Es naan ate Uisneno ntui on nai msaꞌ am nak, “Hi ro he mpoi miꞌko sin atnaank ein, ma mbaits om miꞌko sin, he hi kais amjair on reꞌ sin. Hi neekm ein ro he nakniunꞌ ein. Rarit hi ro he miꞌroo miꞌko areꞌ saaꞌ-saaꞌ reꞌ nmoeꞌ hi neekm ein anꞌoemetan, nok ranan naan, Au ꞌtoup ki nok rek-reko.
Hi mmate mrair mok Kristus. Rarit kuasa meisꞌookn ii ka nfuut ki fa goen anbi pah-pinan ia. Onaim nansaaꞌ am es hi mitun-tuin pah-pinan ia in atoran humaꞌ-humaꞌ feꞌ? Sin nak on nai:
Sin nanoniꞌ bifee-atoniꞌ he kais anmatsaon. Sin nanunin amnahat humaꞌ-humaꞌ. Te kaah, Uisneno es reꞌ anmoeꞌ mnaaht ein naan. In nmoeꞌ mnaaht ein naan, he karu apirsait ein nbukaen, sin ntotin makasi neu Ne. Fin sin nahinin neu rais saaꞌ es reꞌ batuur.