Kolose 2:9 - Uisneno In Kabin ma Prenat: Rais Manba'an Fe'u nok Reta' Ahun-hunut

⁹ Areꞌ kanan saaꞌ-saaꞌ reꞌ anbi Uisneno In tuan, anmuꞌi et Kristus In tuan amsaꞌ. Ma Kristus anjair mansian on reꞌ hit amsaꞌ.

Kolose 2:9 ပူးပေါင်းရင်းမြစ်များ

Naiꞌ Mateos 1:23

“Hi mneen, oo! Of anmuiꞌ bi non ao-ꞌtemef es, reꞌ ka ntuup-tuup niit fa feꞌ nok atoniꞌ, mes nok askeken ate, in naꞌapuꞌ. Rarit in nahonis Riꞌaan moen jes. Sin nakaanb ee, Imanuel.” (Anbi uab Ibrani, ‘Imanuel’ in oetn ii: Uisneno nok kit.)

Naiꞌ Lukas 14:22

Anneen on naan ate, ate naan annao ma naskau tuaf-tuaf ein naan. Rarit in ntebi nfain ma natoon am nak, ‘Usiꞌ! Sin neman nrarin, mes bare bian ruum ein feꞌ, tua.’

Naiꞌ Lukas 3:22

Rarit Uisneno In Asmaan Akniunꞌ ee nsaun neem neu Ne. Asmaan Akninuꞌ naan In maasn ee nahuum on reꞌ kor-kefi. Onaim anmuiꞌ hanaf naꞌko neon goe mnak, “Ho reꞌ ia, Au Aan nekaꞌ. Ho mmoeꞌ Au nekak ia, nmariin piut.”

Naiꞌ Yohanis 1:14

Rarit ‘Uisneno In Kabin ma Prenat’ naan, nmoni njair mansian. In nmoin et hit sonak ma hit atnaank ii. Hit tkius ma tiit In pinan ma krahan. In npiin ma nakraah on reꞌ naan, natuin In reꞌ naan, Uisneno In Anah fuaꞌ meseꞌ. In nroim he naruruꞌ ma nakriraꞌ In nekan arekot neu kit, natuin In amneikn ee, on reꞌ naan. Ma areꞌ saaꞌ ii ok-okeꞌ reꞌ In natoon sin anmatoom nok Uisneno, ro batuur.

Naiꞌ Yohanis 1:16

Naiꞌ Yohanis naꞌuab on reꞌ naan, natuin Tuaf naan anroim he naruruꞌ ma nakriraꞌ In nekan arekot. Ma fani-fani In nmoeꞌ on reꞌ naan neu kit arkit.

Naiꞌ Yohanis 10:30

Fin Au ꞌok Au Amaꞌ, meseꞌ.”

Naiꞌ Yohanis 10:38

Mes Au unaob In meup goe piut. Onaim maski hi ka mroim fa he mpirsai Kau, mes aꞌkreꞌo msaꞌ hi ro mtoup rais sanmakat reꞌ Au ꞌmoꞌe. Nok ranan naan, hi bisa mihiin im mak, Au Amaꞌ nmafuut nok Kau. Ma Au ꞌmafuut ꞌok Ne msaꞌ.”

Naiꞌ Yohanis 14:20

Ma oras Au ꞌmoni ꞌfain, hi mihiin batuur mak, Au ꞌmafuut ꞌok Au Amaꞌ; hi mmafuut mok Kau; ma Au ꞌmafuut ꞌok ki msaꞌ.

Naiꞌ Yohanis 17:21

Au ꞌtoit he sin arsin bisa nmafutun njarin meseꞌ, on reꞌ Hit tmafutu tjair meseꞌ. Au ꞌroim he sin nmafutun njarin meseꞌ nok Kit, maut he biak ein naꞌkon pah-pinan ia bisa npirsain nak, Ho kuum es reꞌ amhaefan Kau.

Naiꞌ Yohanis 2:21

Mes sin ka nahinin fa nak, Naiꞌ Yesus naꞌuab anmatoom nok In tuan, reꞌ humaꞌ meseꞌ on reꞌ bare kniun es.

Haef ein sin Retaꞌ 17:29

Naan ro batuur. Hit arkit reꞌ ia, Uisneno In suufn aa kit. Onaim kais mitenab mak Uisneno nahuum on reꞌ baer fuat mahumaꞌ, reꞌ mansian bisa nmoeꞌ je neiki mnatuꞌ, aiꞌ noin mutiꞌ, aiꞌ fatu, natuin sin teenb ein kuuk.

2 Korintus 5:19

Mimnau, fin oras Kristus anbi pah-pinan ia feꞌ, Uisneno npaek Je he neik tuaf he nmarameꞌ nfain nok Uisneno. Onaim In ka nsoiꞌ fa sin saant ein antein, rarit sin ka nasaah fa sin saant ein naan sin hukun antein. Rarit In nfee mepu neu kit, he tnao tatoon teu tuaf am tak, sin bisa nareko nfanin nok Uisneno.

Kolose 1:19

Areꞌ kanan saaꞌ-saaꞌ reꞌ anbi Uisneno In tuan, anmuꞌi msaꞌ et Kristus In tuan, ma naan amsaꞌ anharineb Uisneno.

1 Naiꞌ Timotius 3:16

Uisneno nfei nrair rais maꞌnifaꞌ koꞌu naꞌko hit rais pirsait. In aꞌsuikn ii, on nai: Kristus neem anrair jen anbi pah-pinan ia, anpaek humaf ma masaf mansian on reꞌ hit. Uisneno In Asmaan ee msaꞌ nakriraꞌ bukti mnak, Naiꞌ Yesus naan, Tuaf neek amneꞌo ma amnonot. Ma Uisneno In ameupt ein sonaf neno tunan niit Ee msaꞌ. Uisneno nait nasaeb Ee ntaam neu sonaf neno tunan, rarit nanaib ma ntunaꞌ naꞌraatn Ee. In reetn ee nasiin on ma nabeon on anfuun am nateef uuf ma pah anbi pah-pinan ia msaꞌ. Anbin mee-mee anbi pah-pinan ia, tuaf anpirsain anrair Je goen. Hit tpirsai on reꞌ naan, tua!

Naiꞌ Titus 2:13

Oras ia, hit tpa-pao, he oras Yesus Kristus ankoen On anfain neem, In neem anbi pinaꞌ ma krahaꞌ! Naan anjair tetus neu kit ok-okeꞌ. In reꞌ naan, hit Usiꞌ reꞌ maꞌtaniꞌ nneis, reꞌ nsoi nafetin naan kit.

1 Naiꞌ Yohanis 5:20

Hit tahini mtak, Uisneno In Aanh ee neem anrair he nfee kit mahinif he tahiin rasin ia, he hit bisa tahiin Uisneno reꞌ batuur. Oras ia hit bisa tmoin tmarameꞌ tok Ne, natuin hit tmoin nekaf mese tok In Anah, Yesus Kristus. Fin In reꞌ naan, es reꞌ Uisneno batuur. Ma In es anfee neu mansian ii ꞌmonit abar-barat amsaꞌ.

1 Naiꞌ Yohanis 5:7

Anmuiꞌ rasi nonoꞌ teun reꞌ njarin saksii: