Kolose 1:26 - Uisneno In Kabin ma Prenat: Rais Manba'an Fe'u nok Reta' Ahun-hunut

^26-27 Anbi oras ahunut ate, mansian ii nneen Uisneno In Kabin ma Prenat. Mes sin ka nahiin batuur-batuur fa feꞌ Kabin ma Prenat naan In sarit. Uisneno In Kabin ma Prenat In sairt ii maꞌnifaꞌ, onaim sin ka nahiin Je fa maat-maat. Mes oras ia, Uisneno nafeek anrair he nfei maꞌnifaꞌ naan neu Iin na. Ma In sarit naan, anjair beno reꞌ anpiin ma nakraah neu areꞌ kanan uuf ma pah anbi pah-pinan ia. Beno naan, es reꞌ: Kristus anmoin et hi neekm ein! Naan es reꞌ anmoeꞌ ki he hi mpirsai piut am mak, In of anmoeꞌ areꞌ kanan rasi reꞌ reko nneis-neisi neu ki arki anbi sonaf neno tunan. Rasi reꞌ ia, reꞌ mansian kit arkit atpa-pao naꞌko un-unuꞌ.

Kolose 1:26 ပူးပေါင်းရင်းမြစ်များ

Naiꞌ Mateos 13:11

Onaim Naiꞌ Yesus nataah am nak, “Natuin hi mroim he mihiin batuur-batuur Uisneno In aprenat, es naan ate Au utoon ki retaꞌ naan in aꞌmoufun. Mes karu bian ate, Au unoniꞌ sin aꞌpaek retaꞌ.

Naiꞌ Mateos 20:7

Tuaf ein naan nataah am nak, ‘Aam! Ka nmuiꞌ fa tuaf reꞌ anfee kai mepu, tua.’ Rarit pooꞌ tuaf naan nak, ‘Karu on naan ate, hi mnao he mmeup meu au poꞌon!’

Naiꞌ Markus 4:11

Naiꞌ Yesus nataah sin am nak, “Natuin hi mroim he mihiin Uisneno In Aprenat batuur-batuur, es naan ate, Au utoon ki retaꞌ naan in aꞌmoufun. Mes neu tuaf bian, Au unoniꞌ sin ꞌeik retaꞌ.

Naiꞌ Lukas 8:10

In nataah am nak, “On nai! Natuin hi mituin batuur-batuur meu Uisneno In romin, es naan ate, Au he utoon ki maat-maat, he hi mihiin nok ranan mee Uisneno he naprenat Iin na. Mes biak ein ka nfairoir fa Uisneno In romin. Etun Au unoniꞌ sin ꞌeik uab manporin. Fin Uisneno In mafefa kninuꞌ antui nain anmatoom nok atoin ein ia mnak, ‘Sin nitan nrarin, mes ka nromin fa he nahinin. Sin nnenan nrarin, mes ka nromin fa he nakeon.’ ”

1 Korintus 2:7

Mes hai suma minoniꞌ meu tuaf, rais mahinif reꞌ nsaun neem naꞌkon Uisneno. Fin un-unuꞌ te, oras pah-pinan ka njair fa feꞌ, Uisneno naꞌnifaꞌ rasin naan. Mes oras ia, In nafeek he nfei rais maꞌniif ein naan neu kit, he hit tapein sapaaf anbi In pinan ma krahan.

Kolose 2:2

Au sairt ii, he ꞌhaꞌtain sin neek ein ok-okeꞌ, he sin nmafuut ein anjarin meseꞌ natuin sin arsin anmanek-nekan. Rarit sin neek ein nateen, natuin sin nahiin batuur-batuur Uisneno In sarit reꞌ unuꞌ feꞌe te, maꞌnifaꞌ. Rais maꞌnifaꞌ naan, es reꞌ Kristus.

Kolose 4:3

Kais amnikan he mꞌonen amteek kai, ma mtoit Uisneno he nfei ranan he hai bisa mitoon meu tuaf-tuaf, rasi reꞌ unuꞌ te maꞌnifaꞌ anmatoom nok Kristus. Mimnau, au ꞌtaam bui reꞌ ia, natuin au utoon ꞌeu tuaf sin anmatoom nok Kristus.