2 Corinthians 3:3 - Tur gewasin o baibasit boubun

³ Rerereb yan ebi’obaiyit, Keriso taiyuwin iti fef kirum aki wanawana’imaim iyafar abai ana, men fufumamaim hikirum, baise God Anunin wanatowan ma’ama’anin kirum, men kabay rebanamaim baise sabuw dogorohimaim.

2 Corinthians 3:3 ပူးပေါင်းရင်းမြစ်များ

Matthew 16:16

Simon Peter iya’afut eo, “O i God Tafa eof nowah God ma’ama wanatowanin Natun.”

1 Corinthians 3:5

Men kwananot Apollos i orot na’in, naatu men kwananot Paul i orot na’in, En. Aki i God ana akir wairafi, imih kwa aibaisi kwana God kwabitumitum, nati i aki ta’ita’imon ai bowabow God biti’imaim abowabow.

2 Corinthians 3:6

I sinaf isat heam ana obaibasit boubun ana bowayah tamatar, men fefemaim baise God Anunin Kakafiyinamaim. Anayabin ofafar hikikirum i ea’easbunit, Anun Kakafiyin i yawas ebitit.

2 Corinthians 3:7

Ofafar nati kabay tafanamaim hikikirum ana veya God ana marakaw tafanamaim re auman bai, nati morob bai enan naatu ofafar ana kusisiarin auman naa, imih Israel sabuw men karam Moses yumatan hita’itin gewas, nati kusisiarin i sasawar auman.

2 Corinthians 6:16

God men ebibasit uma taratar ana Tafaror Bar nowan hinamatar? Anayabin it i God ana Tafaror Bar ana ma’ama efan. God iti na’atube eo, “Ayu boro wanawanamaim anama ana remor, naatu Ayu i hai God, naatu i boro Ayu au sabuw.

1 Thessalonians 1:9

Nati sabuw aki abinanawani ana veya kwa mi’itube aki ai merar kwayi kwabubuwi i tibidudur naatu mi’itube uma matamatar kwaihamiyen kwana turobe God wanatowan ma’ama’anin isan kwabowabow i tibidudur.

Hebrews 10:16

Regah eo, “Mar boro enan obaibasit sabuw isah boro iti na’atube ana sinaf, au ofafar etei boro dogorohimaim anayai naatu hai notamaim ana kirum saise hinanot hini’ufunun.”

Hebrews 8:10

Isan imih obaibasit iti, i boun Israel sabuw boro isah anasinaf, mar enan ayu au ofafar boro hai notamaim ana yari’iy, naatu dogorohimaim ana kirum. Ayu boro i hai God naatu i boro ayu au sabuw. Regah eorereb.

Hebrews 9:14

Baise Keriso ana rara i igewasin naatu ra’at kwanekwan. Anunin wanatowan ana fairamaim, Keriso taiyuwin biyan rousouwin it ata kakafin isan God siribuw. It ata kakafih tata’amaim nawiyit tan tamomorob iti rara’amaim it kusouwit, saise it tatan God wanatowanin isan tatabow.

Revelation 2:1

“Tur iti i Ephesus ekaleisia ana tounamatar isan inakirum: Iti tur i Orot daman etei seven uman ana asukwafune ebobotanen naatu ramef etei seven hai abatabat gold amaim hiwowaben hai foun bat ereremor i ana tur.

Revelation 2:12

“Iti tur inakirum Pergamum ekaleisia ana tounamatar isan. Iti tur i orot ana kaiy wan rororon so’arin ana tur.

Revelation 2:18

“Iti tur inakirum Taiyatira ekaleisia ana tounamatar isan. Iti Tur i God Natun biyanane enan, matan i wairafabe ebitakir, naatu an i kabay wabin brass biyan hisafam ekukusisiaribe.

Revelation 2:8

“Iti tur inakirum Simena ekaleisia ana tounamatar isan. Tur iti i orot busurufinayan naatu baisawarinayan, iti orot i morob naatu misir maiye yawasin ema’am i ana tur.

Revelation 3:1

“Iti tur i Sardis ekaleisia ana tounamatar isan inakirum. Iti tur i orot God ana wagabur etei seven biyanamaim tema’am naatu ana daman etei seven biyanamaim tema’am i awanane enan. Ayu aso’ob o abisa kusisinaf, o a’itinin i yawas kuma’am baise o i imoroboka!

Revelation 3:14

“Tur iti inakirum Laodicea ekaleisia ana tounamatar isan. Iti tur i orot wabin Turobe, bosunubayan, turobe kourerebayan, God an ana baimatarenayan, ana tur.

Revelation 3:22

O yait tain nama’am na’at, iti tur Anun Kakafiyin ekaleisia isah eo inanowar!”

Revelation 3:7

“Iti tur i ekaleisia Piladelfia wanawanan tema’am ana tounamatar isan inakirum, Iti tur i orot kakafiyin, turobe ana orot, David ana tufatan ebobotan biyanane enan. Abisa i ebobotawiy yait ta boro men nahir, naatu abisa i ehirihir yait ta boro men nabotawiy.