Revelation 1:4 - Tur gewasin o baibasit boubun

⁴ Kwa ekaleisia a kou’ay etei seven Asia wanawanan kwama’am, ayu John kwa a fef akikirum, ayoyoban God wanatowanin, marasika ma’am, boun ema’ama, naatu boro nama’am, manaw kabeber tufuw nit. Na’atube wagabur gewasih etei seven ana urama’ama nanamaim tebatabat auman hinigegewasini.

Revelation 1:4 ပူးပေါင်းရင်းမြစ်များ

John 1:1

Tafaram matara’e ana veya Tur i wan ma, naatu Tur i God hairi hima, naatu Tur i God taiyuwin.

Acts 19:10

Iti na’atube ma sinaf kwamur rou’ab sawar, naatu sabuw etei nati Asia wanawanan Jew naatu Ufun Sabuw etei Regah ana tur hinowar.

Acts 2:9

It i tafaram ta ta’ika tana, Partia, Media, Ilam naatu afa i Mesopotamia’ane hina, Judea, Kapadosia, Pontus naatu Asia,

Romans 1:7

Naatu Rome wanawanan kwa iyab God iyabuwi naatu rubini i ana sabuwamih kwamatar kwama’am etei, isa ayoyoyoban manaw kabeber, tufuw Tamat Godane naatu ata Regah Jesu Keriso’one mar etei kwa isa nama.

1 Corinthians 1:3

Manaw kabeber, tufuw, Tamat Godane naatu ata Regah Jesu Keriso’one kwa etei isa nama.

2 Corinthians 1:2

Ayoyoban God it Tamat naatu Regah Jesu Keriso’one manaw kabeber naatu tufuw kwa etei isa nama.

Hebrews 13:8

Kwanaso’ob Jesu Keriso ana itinin i men ebobotabir, baise marasika ana itinin mi’itube ma’am, boun i na’atube ema’am naatu maras i boro na’atube nama wanatowan, wanatowan.

James 1:17

Usar gewasih naatu siwar mokobfouh etei i marane tenan. Tamat God marakaw ana baimatarenayan biyanane. I men kafa’imo boro nabotabir auwaraunane nigugum ina’itinimih, en anababatun.

Revelation 1:1

Iti sawar abisa boro’omo hinamamatar isan God Jesu Keriso i’obaiy, saise Jesu ta’orereb ana’akir wairafin John taso’ob. Imih Keriso tounamatar iyafar tur bai na John biyan tit ana tur eowen.

Revelation 1:11

“Abisa kui’itah i buk firorowamaim inakirum naatu iniyafar nan ekaleisia hai kou’ay Asia wanawanan etei seven isah, wabih iti: Ephesus, Simena, Pergamum, Taiyatira, Sardis, Piladelfia naatu Laodicea.”

Revelation 1:17

Ayu ana yumat ai’itin ana veya anamaim ai mamayay are ain. Baise uman asukwafune eofere butubunu eo, “Men inabir, ayu i Busurufinayan naatu Baisawarinayan.

Revelation 1:20

Daman seven umau asukwafune i’itah naatu ramef hai batabat etei seven gold amaim hitar hibatabat i’itah hai kirikirifot i iti. Daman seven i ekaleisia ana kou’ay etei seven hai tounamatar, naatu ramef hai batabat seven i ekaleisia ana kou’ay etei seven.”

Revelation 1:8

“Ayu i An naatu Yomanin,” Regah God Fairin eo, “Ayu i marasika, boun, naatu mar boro nanan ana God.”

Revelation 1:9

Kwa iyab ana aiwobomaim kwarur, ayu tuwat John bairit taituwbonen yatenubamaim biyat ebababan naatu bairi tafafaram. Ayu Patmos nuwamaim hiyara’iyu ama’am. Anayabin God ana tur naatu turobe ana kirikirifot Jesu kwib ao’orereb isan.

Revelation 16:5

Naatu tounamatar harew ana ukwarin eo anowar, “O a baibatiyen i anababatun gewasin, O i boun kuma’ama naatu marasika ima, O i turobe Kakafiyi anababatun. Sabuw baimakiy kubitih i turobe’emaim kusisinaf.

Revelation 2:12

“Iti tur inakirum Pergamum ekaleisia ana tounamatar isan. Iti tur i orot ana kaiy wan rororon so’arin ana tur.

Revelation 2:18

“Iti tur inakirum Taiyatira ekaleisia ana tounamatar isan. Iti Tur i God Natun biyanane enan, matan i wairafabe ebitakir, naatu an i kabay wabin brass biyan hisafam ekukusisiaribe.

Revelation 2:8

“Iti tur inakirum Simena ekaleisia ana tounamatar isan. Tur iti i orot busurufinayan naatu baisawarinayan, iti orot i morob naatu misir maiye yawasin ema’am i ana tur.

Revelation 22:16

“Ayu Jesu iti sawar kwa ekaleisia isa orereb isan au tounamatar ai yafar na. Ayu i David uwan naatu ana rara, naatu mar auman ana Maragias ana marakaw.”

Revelation 22:8

Ayu John taiyuwu iti sawar fanah anowar naatu aitah naatu iti sawar fanah anowar ai’itah ana maramaim anamaim ara’iy tounamatar iti sawar bi’obaiyu akwafir.

Revelation 3:1

“Iti tur i Sardis ekaleisia ana tounamatar isan inakirum. Iti tur i orot God ana wagabur etei seven biyanamaim tema’am naatu ana daman etei seven biyanamaim tema’am i awanane enan. Ayu aso’ob o abisa kusisinaf, o a’itinin i yawas kuma’am baise o i imoroboka!

Revelation 3:14

“Tur iti inakirum Laodicea ekaleisia ana tounamatar isan. Iti tur i orot wabin Turobe, bosunubayan, turobe kourerebayan, God an ana baimatarenayan, ana tur.

Revelation 3:7

“Iti tur i ekaleisia Piladelfia wanawanan tema’am ana tounamatar isan inakirum, Iti tur i orot kakafiyin, turobe ana orot, David ana tufatan ebobotan biyanane enan. Abisa i ebobotawiy yait ta boro men nahir, naatu abisa i ehirihir yait ta boro men nabotawiy.

Revelation 4:5

Naatu urama’ama batabatamaim namanamar bokiyat gunum rouware gugugug iwa’an tit, urama’ama nanamaim ramef seven hito’aben hibat hitoto’ab. Naatu nati ramef seven i God an wagabur seven.

Revelation 4:8

Naatu iti sawar yawasih ma’anih kwafe’en, ta’ita’imon bebeh rororon i toutunu toutunu nahine ufuhine etei i matahiwat awan karatan. Fai mar etei awah men efotafot, mar etei tetatabor, “Kakafiyin, kakafiyin, kakafiyin, Regah God O fair maiyow, marasika naatu boun naatu mar boro ana God.”

Revelation 5:6

Imaibo ayu Lamb hi’a’asabun i sawar yawasih ma’anih kwafe’en, naatu regaregah ai’in hi’ar bebera’uh nah yan foun urama’ama nanamaim batabat aitin. I ukwarinamaim ana rarag etei seven naatu matan etei seven, nati i wagabur seven God iyafarih hitit tafaram wanawananamaim.

Revelation 8:2

Naatu tounamatar etei seven tour seven hitih hibotanen God nanamaim hibatabat aitih.