Acts 2:20 - Tur gewasin o baibasit boubun

²⁰ Veya matan boro nagugum naatu sumar matan boro rara namatar, imaibo Regah ana veya gagamin bodiridirin nanan natit.

Acts 2:20 ပူးပေါင်းရင်းမြစ်များ

Matthew 24:29

“Yababan iti hinamamatar ufunamaim ‘Veya boro matan nagugum, sumar boro men nakaw, daman boro hinihururuw hinare. mar wanawanan sawar ti’inu’in etei boro hai efan hinasairen.’

Matthew 27:45

Veya yen tafat yan tafaram etei gugum inu’in veya botabir re 3 korok bai.

Mark 13:24

Baise nati bai’akir hinamamatar ana veya, ‘I nanamaim veya boro matan nagugum, naatu sumar boro men nakaw,

Luke 21:25

“Maramaim veya, sumar, daman boro ina’inan yumatah ta ta hinamatar. Tafaram tutufin wanawan etei boro ayay hinabosair abisa namamatar isan, yabat boro namisir, gis nayen ana’itin boro birubir kakafin.

Acts 2:19

Ayu boro maramaim baifofofor ana sinaf naatu ina’inan tafaramaim ana sinaf, Nati’imaim boro rara, wairaf, naatu sow agor kutikutin kwana’itin.

Acts 2:21

Orot yait Regah wabin su’ub e’afa’af boro yawas nab.’”

1 Corinthians 5:5

nati orot bowabow kakafin sisinaf i Satan kwanitin biyan ana kakafin nagurus, saise ata Regah nanan ana veya’amaim ayubin boro yawas nitin.

1 Thessalonians 5:2

Anayabin kwa etei kwaso’ob, Regah ana Veya i boro bainowan mowan gugumin enan na’atube boro nan natit.

2 Peter 3:10

Baise Regah Jesu Keriso ana veya natitit it boro tana’ororsa’ir bainowan mowan etitit na’atube. Nati gagub narab nafufudir ana veya mar na’am saniwa’an naatu sawar maramaim boro etei na’am hinan. Naatu wairaf ana fora’abinamaim sawar maramaim tema’am etei boro hinadew, naatu tafaramamaim sawar sinaf himamatar boro owararin na’in.

2 Peter 3:7

God obaiyunen tur ta’imonaban eo, mar tafaram iti boun tama’am kaifen ya ti’inu’in boro wairafamaim na’afuyar. Sabuw iyab men God ana kokokomaim tema’am boro nibabatiyih. Nati ana veya’amaim tafaram iti boun tama’am God boro nagurus.

Revelation 16:8

Naatu tounamatar baikwafe’enin ana tew bai veya matanamaim isuwai re, sabuw a’arahih isan ana fair bai ana fora’abin ra’at.

Revelation 6:12

Buk bai six hikwah inu’in Lamb bai kwibikwib ana veya, iriyoy gagamin na’in tit, veya matan fufum matar, watur tibifufum na’atube, sumar matan tutufin etei iwuwun rara matar,