Kolose 3:19 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁹ Atoin mafeꞌe! Hi es-es ate ro he mneek hi fee ngguin, ma kais amnimap sai aiꞌ amneek meenb ee.

Kolose 3:19 ပူးပေါင်းရင်းမြစ်များ

Retaꞌ Ahun-hunut 24:67

Onaim naiꞌ Isak neik bi Ripka ntaam neu in ainf ee tenas. Sin nua sin nmatsaon. Naiꞌ Isak nneek niis bi Ripka. Es naan ate, in ka nsuus antein fa heen neu in ainf ee nmaet.

Naiꞌ Lukas 14:26

“Atoniꞌ reꞌ batuur-batuur he natuin Kau, in ro he nneek Kau anneis naꞌko areꞌ kanan saaꞌ-saaꞌ ii barisi: anneis naꞌko in ainaf-amaf, anneis naꞌko in fee-anah, anneis naꞌko in orif-tataf, ma anneis naꞌko in tuan aan kuun. Karu kaah fa te, atoniꞌ naan ka pantas fa he njair Au atoup noniꞌ.

Roma 3:14

Sin feefk ein suma nahini haa he naseuk ein, ma naꞌuab naꞌreꞌuf he nneek menab atoniꞌ. fin naan anpoin naꞌkon sin neek reuꞌf ein.

Efesus 4:31

Onaim kais mitoꞌon es! Kais amraunisin es! Kais ammaktoꞌon! Kais ammabaan! Kais miꞌuab miꞌreꞌuf es in kanan! Ma kais ammoeꞌ ꞌmoeꞌ maufinu bian antein!

Efesus 5:25

On naan amsaꞌ, atoin mafeꞌe! Hi ro he mneek hi fee ngguin, on reꞌ Kristus anneek Iin na, tar antea In nnonaꞌ ma nfee In tuan, he nmate nsenuꞌ ma nsekaꞌ sin.

Efesus 5:33

Onaim atoin mafeꞌe ro he nneek in fee on reꞌ in neek in aon aa kuun. Ma bifee mamoneꞌ, ro he nhormaat in mone.

Kolose 3:21

Mahoint ein! Kais miꞌtutuꞌ riꞌaan ein, he sin kais neek ein naꞌoin ein ma nneek menan neu ki.

Naiꞌ Yakobus 3:14

Karu ho mneek meens meu tuaf es, aiꞌ mumouf tuaf es he ho msekaꞌ, kais maiks om mak ho atoin ahiin rais reko ko! Naan, ho mupoi. Fin ꞌmonit on reꞌ naan ka natai fa nok ‘atoin ahiin rais reko’. Neek menas, aiꞌ mumouf tuaf, ka naꞌuu fa naꞌko Uisneno. Naan, atoniꞌ pah-pinan ia in amneik ein. Naan natai nok tuaf-tuaf reꞌ ka nnonaꞌ fa sin tuak ein neu Uisneno. Taos ein naan, natuin niut reuꞌf ein sin ranan.

1 Naiꞌ Petrus 3:7

Atoin mafeꞌe sin! Ammoin nekaf meseꞌ mok hi fee ngguin. Amtai mirek-rekoꞌ saaꞌ reꞌ reko neu sin, rarit ammoeꞌ mituin. Miruruꞌ ma mikriraꞌ rais hormaat meu sin mbi areꞌ kanan rasi, natuin bifee ji in aꞌbeꞌin ka humaꞌ meseꞌ fa on reꞌ atoin ii in aꞌbeꞌin. Fin hi arki buꞌ-buaꞌ amtoup pusaak reꞌ Uisneno he nfee je neu ki. Pusaak naan, es reꞌ hi buꞌ-buaꞌ amtoupu ꞌmoin feꞌu reꞌ Uisneno nfee je naꞌko In nekan arekot. Mes hi atoin mafeꞌe, hi ro he mmoin nekaf meseꞌ mok hi fee ngguin on naan, he karu hi nua ki mait nekaf ma mꞌonen amtoit rais jes miꞌko Uisneno, In nroim he nneen ma natniin hi onen naan.