Kolose 1:16 - Uisneno In Kabin ma Prenat: Rais Manba'an Fe'u nok Reta' Ahun-hunut

¹⁶ Fin Uisneno anpaek Je, he nmoeꞌ naan neon goe ma pah-pinan ia in afan ma in nesan sin ok-okeꞌ. In nmoeꞌ areꞌ kanan saaꞌ-saaꞌ reꞌ mansian ii bisa niit sin, ma saaꞌ-saaꞌ reꞌ mansian ii ka bisa niit sin fa. Tait iꞌtopeꞌ on reꞌ: anaaꞌ aprenat sin, anaaꞌ kuasa sin, uisf ein, ma aꞌnaakt ein. Areꞌ saaꞌ-saaꞌ reꞌ Uisneno he nmoeꞌ sin naan, In nmoeꞌ sin neu Yesus Kristus, ma Yesus amsaꞌ es reꞌ anmeup sin ok-okeꞌ.

Kolose 1:16 ပူးပေါင်းရင်းမြစ်များ

Naiꞌ Yohanis 1:10

Maski In nmoꞌe nrair areꞌ saaꞌ ii reꞌ nbi pah-pinan ia, mes mansian reꞌ abit pah-pinan ia ka nahiin naan Ee fa, oras In neem natua nbi ia.

Naiꞌ Yohanis 1:3

Uisneno nmoeꞌ areꞌ saaꞌ ii njair, npaek In Kabin ma Prenat naan. Ka nmuiꞌ fa baer es, reꞌ njari msaꞌ, karu Tuaf naan ka es reꞌ anmoeꞌ je fa.

Roma 11:36

Fin areꞌ saaꞌ-saaꞌ ii naꞌuu ma naꞌbaaꞌ nbi Uisneno! Areꞌ saaꞌ-saaꞌ ii njarin, natuin In! Areꞌ saaꞌ-saaꞌ reꞌ hit tmoeꞌ sin, hit tmeup sin teu Ne. Hit tanaib Ee, ma tait siit, pures ma boꞌis teu Ne, tar antea nabar-baar! Batuur on naan, tua!

Roma 8:38

Au uhiin batuur-batuur ꞌak on nai: ka tiit fa rais jes amsaꞌ reꞌ bisa nmoeꞌ Uisneno he nasnasab In manekan neu kit. Maski hit tmoin, aiꞌ tmaet, aiꞌ nmuiꞌ ameput naꞌko sonaf neno tunan, aiꞌ anaaꞌ aprenat, aiꞌ nmuiꞌ kuasat, aiꞌ rasi oras ia, aiꞌ rasi reꞌ amnemat,

Roma 9:5

Sin naꞌuun naꞌkon hit beꞌi-naꞌi sin, esan reꞌ: kaꞌo Abraham, kaꞌo Isakꞌ ma kaꞌo Yakop (atoniꞌ nait kanaf ‘Israꞌel’ naꞌko Yakop). Ma Kristus reꞌ Uisneno nbaꞌan nain Je naꞌko unuꞌ reꞌ he nreek haefn Ee ntaam neem naan, naꞌuu naꞌko hit pah Yahudis sin beꞌi-naꞌi sin. Kristus naan amsaꞌ, es reꞌ Uisneno reꞌ naprenat nain areꞌ saaꞌ-saaꞌ ii ok-okeꞌ. Onaim pantas karu atoniꞌ naikas ma nboiꞌs Ee tar antea nabar-baar. Batuur on naan, tua!

1 Korintus 8:6

Mes neu hit arkit, Uisneno suma meesꞌ aah. In reꞌ naan, hit Amaꞌ. Areꞌ saaꞌ-saaꞌ ii naꞌuun ma naꞌbaꞌan naꞌko Ne. Hit tmoeꞌ areꞌ saaꞌ-saaꞌ ii teu Ne. Ma hit Usiꞌ, suma meesꞌ aah. Es reꞌ, Yesus Kristus. Uisneno npaek Naiꞌ Yesus, oras In nmoeꞌ areꞌ saaꞌ-saaꞌ ii. Ma hit tmoin, natuin Naiꞌ Yesus es reꞌ anfee kit aꞌmonif.

