmaten. Tuaf bian reꞌ ka nmaten fa, namtaun nmaten. Mes sin of anhormaat Uisneno, natuin In es reꞌ annaaꞌ aprenat nbi sonaf neno tunan.

Rasi Mnitas neu naiꞌ Yohanis 11:13 ပူးပေါင်းရင်းမြစ်များ

Retaꞌ Ahun-hunut 6:4

Naꞌko batan naan, tar batan-batan amunit, atoin hae-brako anmonin nbin pah-pinan. Oras naan Uisneno In aan moen ein ansao mansian ein sin aan feot muinf ein, ma nahoin ein atoin maꞌtaniꞌ, es reꞌ aꞌnaak makenat, reꞌ matekaꞌ nbin retaꞌ ahunut.

Naiꞌ Yohanis 9:24

Rarit sin nhaman atoniꞌ reꞌ unuꞌ te nfoor naan. Onaim sin nak, “On nai. Ho ro he muꞌuab namneo goah ambi Uisneno In human, he mpanat In kaan foo menin. Fin hai mihiin batuur, Naiꞌ Yesus naan, atoin maufinu.”

Haef ein sin Retaꞌ 1:15

Neot es, sin nabuan nfanin, of oniꞌ sin tuaf nautn es boꞌ nua. Rarit naiꞌ Petrus anfeen anhaek ma naꞌuab am nak,

Rasi Mnitas neu naiꞌ Yohanis 11:11

Mes neno teun ma stenaꞌ naan namsopu te, of Uisneno anfee snasaf neu sin, he sin nmoni nfanin. Rarit areꞌ kanan mansian reꞌ niit sin on naan ate, naꞌtaꞌin me-meot goah.

Rasi Mnitas neu naiꞌ Yohanis 11:19

Rarit au ꞌiit aꞌbi sonaf neno tunan, Usiꞌ In Uim Onen In eonꞌ ee masoitaꞌ. Onaim au ꞌiit peit-kere reꞌ afi unuꞌ sin natunuꞌ Uisneno In preent ein reꞌ matuꞌi nbi fatu. Rimat sin nariman ma nmatarun neu-mneman, pah ii naꞌbekoꞌ, ma uran eis faut maꞌfenaꞌ nmoufun naꞌkon neon goe tnanan.

Rasi Mnitas neu naiꞌ Yohanis 14:7

In nhunun naher-heer am nak, “Hi ro he mhormaat Uisneno! Hi ro he mait miꞌrat-ratan In kanan reꞌ mapinaꞌ-makrahaꞌ! Natuin In oors aa ntea goen, he Uisneno nparikas areꞌ kanan mansian ein sin aꞌmoeꞌk ein. Pures-boꞌis meu Uisneno! Maikas miꞌrat-ratan In kanan! Natuin In es anmoeꞌ ma npakae neno tunan ma pah-pinan. Ma In es reꞌ naprenat he tasi ma oe mataꞌ njarin ok-okeꞌ.”

Rasi Mnitas neu naiꞌ Yohanis 15:4

Areꞌ kanan mansian naikas ma naꞌratan Uisneno In kanan, areꞌ kanan mansian npures ma nboꞌis Uisneno In arekon. Natuin suma Uisneno kuun es, akninuꞌ. Suma In kuun es reꞌ ka nmuiꞌ fa sanat ma penu. Areꞌ kanan pah of naꞌruriꞌ ma naꞌbesan neu Ne. Areꞌ kanan uuf of neman ntotin makasi neu Ne. Natuin areꞌ kanan mansian nitan nrarin Uisneno In aꞌmoꞌen arekot. Ma areꞌ kanan mansian nahinin nrarin Uisneno In nekan amneot.”

Rasi Mnitas neu naiꞌ Yohanis 19:7

Oras ia, hit neek ein anmarinan. Oras ia, hit bisa tkumain ma thumaꞌmoe. Hit tpures ma tboiꞌs Ee, natuin ꞌBib-kaes Anaꞌ naan In oras he nkabin, antea nrair. Hit ttunaꞌ taꞌrat-ratan In kanan, natuin ꞌBib-kaes Anaꞌ naan In baroit ee nabarab anrair.

Rasi Mnitas neu naiꞌ Yohanis 3:4

Mes anmuiꞌ tuaf bian naꞌko ki abitan Sardis, reꞌ anmonin nok neek amneꞌo, nahuum on reꞌ tuaf ka nꞌoemetab fa in paken. Natuin sin nmonin nok neek amneꞌo, onaim sin of annaon nabuan nok Kau, anpaken paek mutiꞌ.

Rasi Mnitas neu naiꞌ Yohanis 6:12

Rarit ꞌBib-kaes Anaꞌ naan anfei ꞌretuꞌ-ꞌfoꞌe no neen ii. Nok askeken ate, au ꞌiit tainunus maꞌtain besi. Onaim maans ee nameisꞌook on reꞌ tai metan, ma fuun ee snaa meꞌe on reꞌ naaꞌ.

Rasi Mnitas neu naiꞌ Yohanis 8:5

Rarit ameput naan nait ai naꞌko mei naan, ma antao naheun anbi ꞌpika-kbuub noni naan. Ma in nporin aꞌpika-kbubuꞌ naan nꞌain pah-pinan. Nok askeken ate, au ꞌiit rimat, reꞌ nariim aꞌrii-ꞌneꞌu nbi pah-pinan. Rarit anmuꞌi ꞌrotos reꞌ naꞌroot ma naꞌruꞌu kouꞌ-koꞌu. ꞌRotos naan ka nasnaas niit fa. Ma pah ii naꞌbekoꞌ.