အာ​မုတ် 5:17

Judson Bible

ခပ်​သိမ်း​သော စ​ပျစ်​ဥ​ယျာဉ်​တို့၌​လည်း မြည်​တမ်း​ခြင်း​ရှိ​လိမ့်​မည်။ အ​ကြောင်း​မူ​ကား၊ ငါ​သည် သင်​တို့​အ​လယ်၌ လျှောက်​သွား​မည်​ဟု ထာ​ဝ​ရ​ဘု​ရား မိန့်​တော်​မူ၏။

ပူးပေါင်းရင်းမြစ်များ

ထွက်​မြောက် 11:4

ထို​အ​ခါ မော​ရှေ​က၊ ထာ​ဝ​ရ​ဘု​ရား​မိန့်​တော်​မူ​သည်​ကား၊ သန်း​ခေါင်​အ​ချိန်၌ အဲ​ဂု​တ္တု​ပြည်​အ​လယ်​သို့​ငါ​ထွက်​သွား​မည်။

ထွက်​မြောက် 12:12

အ​ကြောင်း​မူ​ကား၊ ယ​နေ့​ည​တွင် အဲ​ဂု​တ္တု​ပြည်​ကို ငါ​သည် ထုတ်​ချင်း​ခပ်​သွား၍၊ အဲ​ဂု​တ္တု​ပြည်၌​ရှိ​သော လူ​တို့၏​သား​ဦး​များ​နှင့် တိ​ရ​စ္ဆာန်​တို့၏ သား​ဦး​များ​အ​ပေါင်း​တို့​ကို​ဒဏ်​ခတ်၍၊ အဲ​ဂု​တ္တု​ပြည်၏​ဘု​ရား​တို့​ကို တ​ရား​စီ​ရင်​မည်။ ငါ​သည်​ထာ​ဝ​ရ​ဘု​ရား​ဖြစ်​၏။

ထွက်​မြောက် 12:23

အ​ကြောင်း​မူ​ကား၊ ထာ​ဝ​ရ​ဘု​ရား​သည် အဲ​ဂု​တ္တု​လူ​တို့​ကို​ဒဏ်​ခတ်​ခြင်း​ငှာ ထုတ်​ချင်း​ခပ်​သွား​တော်​မူ​မည်။ တံ​ခါး​ထုပ်​နှင့် တံ​ခါး​တိုင်​နှစ်​ဖက်​၌​ရှိ​သော အ​သွေး​ကို​မြင်​သော​အ​ခါ၊ ထာ​ဝ​ရ​ဘု​ရား​သည် တံ​ခါး​ကို​လွန်​သွား​တော်​မူ​မည်။ ဖျက်​ဆီး​သော​သူ​သည် သင်​တို့​ကို​ဒဏ်​ခတ်​ခြင်း​ငှာ၊ အိမ်​ထဲ​သို့​ဝင်​ရ​သော​အ​ခွင့်​ကို ပေး​တော်​မ​မူ။

ဟေ​ရှာ​ယ 16:10

ဝ​ပြော​သော​လယ်​ပြင်​ထဲ​မှာ ဝမ်း​မြောက်​ရွှင်​လန်း​ခြင်း ပြတ်​လေ​ပြီ။ စ​ပျစ်​ဥ​ယျာဉ်၌ သီ​ချင်း​မ​ဆို​ရ​ကြ။ မ​ကြွေး​ကြော်​ရ​ကြ။ စ​ပျစ်​သီး​နယ်​ရာ​ကျင်း၌ စ​ပျစ်​သီး​ကို နင်း​သော​သူ​လည်း မ​နင်း​ရ။ ကြွေး​ကြော်​သော​အ​သံ​ကို​လည်း ငါ​ပြတ်​စေ​ပြီ။

ယေ​ရ​မိ 48:33

ဝ​ပြော​သော​လယ်​ပြင်​နှင့် မော​ဘ​ပြည်​ထဲ​မှာ ဝမ်း​မြောက်​ရွှင်​လန်း​ခြင်း ပြတ်​လေ​ပြီ။ စ​ပျစ်​သီး​နယ်​ရာ ကျင်း၌ စ​ပျစ်​ရည်​ကို ငါ​ပြတ်​စေ​ပြီ။ ကြွေး​ကြော်​သံ​ကို​ပြု၍ စ​ပျစ်​သီး​ကို မ​နင်း​ရ။ ကြွေး​ကြော်​သော အ​သံ​လည်း ကြွေး​ကြော်​သော​အ​သံ မ​ဟုတ်​ရ။

ယော​လ 3:17

ငါ​သည်​လည်း ငါ၏​သန့်​ရှင်း​သော ဇိ​အုန်​တောင်​ပေါ်​မှာ နေ​သော သင်​တို့၏ ဘု​ရား​သ​ခင် ထာ​ဝ​ရ​ဘု​ရား ဖြစ်​ကြောင်း​ကို သင်​တို့​သိ​ရ​ကြ​လိမ့်​မည်။ ယေ​ရု​ရှ​လင်​မြို့​သည်​လည်း သန့်​ရှင်း​လိမ့်​မည်။ နောက်​တစ်​ဖန် ထို​မြို့​ကို တစ်​ပါး​အ​မျိုး​သား မ​နင်း​ရ။

နာ​ဟုံ 1:12

ထာ​ဝ​ရ​ဘု​ရား မိန့်​တော်​မူ​သည်​ကား၊ သူ​တို့​သည် စုံ​လင်၍ အ​ရေ​အ​တွက်​အား​ဖြင့် များ​ပြား​သော်​လည်း၊ ဆုံး​ရှုံး၍ ကွယ်​ပျောက်​ရ​ကြ​လိမ့်​မည်။ သင့်​ကို ငါ​ညှဉ်း​ဆဲ​ဖူး​သော်​လည်း နောက်​တစ်​ဖန် မ​ညှဉ်း​ဆဲ။

နာ​ဟုံ 1:15

ငြိမ်​သက်​ခြင်း၏ ဝမ်း​မြောက်​စ​ရာ​သ​တင်း​စ​ကား​ကို ကြား​ပြော​သော​သူ၏ ခြေ​တို့​ကို တောင်​ပေါ်​မှာ ကြည့်​ကြ​လော့။ အို ယု​ဒ​အ​မျိုး၊ သင်၏​ဓ​မ္မ​ပွဲ​ကို​ခံ​လော့။ သ​စ္စာ​က​တိ​ထား​သည်​အ​တိုင်း သ​စ္စာ​ဝတ်​ကို ဖြေ​လော့။ အ​ဓ​မ္မ​လူ​သည် ရှင်း​ရှင်း​ပယ်​ဖြတ်​ခြင်း​ကို ခံ​ရ​သော​ကြောင့် နောက်​တစ်​ဖန်​သင့်​ကို မ​ကျော်​မ​နင်း​ရ။

ဇာ​ခ​ရိ 9:8

အ​ဘယ်​ရန်​သူ​မျှ မ​ထွက်​မ​ဝင်​စေ​ခြင်း​ငှာ၊ ငါ့​အိမ်​တော်​ပတ်​လည်၌ တပ်​ချ​မည်။ ညှဉ်း​ဆဲ​သော​သူ​သည် ငါ့​လူ​တို့​ကို နောက်​တစ်​ဖန် မ​နှိပ်​နင်း​ရ။ အ​ကြောင်း​မူ​ကား၊ ငါ​သည် ယ​ခု​ကိုယ်​တိုင်​ကြည့်၍ မြင်​ပြီ။