Efesus 1:10

Ma of antea in oras, Yesus Kristus anjair Aꞌnakat amsaꞌ he nꞌator saaꞌ-saaꞌ reꞌ anbi pah-pinan ma sonaf neno tunan.

Efesus 6:12

Fin hit reꞌ ia, et baer makenat. Hit ka tmakeen fa he traban mansian, mes hit tmakeen atraban kuasat maufinu reꞌ hit ka tiit ee fa, atraban anaaꞌ aprenat sin, atraban kuasat meisꞌokan, ma traban rais maufinu sin.

Filipi 2:10

Uisneno nait ma nanaib naꞌrat-ratan In kanan on naan, he areꞌ mansian ii anhormaat Ee. Esan reꞌ: mansian anbi neon goe tnanan, mansian anbi pah-pinan, amonit ma amates. Areꞌ kanan mansian of anriꞌtuun he naꞌbesan neu Ne.

Kolose 1:15

Kristus naan, humaꞌ meseꞌ nok Uisneno, reꞌ mansian ii ka bisa niit Ee fa. In nbi nain naan nahuun naꞌko areꞌ kanan saaꞌ, ma In njari ꞌNakaf ma Usif neu areꞌ kanan saaꞌ reꞌ Uisneno anmoeꞌ sin.

Kolose 1:20

Uisneno npaek Yesus Kristus, he narameꞌ areꞌ kanan saaꞌ-saaꞌ reꞌ In nmoꞌe nrair sin naan nok Ne. In nnonaꞌ ma nfee In Anah, he njair fuaꞌ-turuꞌ reꞌ natꞌopab In naaꞌ, ma nmate nbi hau nehe, he areꞌ kanan saaꞌ-saaꞌ anbi neon goe tnanan, ma areꞌ kanan saaꞌ-saaꞌ anbi pah-pinan, bisa nmarameꞌ nfain nok Uisneno.

Kolose 2:10

Natuin hi mmafuut mok Kristus, ma mjair Iin na, etun In naheun ma namtisib ki nbi rais manekat ma amneot ein. Natuin In naꞌratan nneis naꞌko areꞌ kanan kuasa, ma areꞌ kanan anaaꞌ aprenat, et sin reꞌ arekot aiꞌ amreꞌut maufinu.

Kolose 2:15

Anbi naan, In niis nain areꞌ kanan kuasa meisꞌokan, ma areꞌ saaꞌ-saaꞌ reꞌ naprenat anbi rais maufinu. Rarit In namae sin anbi too mfaun ein, sin humak ma sin matak. Naan on reꞌ soraurs ein reꞌ annao nmakenan ma nisan, ma oras anfain neman, anbairs ein nok marine, hunu ma sakanat koꞌu, ma nakriraꞌ sin musun reꞌ niis nain sin naan.

Atoin Ibranis 1:2

Mes oras ia, In nreek haefan anrair In Anah he naꞌuab nok kit. Naꞌko un-unuꞌ, Uisneno npiir ma nbetis In Anah reꞌ ia, he naprenat nabu-bua nok Ne. Oras In nmoeꞌ neno tunan ma pah-pinan, ma in afan-nesan sin ok-okeꞌ, In Anah naan anmoeꞌ sin nabu-bua nok Ne msaꞌ.

Atoin Ibranis 2:10

Onaim pantas karu Uisneno nasahab Naiꞌ Yesus haꞌmuꞌit naan, he Naiꞌ Yesus bisa nfei ma nasoit raan aꞌhonis neu mansian. Fin Uisneno naim ranan he mansian amfaun bisa nmonin nabu-buan nok Ne anbin sonaf neno tunan. Fin Uisneno es reꞌ anmoeꞌ nain sin ok-okeꞌ. Ma areꞌ kanan amonit, ro nmoin natuin Ee.

1 Naiꞌ Petrus 3:22

Oras ia, Naiꞌ Yesus ansae nfain et sonaf neno tunan. Anbi nee In ntook et bare mahormaat reꞌuf anbi Uisneno In aon-bian aꞌneꞌu. Rarit ameupt ein abitan sonaf neno tunan, areꞌ kuasa sin ok-okeꞌ, ma areꞌ anaaꞌ kuasa bian sin, ro he nneen ma natniin Kristus.