Rasi Mnitas neu naiꞌ Yohanis 1:17 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁷ Oras au ꞌiit Atoniꞌ naan, au ꞌtaikoib on reꞌ atua-mafut, anbi In haen. Mes in nreok kau neik In aꞌniman aꞌneꞌu, rarit In naꞌuab am nak, “Anah! Kais mumtau! Natuin areꞌ saaꞌ-saaꞌ ii sin naꞌuun ma naꞌbaꞌan naꞌko Kau, nmurai naꞌko ahunut tar antea amunit.

Rasi Mnitas neu naiꞌ Yohanis 1:17 ပူးပေါင်းရင်းမြစ်များ

Retaꞌ Ahun-hunut 15:1

Rarit UISNENO nakriir On neu naiꞌ Abram, ma naꞌuab am nak, “Abram! Ho kais mumtau. Au es aꞌpanat ko uꞌko ho musun. Ma Au ꞌfee ko mnisat koꞌu.”

Naiꞌ Mateos 14:27

Mes Naiꞌ Yesus naꞌuab neu sin im nak, “Hae! Hi kais mimtau. Au es reꞌ ia. Au naiꞌ Yesus Kau! Amhaꞌtain jom!”

Naiꞌ Mateos 28:4

Apaot ein naan namtau nmaten, tar antea sin naꞌtaꞌin met-meot goah, ma sin ka bisa nakbeor ein fa on reꞌ amates.

Naiꞌ Mateos 28:5

Onaim ameput sonaf neno tunan naan, naꞌuab neu bifeen naan am nak, “Hi kais mimtau! Au uhiin ꞌak hi iim maim Naiꞌ Yesus, Tuaf reꞌ sin nkuus naꞌmaet Je nbi hau nehe.

Naiꞌ Yohanis 13:23

Anbi naan amsaꞌ anmuiꞌ tuaf es naꞌko sin, reꞌ Naiꞌ Yesus anneek (es reꞌ au, naiꞌ Yohanis, atuis surat reꞌ ia). Au ꞌtoko ꞌbi Naiꞌ Yesus in abnapan bian.

Naiꞌ Yohanis 21:20

Oras naan, naiꞌ Petrus nabaniꞌ he nkius neu koit. In nkius kau utuin sin nua sin naꞌko sin koitk ein. Au reꞌ ia, atoup noniꞌ reꞌ Naiꞌ Yesus anneek. Au es reꞌ aꞌtook aꞌbi Naiꞌ Yesus In aon-bian amsaꞌ, oras hai mtook ma mbukae fesat Paska. Au reꞌ ia, es reꞌ utaan Ee mꞌak, “Usiꞌ! Sekau of es reꞌ naꞌsosaꞌ Ko, tua?”

Rasi Mnitas neu naiꞌ Yohanis 1:11

Hanaf naan anreek kau mnak, “Yohanis! Au he ukriraꞌ ko rais jes. Saaꞌ-saaꞌ reꞌ ho miit sin, ho ro he mtui sin. Rarit ho msonuꞌ sin meu jemaꞌat hiut, esan reꞌ jemaaꞌt ein abitan kota Efesus, kota Smirna, kota Pergamus, kota Tiatira, kota Sardis, kota Filadelfia, ma kota Laodikia.”

Rasi Mnitas neu naiꞌ Yohanis 1:4

Tabe ma haan buseet naꞌko kau ꞌeu Uisneno In jemaꞌat hiut etan propinsi Asia. Au ꞌtoit he Uisneno nakriraꞌ In nekan arekot neu ki, he hi bisa mmoni mbi mamut, rameꞌ es nok es, ma taininaꞌ. Fin naꞌko unuꞌ te, Uisneno nain, tar ntea oras ia, ma tar antea nabar-baar. Au ꞌtoti msaꞌ he In Asmaan Akninuꞌ nakriraꞌ In nekan arekot neu ki, he hi bisa mmoni mbi mamut ma ao-minaꞌ. Au ꞌkius Asmaan Akninuꞌ naan, nahuum on reꞌ smanaf hiut reꞌ anbaisenun neu Uisneno In aꞌtoko prenat.

Rasi Mnitas neu naiꞌ Yohanis 1:8

Uisneno nak, “Au reꞌ ia, Alfa ntea Omega. Au reꞌ ia, A ntea Z. Areꞌ saaꞌ-saaꞌ ii, sin naꞌuun ma naꞌbaꞌan naꞌko Kau, anmurai naꞌko ahunut tar antea amunit. Au es reꞌ ꞌbi ꞌain ia naꞌko unuꞌ. Au es reꞌ oras ia. Au es reꞌ ꞌbi oras amnemat tar antea nabar-baar. Fin Au kuuk es reꞌ akuaas reꞌuf!”

Rasi Mnitas neu naiꞌ Yohanis 2:8

Rarit Mansian Batuur-Batuur naan antuut antein In uaban naan am nak, “Yohanis, oras ia ho ro he mtui surat es anteniꞌ. In haan ee, on nai: ‘Neu jemaꞌat abitan kota Smirna: Surat reꞌ ia, naꞌko Au, Naiꞌ Yesus Kau. Areꞌ saaꞌ-saaꞌ ii sin naꞌuun ma naꞌbaꞌan nbin Kau, anmurai naꞌko ahunut tar antea amunit. Unuꞌ te, Au ꞌmaet, mes oras ia, Au ꞌmoni ꞌfain. Onaim amneen Au uabak reꞌ ia.

Rasi Mnitas neu naiꞌ Yohanis 22:13

Au reꞌ ia, Alfa ntea Omega. Au reꞌ ia, A ntea Z. Areꞌ kanan saaꞌ-saaꞌ ii naꞌuun ma naꞌbaꞌan nbin Kau, anmurai naꞌko ahunut tar amunit.