Kolose 3:18 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁸ Bifee mamoneꞌ! Hi es-es ate ro he mtornaat ma mutniin ho mone, natuin rasi naan pantas neu tuaf reꞌ natuin anrair Yesus Kristus.

Kolose 3:18 ပူးပေါင်းရင်းမြစ်များ

Retaꞌ Ahun-hunut 3:16

Rarit Uisneno naꞌuab neu bifee naan am nak, “Au of uꞌbabaꞌ ho susat oras ho muꞌapuꞌ, ma mumeen anneisi nteniꞌ oras ho muhoniꞌ. Mes maski on naan, ho mroim he mubua piut mok ho mone. Ma in es naprenat ko.”

Haef ein sin Retaꞌ 5:29

Rarit naiꞌ Petrus anhaek ma njair mafefaꞌ neu haef ein ok-okeꞌ. In nataah am nak, “Sin amaꞌ arki! Karu anmuiꞌ mansian nanaobaꞌ prenat reꞌ nasuir ma ka natai fa nok Uisneno In romin, hai ka bisa mituinaꞌ fa, tua. Mes hai ro he mituin ahaa Uisneno In aprenat!

1 Korintus 11:3

Mes anmuiꞌ rais jes reꞌ au he umnaub ki, on nai: kais amnikan hi miꞌuu miꞌko mee. Ansuun tuaf reꞌ npirsai Kristus, naꞌuu ma naꞌbaaꞌ naꞌko Kristus, ma Kristus anjair in aꞌnakaf. Atoin ii anjair ahunut ma araip ranan neu in fee. Ma Kristus neem naꞌko Uisneno.

1 Korintus 14:34

Bifee ngguin ro he ntokon ntainiin ein. Kais nafefan. Sin ro he nneen ma natniin neu aꞌnaakt ein. Fin Uisneno In Atoran naꞌuab on naan amsaꞌ, aiꞌ?

Efesus 5:22

Bifee mamoneꞌ! Hi es-es ate ro he mtornaat ma mutniin ho mone, on reꞌ hi mtornaat ma mitniin hi Usiꞌ Yesus Kristus.

Efesus 5:3

Hi arki reꞌ ia msaꞌ Uisneno Iin na, reꞌ kniunꞌ ein. Onaim hi ꞌmoinm ein kais anꞌoemeet! Mitenab rais ꞌoemetan amsaꞌ, kaisaꞌ! Kais ammakoin mok tuaf reꞌ ka ho moen ja fa, aiꞌ ka ho fee ja fa! Kais amparuꞌ ma mikoom aꞌsek-sekeꞌ!

Efesus 5:9

Tuaf-tuaf reꞌ anmoin on naan piut anbi meuꞌ-sineꞌ, in nmoeꞌ ꞌmoꞌet ma rais reko, in nmoin namneo, ma in naꞌuab maat-maat ma namneo goah.

1 Naiꞌ Timotius 2:12

Anbi au te, ka reko fa karu bifee ji nait in tuan ma naprenat atoniꞌ, ma nanoniꞌ sin. Reko nneis bifee ngguin sin neek ein natean ma kais mafeef ein bainesiꞌ.