Hebrews 4:7 - Tur gewasin o baibasit boubun

⁷ Isan imih God veya tabo ya’asair maiye. Naatu nati veya i boun. Kwamur moumurih maiyow sasawar ufunamaim, tur ta’imon marasika eo ma’am, iban David wanawananamaim eo maiye. “God fanan boun kwananonowar na’at, dogor men hinafokaramih.”

Hebrews 4:7 ပူးပေါင်းရင်းမြစ်များ

Matthew 22:43

Naatu Jesu ibatiyih eo, “Bo aisim Anun Kakafiyin ana fairamaim David iwanasum, Regah isan eo,

Mark 12:36

David Anun Kakafiyin biwan ana veya iti na’atube eorereb, ‘God au Regah isan eo, Umau asukwafune kumare inama’am a kamabiy sabuw ana bow abatabat babanamaim anaya.’

Luke 20:42

Anayabin David akisin iti na’atube eorereb Buk Atamanin wabin Psalm imaim kirum, ‘Regah God ayu au Regah isan eo. Sisibu au asukwafune kumare.

Acts 2:29

“Taituwau Jew, bebeyan a tur ao’owen aiwob orot David ata agir wabin gagamin, morob hiyai naatu ana rah i iti biyatamaim inu’in.

Acts 2:31

God mar boro nanan abisa nasisinaf David i so’ob, Keriso morobone misir maiye isan ana tur i nowar. ‘Biyan boro men ninatbuhuruw moroboyah hai efanamaim na’in na’atube biyan boro men na’itin namasamih.’”

Acts 28:25

Taiyuwih wanawanahimaim Paul ana tur yomanin eo isan hibusuruf hibibas ufunamaim himisir hitit hin. Paul eo, “Anun Kakafiyin i turobe uwatanah isah dinab orot Isaiah iwan eo,

Hebrews 3:15

Bukamaim iti na’atube eo, “God fanan boun kwananonowar na’at, dogor men hinafokar, marasika a a’agir hisisinaf na’atube kwanasinaf God kwanigigimimih.”