1 Corinto 7:30 - Hiyay Habi nin Dioh boy Genesis boy Ruth

³⁰ Hilay antumangih, magbi-ay hila a ba-mon ahe antumangih. Hilay angkaaliket a ba-mon ahe hila angkaaliket. Hilay ampanaliw a ba-mon aliwa lan konin ye hinaliw la.

1 Corinto 7:30 ပူးပေါင်းရင်းမြစ်များ

Lucas 16:25

“Noba nakibat yay Abraham kanan mabatnang, ‘Anak, pakaihipen mo a ha angkabi-ay ka po ha babe-luta, ket pawa palugad ye pagbi-ay mo, noba hiyay Lazaro, pawa kaidapan ye nadihaan na. Ket haanin, anti ya ihtin mahayaghag noba hika, anti ka ihen a ampag-idap.

Lucas 6:21

Minged kawon angkabitlan haanin, ta mabhoy kawo lano. Minged kawon antumangih haanin, ta kumaili kawo lano.

Lucas 6:25

Kakaingalo kawon angkabhoy haanin, ta mabitlan kawo lano. Kakaingalo kawon angkumaili haanin, ta lumele boy tumangih kawo lano.

Juan 16:22

Wanabay met kanyo. Malele kawo haanin. Noba maaliket kawo met lano ha mangaamot a mapayngingikit kitawon uman. Ket homain ana lanon makahag-el kanyo ha pag-aliket yo.”

1 Corinto 7:29

Kakatongno, hiyay labay kon habiyen, ket matekbe anan bengat ye napatla a panaon tawo ihti ha babe-luta. Kaya-bay hilay main anan ahawa, katapulan a paghilbiyan la yan luboh ye Apo a ba-mon homain hilan ahawa.

1 Corinto 7:31

Boy hilay ampanggawi nin babagay ihti ha babe-luta, ahe la dayi ibuton ye ihip la kanlan hilain a babagay. Ta kaganaan a babagay ihti ha babe-luta ket maanam.

Impakit 18:7

No way-omen yan nagmayadet boy nagpapakapda ha kalabayan na, ket ibae kana ye kaeteban na a kapatiyatiyaan boy kalelean. Ta anhabiyen na ha hadili na, ‘Magha kon Reyna, aliwa kon bawo, boy ahe ako magdiha nin kalelean makanoman!’

Impakit 7:17

Ta hiyaynay Oybon Tupa a anti ha pamiknoan ye pahtol la. Ilakew na hila ha hubol nin lanom a ampakaibyay bi-ay boy ponahan nan Apo Dioh ye luwa nin balang magha. Ket ahe hilayna tumangih makanoman.