Genesis 25:23 - Hiyay Habi nin Dioh boy Genesis boy Ruth

²³ Hinabi nan Apo Dioh kana, “Mangibat kanlan luwan ongi mo a anti ha loob nin bitoka mo ye luway nahyon. Luway lahi nin tatao a mapaylaban. Hiyay magha ket mag-ilyadi yan makapalyadiyan dinan ha magha. Hiyay makaagat ket maghilbi ya kanan makaydeng.”

Genesis 25:23 ပူးပေါင်းရင်းမြစ်များ

Genesis 17:16

Inged koya boy magkaanak kawo. Inged koya boy mag-ilyadi yan indo nin nanahyon. Main mag-ilyadin popoon a ibat ha lahi na.”

Genesis 17:4

“Yati ye kahundoan ko kamo. Mag-ilyadi kan bapa nin malabong a nanahyon.

Genesis 24:60

Bayo hilan inumalih, in-inged la yay Rebeka, a wanla, “Katongno mi, biyan naka dayin Apo Dioh nin linibo-libon lalahi. Boy hamboten la dayin lalahi mo ye kakaaway la.”

Genesis 25:24

Ha nanganak yaynay Rebeka ket kambal yay in-anak na.

Genesis 25:27

Ha nilumake hilaynay kambal, nag-ilyadi yan mahipat manganop ye Esau. Kaya-bay maheheg yan anti ha lale. Hiyay Jacob met ket mal-em yan tao boy lanang yan anti ha hongab.

Genesis 27:29

Hilay nanahyon ket maghilbi boy pahakop hila dayi kamo. Mamoon ka kanlan kakatongno mo boy manalimokod hila bilang pagpahakop la kamo. Hilay mangihumpa kamo ket maihumpa hila met dayi. Ket hilay manginged kamo, minged hila met dayi.”

Genesis 27:33

Pamakange nan Isaac, namigpig yan tubat, a wana, “Aya awod ye naunan nangakal a namyay kangkon kena? Kapipiyadi kon bengat nangna nin wanabay ha nilumateng ka. In-inged ko yayna, ket homain hapo a minged yayna.”

Genesis 27:37

Hinabi nan Isaac kanan Esau, “Hinabi koyna kana a hiyaynay mamoon kamo haanin. Boy dinyag ko hilayna met a ipoh na ye kaganaan papaltido na. Boy hinabi koyna met a inged na yan Apo Dioh makauli ha malabong a pupol boy bayon alak. Kaya-bay anak ko, hinya po nayi ye malyadi kon diyagen kamo?”

Genesis 27:40

Lanang kan makilaban kanlan kanayon a tatao, boy maghilbi ka kanan katongno mo. Noba no lumaban ka kanla, ket mapalihway ka ha kapalyadiyan la.”

Genesis 32:6

Ha pag-udong lan intubol nan Jacob, hinabi la, “Niabot kayina kanan katongno mo a Esau. Ket haanin, anti yayna ha dān palakew ihti a managana kamo, kalamo nay 400 a lalaki.”

Genesis 33:3

Nuna yay Jacob kanlan kaganaan. Ket ha anhumaley yayna kanan katongno na, nikapito yan ukdon nilumukob ha luta.

Genesis 36:31

Hilayati ye nag-ilyadin poon ha Edom bayo hilan nagkamain nin poon ye Israelita.

Genesis 48:19

Noba hinabi nan Jacob, “Tanda ko yain, anak ko. Tanda kon mag-ilyadi yan angkabalitaan a tao ye Manase, dayon lalahi na. Noba maiigit ya lano ye makaydeng a katongno na. Mag-ilyadin malabong ye nanahyon lano ye lalahi na.”